Dutoronomi 30:2 - Ạḍinya Iigbia

² Mem ḍi nyịna ekiton eḅula esi Ọmoogh-we Ẹnaan phọ anyina, ẹnaghanan ghan ẹḍogh phọ ọdi, kụ ẹdaph ghan oomo phọ iilogh phọ mị ạlogh bọ ịngo inyina ḍio phọ arodon.

Dutoronomi 30:2 Iomraidhean Croise

1 Krọnikuls 29:17

Mị alegheri ni mọ nạ rạaḅeghion ghan ni ịitughian iloghi ạtorobo oye kụ ogey oye ạḅeeraan ni nyịna. Esi ọkar ọghaaph, rꞌịpe eru bọ igey, mị ạngoom nyịna oomo phọ ịphen rꞌophooph ologhi, kụ mị mạmiin ni mọ awe phọ ạna ookpomoghan bọ sịen ọmoogh ni ọḅaal ologhi ọpham inmo oruom ạna.

1 Krọnikuls 29:9

Awe phọ ụngo ni Ọmoogh-we phọ rꞌophooph ologhi kụ ikpoki phọ mọngo bọ ẹḅaalami iloghi phọ ạbidi iboom. ADevid ọdaam mọ ạmoogh ni ọḅaal ologhi iboom.

2 Krọnikuls 30:9

Eḍighi ịyaar dị nyina eḅula esi Ọmoogh-we phọ, bịn bụphe mọsighiogh bọ siya phọ anyina ọḍuanam kọmoogh ọnma ighirigiir ọngo bịdi kụ omeera bịdi otigheel. Ọmoogh-we Ẹnaan phọ anyina ẹmoogh ọnma ighirigiir rꞌigbiririph, kụ eḍighi ịyaar lọ nyina eḅula esi ọdi, ọdi kịsighe ni inyina.”

Nehemaya 1:9

Kụ eḍighi ịyaar dị nyina eeghiraan iphogh ịmi kụ emiigh oḍighi ịlo mị ịḅeni inyina oḍighi, pọ mị kịsighe ni inyina aḅulemi sịphe mị mạsaḅar bọ ọoḅereghi ghan ạmi. Ghạlamo nyina ịwalala kụ eleeny oomo ạrughulukul aḅirini phọ, pọ mị kiḅulemi ni inyina.’

Ạsuor 119:2

Ọḅaal ologhi odianaan bụphe ọdaph bọ ịtooghi phọ ọdi, bụphe ọnaghanan bọ nyọdi rꞌoomo ologhi ạbidi.

Ạsuor 119:80

Eḍighi ni ịdi mị kạkar aako iilogh phọ ạna ọbo mị akpetenaan umugholoor apum.

Ạsuor 41:12

Kụ mị phọ, mị raḍighi ghan ịpe eru bọ ịne. Kụ iḍighi kụ nạ rụlhoghonaan ghan bọ ịmi ḍịghaagh, ḅịle nạ kuseere ni ịmi sịphe egbodo phọ ạna kꞌagee-pọ.

Jerimaya 29:13

Nyina kịwa ni ịmi, kụ nyina kịmiin ni ịmi, loor esi dị nyina kịwaam ịmi rꞌoomo ologhi phọ anyina.

Jerimaya 3:10

Kụ mem dị oomo ịphen phọ meten, aJuda umarani phọ Ịzirel ologhi róḍuom ghan bọ akue bịn mọ ọno marigheel ḍịghaagh ạmi; ọdi órighelom rꞌeekuna ologhi ọdi. Mị Ọmoogh-we phọ kụ ụḅem.”

Jerimaya 36:3

Iini mem dị awe phọ aJuda ọnaghan ịlo oomo ophiemi phọ mị ạnya bọ oḍighi ạbidi, bịdi kọbileghi ni ịkaraph areten phọ ạbidi kụ mị kạsar ạbilenaan ẹkaraph eḍighinom mọ ạbidi rꞌạsipioghom mọ ạbidi.”

Jerimaya 4:14

Jeruselem, tootola ịkaraph sịphe ologhi phọ ạna, pịdi nạ ạmoogh pẹleeny. Ạpur amem kụ nạ ạbile ọotughian ghan ịkaraph ịitughian?

