Dutoronomi 30:3 - Ạḍinya Iigbia

³ Pụruku Ọmoogh-we Ẹnaan phọ anyina kiḅulemi inyina ḍigbaany ạdol ẹelha phọ anyina, kụ Ọdi ịnma inyina ighirigiir, kụ Ọdi aakpomoghi bụphe Ọdi ạwalalami bọ ịnon areelhe phọ aḅulemi.

Dutoronomi 30:3 Iomraidhean Croise

Emiighom 28:15

Kịom ologhi, mị odianaan ni rꞌạna. Mị kaako ni nyịna asiemi tọrobo ekpisi lọ nạ rạki, kụ mị kạḅile ni ạsighe nyịna aḅulemi sịen ade phọ ạḍien. Mị kạ́wile nyịna tụtu mị maḍighi oomo phọ ịphen mị aguanaan bọ nyịna.”

Emiighom 48:21

Pọ kụ amem dị ạJekob ạḅeni Jọsef mọ, “Nạ rạmiin bọ ni, rẹkpul dị mị kamugh; kụ Ẹnaan phọ kịrolonaan ni nyịna kụ ạsighe nyịna aḅulemi ẹpe de ạburude phọ ạna.

1 Krọnikuls 16:35

Ịḅeni nyọdi, “Ụphel iyoor, Ẹnaan Ọpelia ayoor, uukpomoghi iyoor eniin esi; ụsighe iyoor ạḍuanam sịphe aḍita areelhe phọ, ọbo yoor ọngo ḍịseph ọḅile oboom ḍien iigbia phọ ạna.”

Nehemaya 1:9

Kụ eḍighi ịyaar dị nyina eeghiraan iphogh ịmi kụ emiigh oḍighi ịlo mị ịḅeni inyina oḍighi, pọ mị kịsighe ni inyina aḅulemi sịphe mị mạsaḅar bọ ọoḅereghi ghan ạmi. Ghạlamo nyina ịwalala kụ eleeny oomo ạrughulukul aḅirini phọ, pọ mị kiḅulemi ni inyina.’

Job 42:10

AJob rọoḅereghinaan bọ ịraar phọ ạrighiri phọ ọdi, kụ Ọmoogh-we phọ ạḅile aḍighi ịdi ọdi ạḅile ạmoogh ẹelha kụ ạḅile ạngo nyọdi ịyal ọdo ẹelha phọ ẹpe ọdi ạmoogh ghan bọ mem dị meten.

Ạsuor 107:3

kụ mịsighe inyina atighelom iiruen ạramha, ẹḍua emitenom erumuḍio kụ esi emeelom, ẹḍua ephunom kụ esi esoorom.

Ạsuor 147:2

Ọmoogh-we phọ mạḅile raḅulemi Jeruselem; ọdi raḅulemi yogh bụphe osumughu bọ.

Azaya 27:12

Ḍio phọ ạḍiphe, emiigh Ọphiiny aYufratis kụ esi ọku Ijipt, Ọmoogh-we phọ kaakpomoghi ni we phọ ọdi oniin atum oniin, ịdipho oye dị rạponyon ikpo kạwile riiti.

Azaya 43:5

Kẹ́moogh oghiilaan — mị odianaan ni rꞌanyina! “Emiigh kꞌẹekela emitenom erumuḍio phọ kụ esi kꞌẹekela emeelom mọ, mị kịsighe ni inyina asiemi ologhi otu.

Azaya 54:7

“Ọony ẹkpor amem mọ mị ạwile bọ nyịna; rꞌegey ẹphomoghian kụ mị ạḅile ni ạmagh nyịna aḅulemi.

Azaya 56:8

Ogbogh Ọmoogh-we phọ, ọpo mạsighe bọ we phọ Ịzirel ẹpe bịdi ọrol bọ ikoli ẹgham mọ arighelom, maguanaan mọ ọno kạḅile kẹn ạsighe bụnon awe atu ọḅaram bịdi.

Jerimaya 12:14

Ọmoogh-we phọ rạḅem mọ, “Mị ạmoogh ni ịyaar ọḅem dị egbolomaam bumatuman phọ Ịzirel, bụphe mophiemi bọ de phọ mị ạngo bọ weye phọ ạmi Ịzirel. Mị kạsighe ni bụkaraph awe phọ ạbuphe phọ sịphe areelhe phọ ạbidi ịdipho oreeny lọ oruphuron, ḅịle kẹn mị kạtagharan ni Juda ạsighe ḍịghaagh ạbidi.

