Dutoronomi 3:8 - Ạḍinya Iigbia

⁸ “Mem mọ ọpo phọ yoor ụsighiogh rạghaagh ịyal phọ ạbudaam mọ Ạmorait de phọ ạḍien edi bọ ẹpe ạga emitenom erumuḍio phọ Ọphiiny ạJodan, emiigh ẹpe Ọphiiny Anon ẹghi esi ẹpe Eegum ạHermon.

Dutoronomi 3:8 Iomraidhean Croise

1 Ạbudaam 4:19

AGeber ọony Uri: eelhe ạGiliad, nyẹpe aSihon ọdaam mọ Ạmorait rꞌỌg ọdaam mọ ạBasan. Ọdi bịn kụ oniin uwo ẹmhu iiḍighi dị ạrol ẹpe ade phọ.

1 Krọnikuls 5:23

Awe phọ ạManase ạga phọ erumuḍio phọ remite ghan bọ urugh sịphe ade phọ ạBasan dị esi kꞌephunom aBaal Hẹrmon, Senir rꞌEegum ạHermon, kụ aḍita ạbidi ọbugh iboom.

Ạsuor 42:6

Uwaloor ạmi mạḍua loor ạmi, kụ iḍighi kụ mị odi ẹphen ade phọ ạJodan rꞌẹphen Eegum ạHermon rꞌEegum ạMizar rạatughian ghan nyịna.

Ạsuor 42:7

Aḍigher ẹmagh ḍigher, loor ẹḍogh okiilian ạmuum mọ ạna. Oomo arookpoogh oologh phọ ạna miikpereghiom ịmi.

Ạsuor 89:12

Nạ kụ ụlhem ephunom rꞌesoorom; Eegum aTabor rꞌEegum ạHermon ẹmoor sụor iboh ịlo oboomiom ạna.

Dutoronomi 4:47

Bịdi ọsighe bọ de phọ ọdi, rꞌạḍio Ọdaam Ọg ạBasan, ịyal phọ ạbudaam mọ Ạmorait orugh bọ ẹphen ạga emitenom mọ ạJodan.

Dutoronomi 4:48

Ade phọ imiigh kꞌẹmha Aroer ọogaany Ọphiiny Anon kꞌẹpe ephunom mọ kụ esi Eegum aSirion phọ oghol aani bọ mọ ạHermon.

Josua 12:1

Bụen kụ ạbudaam mọ awe phọ Ịzirel ọkaaghi bọ kụ ọsighenom de phọ ạbidi ẹpe ẹḅeenyom mọ ạJodan etuman bọ ẹpe erumuḍio phọ remite ghan bọ, emiigh ẹpe Eḍiiny Anon ẹsighe ẹghi esiemi ẹpe Eegum ạHermon, ọḅaram rꞌoomo phọ ẹpe Eḍiiny ạJodan ẹpe erumuḍio phọ remite ghan bọ.

Josua 13:8

Eghun aRuben, eghun ạGad rꞌạpakiri eghun ạManase mọmoogh ni ẹlo ạbidi, ḍịphe aMozis ạngo bọ bịdi ẹpe ẹḅeenyom ạJodan ẹpe erumuḍio phọ remite ghan bọ, ịdipho aMozis otelhedom mọ Ọmoogh-we phọ ạngo bọ bịdi.