Ịkunuma 3:32

Iini ọdi kụngo ni iyira okururu, kụ ọlo ẹphomoghian ọdi esi ayira edi ni ẹḅile ẹkpar.

Ịkunuma 3:40

Itu ọoḅeghion reten phọ ayira kụ oḅula esi Ọmoogh-we phọ.

Izikiel 6:9

ekpisi dị bịdi kọtol dọl iiruen. Ẹpe bịdi kụutughian ni ịmi kụ olegheri mọ mị kụ ụliom bọ ni bụno ạḅile aafolomi bụno, ịdi eḍighi bọ iloghi émeeraam mọ ạbidi ịwile ịmi kụ bịdi ọsighe ịkaaghineen ạrumugh kpạripe rꞌạmi. Kụ bịdi kọḍagha ni siloor ạbidi esi ịkaraph ạraraar omutonaan-ephoogh phọ bịdi moḍighi bọ.

Hosia 3:5

Kụ amem ketu ni dị awe phọ Ịzirel kọḅile okiton kụ opogh Ọmoogh-we Ẹnaan phọ ạbidi rꞌọnyo ẹemara ẹemara aDevid ọdaam mọ ạbidi. Pọ kụ amem dị bịdi kọlogh eghuan Ọmoogh-we phọ kụ ọboor ịma aruunmo ọdi.

Lịvitikos 26:40

“Bụo ẹemara phọ anyina kọgba ni ịkaraph phọ ạbidi omitiom, kụ ọḅile ootuma sịpioghom ạburude phọ ạbidi ọḅaar bọ ẹmhu esi ạmi, ụwile ịmi kụ roḍighi yogh ịpe ítu bọ ịne, kụ ụgbatanaan bọ ịmi

Zẹkaraya 12:10

“Mị kamuzeḍi ni uwaloor ọnma ighirigiir rꞌuwaloor ịiḅereghi siloor ẹemara ẹemara phọ aDevid ḅịle rꞌạbueri phọ awe phọ aJeruselem. Bịdi kopogh ni nyọpo bịdi ọsighe bọ ọsoph phọ oroph oghiigh, kụ bịdi omoghinaan nyọdi ịdipho awe lọ romoghi ogina ọony. Bịdi komoghi ni iboom, ịdipho awe lọ ọkpana ọony ạbidi amugh.

2 Bụo ạKorint 3:16

Amem lọ oye makiton aḍighom Ọmoogh-we phọ kụ ẹdi rozughuron ghan ạmana aghisigh phọ ọdi, ịdipho ạḍinya iigbia phọ ẹḅem bọ mọ, “Ạmana aghisigh phọ aMozis uzughuron mem mọ ọdi makiton bọ aḍighom Ọmoogh-we phọ.”

Bụo ạEfesos 6:24

Ooḅi ọghor phọ kꞌẸnaan ạrolonaan oomo phọ ạbuphe ọsighe bọ ẹphomoghian dị rémugh ghan kụ ọphomoghianam Jịzos Kraist Ọmoogh-we phọ ayira.

Dutoronomi 13:3

pọ kẹ́naghanan ọghaaph oyil phọ ọpo mꞌọmalhaam rạmalha phọ ọpo, ịdi eḍighi bọ Ọmoogh-we Ẹnaan phọ anyina kụ rịdeghogh ghan inyina ophogh mụghumo nyina ẹpomoghian ni Ọmoogh-we Ẹnaan phọ anyina rꞌoomo ologhi anyina rꞌoomo uwaloor anyina.

Dutoronomi 6:5

Ịpomoghian Ọmoogh-we Ẹnaan phọ anyina rꞌoomo iloghi phọ anyina, rꞌoomo uwaloor phọ anyina, rꞌoomo ịnyaam mọ anyina.

1 Jọn 1:9

Kụ yira ọgba ghụn ịkaraph phọ ayira omitiom, Ẹnaan kẹsar ri ịkaraph phọ ayira ịwilenaan iyira ẹḅile igbuurogh iyira ẹḅaalami esi ẹkaraph eḍighinom ịyaar phọ ayira, ịdi eḍighi bọ ọdi rábi ghan ruguan phọ ọdi, ḅịle ịiruen ọdi reeleeny ghan ni.