Dutoronomi 3:24 - Ạḍinya Iigbia

²⁴ ‘Ẹnaan oomo ịikpo, Ọmoogh-we, mị alegheri ni mọ nạ muḍeenaan ịmi emiighom mọ bịn esi igbogh iḍighi phọ ạna, rꞌạḍighaagh iphelegbe phọ ạna, ẹghen ẹmugh kụ edi aani ẹpe kꞌạke, mꞌịsien aḅirini phọ, dị ketue ẹtuugh aani ịphen nạ raḍighi bọ kụ eḍighi aani, ẹḅile eleeny aani ịdipho ạna?

Dutoronomi 3:24 Iomraidhean Croise

2 Sạmuel 7:22

Pọ eeghe ọdo ịdi nạ ạbugh, Ogbogh Ọmoogh-we phọ. Oye dị ạghigh nyịna ólho; yoor molhegheri ni mọ nạ bịn kụ Ẹnaan.

1 Ạbudaam 8:42

(ịdi eḍighi bọ bịdi mọnaghan ni ịlo aḍigbogh aḍien phọ rꞌaḍilom ạḍighaagh phọ ạna, rꞌosele aḍikpe phọ ạna) mem lọ dị aru rạaḅereghi sịen Otu phọ ọphon,

2 Krọnikuls 6:14

Ọdi ạaḅereghi mọ, “Ọmoogh-we Ẹnaan phọ Ịzirel, ẹnon ẹmugh dị ẹghigh nyịna ílho, mꞌẹpe ạnyu ạke phọ mꞌịsien ade phọ. Nạ ạpamanam ni ịyo phọ nạ aghiran bọ rꞌawe ạna, kụ aḍeenaan bịdi ẹphomoghian ạna mem dị bịdi ọrolan nyịna rꞌoomo ologhi.

Nehemaya 9:32

“Ẹnaan, Ẹnaan phọ ayoor, pọ eeghe ịdi nạ ạbugh! Pọ eeghe ịdi nạ aḍigh eegu, ạḅile ạmoogh ịikpo. Nạ ạkar raako ghan ruguanaan ịyo phọ nạ aghiran bọ. Emiigh kꞌamem mọ ạbudaam Asiria phọ ụkpiloghom bọ iyoor kụ kꞌạnyiidipho ni, ọmiinom mọ ayoor mạbugh ni iboom! Ạbudaam ayoor rꞌabuḍiemiom rꞌariil ạrikia rꞌariil kꞌẸnaan, ạburude ạburude rꞌoomo awe phọ ayoor mọmiinom ni. Tụutughian ni oomo ịpe yoor mọmiinom bọ.

Ạsuor 106:2

Ạnhian kụ katue agbi oomo iboom ạraraar phọ ọdi maḍighi bọ; ạnhian kụ katue ạseph nyọdi ịdi kẹkasian?

Ạsuor 145:3

Ọmoogh-we phọ ạbugh ni kụ ạkpe oboom agey; igbogh phọ ọdi ẹpughan ọnaghan.

Ạsuor 145:6

Awe kọkaaph ni ịlo iboom iiḍighi phọ ạna, kụ mị agbeelom igbogh phọ ạna.

Ạsuor 150:2

Iboom nyọdi esi ịiḍaany phọ ọdi maḍighi bọ. Iboom ọkaraghi igbogh phọ ọdi.

Ạsuor 35:10

Oomo ịḅarara ạmi kepuru ghan mọ, “Ọmoogh-we, ạnhian rꞌạna kụ iileeny, ọpo ạphel bọ uwekulom ạsighe rạghaagh ạbuphe ọmoogh bọ ịikpo opu nyọdi, uwekulom mọ rꞌọpo ekuom bọ esi ạbuphe rọgbiphoghom bọ nyọdi?”

Ạsuor 71:19

Aruukuan phọ ạna, Ẹnaan, ẹteeny okuaḍio phọ. Nạ maḍighi igbogh ạraraar; oye lọ ạghigh nyịna ólho.

