Dutoronomi 3:2 - Ạḍinya Iigbia

² Kụ Ọmoogh-we phọ ụḅeni ịmi mọ, ‘Kákiilaan nyọdi, ịdi eḍighi bọ mị kạngo ni nyịna nyọdi rꞌoomo awe phọ ọdi rꞌade phọ ọdi. Ḍighi nyọdi ịdipho nạ aḍighi bọ Sihon ọdaam mọ Ạmorait, ọpo arugh bọ ẹpe Hesbon.’

Dutoronomi 3:2 Iomraidhean Croise

2 Krọnikuls 20:17

Nyina kébe ẹgham mọ ẹphen. Ịmeregha riisi anyina bịn kụ ekori; nyina kẹmiin ni dị Ọmoogh-we phọ kịngo inyina ọkpar opu. Weye aJuda rꞌaJeruselem, kéekpukian ḅịle kékiilaan. Ịki ẹgham mọ, kụ Ọmoogh-we phọ kạtolan ni rꞌanyina!”

Azaya 41:10

Kẹ́moogh oghiilaan — mị odi ni rꞌanyina! Mị kụ Ẹnaan anyina — rꞌịyaar inyina kị́degh! Mị kaḍighi ịdi nyina kẹmoogh ịikpo kụ ịngo inyina ẹloghonaan! Mị kiiko ni inyina kụ ịphel inyina.

Azaya 43:5

Kẹ́moogh oghiilaan — mị odianaan ni rꞌanyina! “Emiigh kꞌẹekela emitenom erumuḍio phọ kụ esi kꞌẹekela emeelom mọ, mị kịsighe ni inyina asiemi ologhi otu.

Igbiighi 14:9

Ịdi idianaan iyira; yira kụ́moogh ịgbagharan esi Ọmoogh-we phọ. Kẹn, yira kúkiilaan bụo ade phọ, ịdi eḍighi bọ bịdi phọ eḍien ayira. Ẹloghonaan bịdi ílhoonaan mun; mạar bịdi ẹloghonaan phọ ạbidi. Ọmoogh-we phọ odi ni rꞌayira, kékiilaan bịdi.”

Igbiighi 21:34

Ọmoogh-we phọ ạḅeni Mozis mọ, “Kákiilaan nyọdi. Mị mạḅogh nyọdi rꞌoomo awe phọ ọdi rꞌade phọ ọdi ạngo nyịna. Tụugh ịpe nạ aḍighi bọ Sihon ọdaam mọ Ạmorait arugh bọ ẹpe Hesbon aḍighi aani nyọdi.”

Iiḍighi 18:9

Ḍiniin aḍughul, kụ ạPol ạmiin uḍien dị Ọmoogh-we phọ rạḅeni ghan nyọdi mọ, “Kákiilaan mun! Kạaph ni ạghiom, úḅoorian ghan!

Iiḍighi 27:24

Kụ ụḅeni ịmi mọ, ‘Pọl, kákiilaan. Nạ kạmeera ni ghisigh aSiza. Pogh aani, Ẹnaan mẹtuan ẹmhu ạna eḍighi dị rꞌeniin ẹmhu ạbuphe rꞌạna oḍigh bọ oghuugh phọ képe.’

Dutoronomi 20:3

‘Ịnaghan, nyina Ịzirel, nyina meḍuraan ẹebeeph rodon ee ẹgham rꞌạbumulogh-ḍien phọ anyina, obio anyina kúkaph, kékiilaan, kékpereghaan, kékiilaan bịdi,

Dutoronomi 3:1

“Ẹdi etum, yoor oḅula okiton ẹpe eten ẹlo ạBasan, kụ Ọdaam Ọg ạBasan aru uzuom iyoor ẹgham. Ọdi rꞌoomo awe phọ ọdi eeghiom iyoor ẹgham esi dị etuman ẹmha Edrei.

Dutoronomi 3:11

(Oniin phọ Ọdaam Ọg ạBasan bịn kụ asugha sịphe oomo arephelegbe phọ. Ẹmina phọ ọdi ẹlo okuron; ạḍidoony phọ ẹman inya akuḅu, ẹreghe phọ ẹkiom ịyal akuḅu. Ẹmina phọ ọdi edi nịiniin ẹpe Raba. Ạbuo Amonait phọ kụ ụmoogh ghan.)

Dutoronomi 3:3

“Kụ Ọmoogh-we phọ ạḅogh Ọg ọdaam mọ ạBasan rꞌoomo awe phọ ọdi ụngo iyoor mọ ọze ọmadan, mọ rꞌoniin oye kúsugheeny.

Josua 10:8

Kụ Ọmoogh-we phọ ạḅeni Josua mọ, “Kákiilaan bịdi, ịdi eḍighi bọ mị mạḅogh bịdi ạlogh ḍịghaagh ạna; oye ólho sịphe ogbo phọ ạbidi dị kạmeera egbodo ạna.”

Ogonanami Phọ 2:10

Oomiigh anyina kúkaph ghan ịlo ạraraar phọ kemiteghu bọ. Ịnaghanan. Eru phọ kẹloghoḍi ni buniin anyina ikoli ịlo ọdeghom anyina ophogh. Ịminimiin phọ anyina kẹtol ḍioph aḍughul-otu bịn. Ghạlamo rꞌosoph ni ooko anyina, iseere ologhi anyina esi ạmi kụ mị kizu ni inyina eghoony aghuḍum mọ.