Dutoronomi 30:1 - Ạḍinya Iigbia

¹ “Nyịidipho mị mịsu inyina ooḅi ọghor rꞌọkaraph ọghor ophin. Mem lọ nyina ẹteeny reelhe phọ ịpe Ọmoogh-we Ẹnaan phọ anyina kiphorogh bọ inyina kụ oomo ạraraar phọ ịphen isoroghuom inyina, ịitughian ghan sịphe iloghi phọ anyina.

Dutoronomi 30:1 Iomraidhean Croise

Emiighom 4:14

Nạ ruphorogh ịmi sịen ade phọ ḅịle rꞌarisigh ạna. Mị kaḍighi oyeelayeela oye, dị otu kạ́moogh sịen aḅirini phọ, kụ tọrobo oye lọ ụmiin ịmi kughiigh ni ịmi.”

1 Ạbudaam 8:34

kụ nạ ạrol ẹpe kꞌạke ạnaghan, pọ sạr ạwilenaan ịkaraph awe phọ ạna Ịzirel, ạsighe bịdi asiemi ẹpe ade phọ ạḍiphe nạ ạngo bọ bụrude phọ ạbidi.

2 Krọnikuls 30:9

Eḍighi ịyaar dị nyina eḅula esi Ọmoogh-we phọ, bịn bụphe mọsighiogh bọ siya phọ anyina ọḍuanam kọmoogh ọnma ighirigiir ọngo bịdi kụ omeera bịdi otigheel. Ọmoogh-we Ẹnaan phọ anyina ẹmoogh ọnma ighirigiir rꞌigbiririph, kụ eḍighi ịyaar lọ nyina eḅula esi ọdi, ọdi kịsighe ni inyina.”

Nehemaya 1:9

Kụ eḍighi ịyaar dị nyina eeghiraan iphogh ịmi kụ emiigh oḍighi ịlo mị ịḅeni inyina oḍighi, pọ mị kịsighe ni inyina aḅulemi sịphe mị mạsaḅar bọ ọoḅereghi ghan ạmi. Ghạlamo nyina ịwalala kụ eleeny oomo ạrughulukul aḅirini phọ, pọ mị kiḅulemi ni inyina.’

Azaya 46:8

“Ịitughian ịphen, nyina abuḍighinom ịkaraph; igbiighi ịpe mị maḍighi bọ.

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 3:13

Meeraam bịn mọ nạ ạpioman ni ḅịle kẹn mọ nạ mạḅaar ẹmhu esi Ọmoogh-we phọ, Ẹnaan phọ ạna. Tuphughian mọ eeḍian ạtorotoro oreeny lọ ạrinya phọ ewil nạ mạngo ẹphomoghian phọ ạna iiruen ạrumugh ḅịle kẹn mọ nạ ịto phọ ạmi ọ́naghanan. Mị Ọmoogh-we phọ kụ ụḅem.

Jerimaya 8:3

Ḅịle kẹn awe ẹkaraph eelhe phọ ẹphen phọ lọ osugha sịphe ạramha phọ ịpe mị aagulemi bọ kọmoogh ḍịḅeeraan omugh aani kpạripe rꞌọrol ọghiom aghisigh. Mị Ẹnaan Oomo Ịikpo, Ọmoogh-we phọ kụ mạḅem.”

Izikiel 18:28

Ọdi aloghoma ịpe ọdi raḍighi bọ kụ ạbile oḍighi ịkaraph, esi ịduon phọ ọdi agey ni kámugh, kụ ọlo kạtol li ạkiom ghisigh.

Izikiel 6:9

ekpisi dị bịdi kọtol dọl iiruen. Ẹpe bịdi kụutughian ni ịmi kụ olegheri mọ mị kụ ụliom bọ ni bụno ạḅile aafolomi bụno, ịdi eḍighi bọ iloghi émeeraam mọ ạbidi ịwile ịmi kụ bịdi ọsighe ịkaaghineen ạrumugh kpạripe rꞌạmi. Kụ bịdi kọḍagha ni siloor ạbidi esi ịkaraph ạraraar omutonaan-ephoogh phọ bịdi moḍighi bọ.

Zẹkaraya 10:9

Ghạlamo ịduon mị mạwalalami bọ ni bịdi igbo areelhe phọ, bịn bịdi kụutughian ghan ni ịmi ẹpe egher ekpisi phọ. Bịdi rꞌạnmuny ạbidi kokpetenaan ni kụ ọḅophoghan otigheel otu.

Elegh aLuk 15:17

Mem dị ọdi malhoghoma loor ọdi kụ ạḅem mọ, ‘Ọde ạmi ạmoogh ni ịbadi iphireneen awe dị rạperemi ghan eḍien, kụ mị odi bọ ẹphen ramugh ọkoony.

Dutoronomi 28:28

Ọmoogh-we phọ kạsighe ẹlaal rꞌoḅomoghian ariḍien rꞌologhi dị ụ́gbeme ghan, kụ ịguroghom inyina.

Dutoronomi 28:64

“Ọmoogh-we phọ kịwalami ni inyina aleenye oomo arikpisi, emiigh kꞌeekuna aḅirini phọ ẹphen ẹghi esiemi nyẹeri phọ eekuna phọ; kụ nyina ẹtol ẹpe phọ kụ ẹeḅereghi ghan ịnon ạrumugh ireeny rꞌạrana, dị nyina rꞌạburude phọ anyina úlegheri.

Dutoronomi 29:27

Kụ Ọmoogh-we phọ ạghagham de phọ ologhi, kụ ạsighe oomo phọ itulughian phọ ọge bọ sịen ạḍinya phọ ạḍien azuom de phọ.

Dutoronomi 29:28

Ọmoogh-we phọ ạsighe ọghagh ologhi aruphuron bịdi ạsighe sịphe ade phọ ạbidi; rꞌọghagh ologhi kụ ạsighe bịdi ạghi atebeeny ḍịnon ade kꞌarodon.’

Dutoronomi 30:15

“Ịmiin, mị miseenaan inyina ḍio phọ arodon ghuḍum rꞌẹelha, ḍuugh rꞌịkaraph.

Dutoronomi 30:19

Mị ạmagh kẹ phọ rꞌade phọ mọ oḍighi bụdi kọgba ịphen mị rịḅeni bọ inyina rodon. Mị miseenaan inyina ghuḍum rꞌaḍuugh, ḍịseph rꞌitulughian. Kụ iḍighi, ịsaḅar ghuḍum mọ ạkuphe nyina rꞌạnmuny phọ anyina keḍum bọ.

Dutoronomi 32:36

Ọmoogh-we phọ kasophonaan ni we phọ ọdi ọoruen akeel, kụ ạnma butelhedom mọ ọdi ighirigiir mem mọ ọdi ạmiin bọ mọ ịnyaam bịdi ílho mun, mọ oye ólho dị katue ạloghonaan bịdi ḍịghaagh.