Jerimaya 23:3

Mị kaakpomoghi weye phọ ạmi osugha bọ ọḍuaghu ẹpe areelhe phọ mị ạwalalami bọ bịdi, kụ mị ạsighe bịdi aḅulemi ẹpe ẹmha phọ ạbidi. Bịdi kọmoogh ni ịbadi ạnmuny ọḅile oḍiza we.

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 31:10

Ọmoogh-we phọ ạḅem, “Reelhe, ịnaghanan ịmi kụ egbeelom ikpo ọnhu phọ ạmi ẹghimom rikpisi dị ẹkelogh. Mị ụuwalami ni weye phọ ạmi, kụ ọlo mị kaakpomoghi bịdi kụ ạmaar apogh bịdi ịdipho okoriom mọ rapogh ghan bọ ḍita ịga phọ ọdi.

Ịkunuma 3:22

Ẹphomoghian Ọmoogh-we phọ rꞌọnma ighirigiir phọ ọdi amabi úlho ghan bọ edi ghan bịn.

Ịkunuma 3:32

Iini ọdi kụngo ni iyira okururu, kụ ọlo ẹphomoghian ọdi esi ayira edi ni ẹḅile ẹkpar.

Izikiel 11:17

“Esi ịduon phọ ḅẹni bịdi ịpe mị Ọmoogh-we dị ạmoogh oomo ịikpo phọ rạḅem ghan bọ. Mị kaakpomoghi bịdi amitiom sịphe areelhe phọ ẹpe mị ạwalalami bọ bịdi, kụ aḅulemi de phọ Ịzirel ạngo bịdi.

Izikiel 36:24

Mị kịsighe ni inyina eelhe kịrokiro rꞌẹmha kịrokiro aḅulemi de anyina.

Izikiel 39:28

Kụ awe phọ ạmi ogbi olegheri mọ mị kụ Ọmoogh-we Ẹnaan phọ ạbidi. Bịdi kolegheri ịphen phọ loor esi dị mị ụghiom bịdi dọl ạrebene kụ maakpomoghi bịdi aḅulemi de ạbidi, dị rꞌoniin ọnyo ạbidi ọman ụ́bile.

Maika 7:19

Nạ kạḅile ni ạmoogh ọnma ighirigiir esi ayoor. Nạ kạazeghiom ịkaraph ayoor rạda kụ ạsighe asiemi ude ọphiiny!

Zẹkaraya 10:9

Ghạlamo ịduon mị mạwalalami bọ ni bịdi igbo areelhe phọ, bịn bịdi kụutughian ghan ni ịmi ẹpe egher ekpisi phọ. Bịdi rꞌạnmuny ạbidi kokpetenaan ni kụ ọḅophoghan otigheel otu.

Bụo aRom 11:23

Bụo aJu phọ kụ ọwile ni emeeraam mọ ạbidi, Ẹnaan ẹmoogh ni ịikpo ọḅile ọsighe ạbidi oḅulemi otulom ọla oreeny phọ bịdi ọrol ghan bọ.

Bụo aRom 11:26

Ịduon kụ ịdi kọpel bọ oomo aweye phọ Ịzirel otene. Ịdipho ọge bọ pạ ạḍinya iigbia phọ mọ, “Ọpelia phọ kamite Zạyon. Sịphe ẹemara phọ ạJekob, ọdi kạsighe ni oomo elegheri Ẹnaan.

Bụo aRom 11:31

Igina phọ kẹn, loor ighirigiir phọ ọdi mịnma bọ inyina, bụo aJu phọ nyịidipho Ẹnaan rọ́naghanan, ọbo ọnma aani bịdi ighirigiir.

Dutoronomi 13:17

Esi oomo ạraraar phọ ịpe mosu bọ ọkaraph ọnhu kopiemi bọ, kụ́miin rꞌeniin ịyaar ḍịghaagh anyina, ọbo Ọmoogh-we phọ kakiton esi ạghelhe phọ ọdi, iḍeenaan inyina ọnma ighirigiir. Ọdi kạmoogh ni igbiririph esi anyina, ịseph inyina, ạbughe ọophi ẹmaria phọ anyina, ịdipho dị aghunya bọ ạngo bụrude phọ anyina,

Dutoronomi 4:27

Ọmoogh-we phọ kịiwalami ni inyina ạngo ịnon areelhe dị ịphurukpu anyina bịn kụ koḍum.