Dutoronomi 3:26 - Ạḍinya Iigbia

²⁶ “Kụ loor ạrumhu anyina Ọmoogh-we phọ ụghagham ịmi ologhi bịn ịmi ụ́naghanan. Kpạripe ghụn, ọdi ạḅem mọ ‘Ịphen mẹkasian. Kákol mun ịphen.

Dutoronomi 3:26 Iomraidhean Croise

1 Krọnikuls 17:4

“Kịa ạḅeni Devid otelhedom mọ ạmi mọ mị ạḅeni nyọdi mọ, ‘Nạ kụ kạ́logh otu ịiḅereghi dị mị katugh.

Matiu 20:22

Kụ ạJizos mọ, “Nyina ílegheri ịyaar phọ nyina rẹlom bọ. Nyina ketue ni ẹpugholom ẹgo ịminimiin phọ ẹphen mị kạpugholom bọ ḍụghum?” Kụ bịdi mọ, “Yoor kotue ni.”

Matiu 26:39

Kụ ọdi arelhe ạghi ghisigh ẹphurukpu, kụ aḅololo kụ ạaḅereghi mọ, “Ọde phọ ạmi, mọ edugh ni, ọbo nạ mạar ịmi ẹgo ịminimiin phọ ẹphen, kụ ọlo káḍighi ịpe ịḅeeraan bọ ịmi, ḍighi ghụn ni ịpe ẹḅeeraan bọ nyịna.”

2 Bụo ạKorint 12:8

Ịraar ọdo amem mị ụuḅereghi ghan ni Ọmoogh-we phọ mọ ọdi amuton eephina phọ ẹphen loor ạmi ạsighe.

Dutoronomi 1:37

Ọmoogh-we phọ ạtuan rụmhu anyina kụ ụghagham aani bọ ịmi kụ ạḅem bọ mọ mị kási ẹpe phọ.

Dutoronomi 31:2

“Rꞌarodon mị mạman bọ oniin okuron rꞌịyaldi ạsia, kụ mị kátue mun akiraan, kẹn, Ọmoogh-we phọ mụḅeni ịmi mọ mị kạ́ḅeeny Jọdan apun.

Dutoronomi 34:4

Kụ Ọmoogh-we phọ ạḅeni Mozis mọ, “Ḍịen phọ kụ ade phọ mị aghunya bọ ọngo Ebraham, Ạizik rꞌạJekob, kụ ạḅem bọ mọ mị kạngo ni nmụny ạbidi. Mị uḍighi ni ịdi nạ ạsighe riḍien ạna ạmiin, nạ kátenom sịen phọ ạki risigh.”