Ạsuor 86:8

Ẹnaan lọ ẹrol ịdipho ạna ílho, Ọmoogh-we; rꞌoniin kőḍighi ghan ịpe nạ maḍighi bọ.

Ạsuor 89:6

Rꞌoniin ólho kꞌạke dị ạghigh nyịna, Ọmoogh-we; rꞌoniin sịphe ạruukpaany phọ odi bọ kꞌạke óoleeny nyịna.

Ạsuor 89:8

Ọmoogh-we Ẹnaan Oomo Ịikpo, oye ólho dị ạbugh aaleeny nyịna; esi oomo ạraraar nạ ọ́moogh mabi.

Ẹḍua 15:11

“Ạnhian kụ ạḅile ạghigh nyịna, Ọmoogh-we, sịphe oomo ạrumugh phọ? Ạnhian kụ ạghigh nyịna, rꞌeegu, rꞌiigbia, rꞌoḍighi yogh ịiḍaany?

Ẹḍua 8:10

Kụ ọdi ạḅem mọ, “Iḍue.” AMozis ameera mọ, “Ẹrol li ịdipho nạ ạḅem bọ, ọbo nạ alegheri mọ ẹnon ẹnaan dị epu Ọmoogh-we phọ Ẹnaan phọ ayoor ílho.

Ẹḍua 9:14

Egi phọ ẹphen mị kạ́liom we iiḍighi phọ ạna rꞌawe eelhe phọ ạna bịn, mị kạḅaram ni nyịna ọbo nạ alegheri mọ ọnon ọlo uuleeny ịmi sịen aḅirini phọ ólho.

Azaya 40:18

Ạnhian kụ ẹdi kọtomaam bọ Ẹnaan? Ika kụ ẹdi nạ kạkaaph bọ mọ ọdi ạtol?

Azaya 40:25

Ạnhian kụ ẹdi kọtomaam Ẹnaan Iigbia phọ? Ọnon oye odi ni dị ạghigh nyọdi ḍụghum?

Jerimaya 10:6

Ọmoogh-we, oye dị ạghigh nyịna ólho; nạ kụ ogbogh, ḅịle kẹn aḍien phọ ạna ẹbugh ẹḅile ẹmoogh ịikpo.

Dạniel 3:29

“Kụ nyịidipho mị ạto mọ eḍighi ịyaar dị oye ạtorobo eelhe, eḍighinom ịyaar mꞌọnhu ạḍiaḅa, kụ ạghaaph ịkaraph ịlo Ẹnaan ạSadrak, Mẹsak rꞌAbed Nego, pọ kọkanyan oye phọ ọpo owol amem ạḍighaagh amem, ḅịle kẹn otu ọdi kotene egu atopha. Ẹnon ẹmugh dị ketue ẹtagharan ịduon ílho.”

Igbiighi 23:23

Ẹgba ịiḍaany ílho, ạghama ólho dị kopoghom eelhe Ịzirel. Nyịidipho awe kọkaaph ịlo Ịzirel, ‘Ịmiin ịdi Ẹnaan meḍighi.’

Dutoronomi 11:2

Ilegheri rodon mị ạkaaph rạ́ḅeni nmụny anyina bụphe úlegheri aani bọ ḅịle kẹn ụ́miin aani mem mọ Ọmoogh-we phọ Ẹnaan phọ anyina ịphur bọ inyina rụru. Mị ạkaaph rịḅeni ghan inyina. Nyina kụ ạbudi mọmiin igbogh phọ ọdi rꞌạḍighaagh iphelegbe phọ ọdi, mem mọ ọdi azin bọ ḍịghaagh iphelegbe phọ ọdi;

Dutoronomi 3:23

“Mem mọ ọpo mị ụkar kụ ạaḅereghi mọ,

Dutoronomi 32:3

Mị kạseph ni ḍien Ọmoogh-we phọ kụ awe ọdi ọkaaph ịlo igbogh ọdi.