Dutoronomi 3:18 - Ạḍinya Iigbia

¹⁸ “Eniin amem mọ mị ụḅeni ni bịdi ịtooghi phọ ịphen: ‘Ọmoogh-we phọ Ẹnaan phọ anyina mịngo inyina de phọ ạḍien ạga emitenom ạJodan mọ ịtol. Nyịidipho ịnyaaghian ịlo ẹgham ẹḅeeny ephun ḍịeri phọ ạḍighaagh phọ kụ ekori ghan ịpheri phọ arughunughun phọ Ịzirel ọloghonaan ạḍighaagh bịdi kọrol de phọ ạbidi.

Dutoronomi 3:18 Iomraidhean Croise

Emiighom 15:7

Kụ Ọmoogh-we phọ ạḅile ạḅeni nyọdi, “Mị kụ Ọmoogh-we phọ ọpo ạsighe bọ nyịna ẹpe Ur ẹmha phọ ạBabilon amitiom ọngo ạna de phọ ạḍien mọ mọogh.”

Ạsuor 136:21

Ọdi ạsighiogh rere ạbidi ạngo we ọdi; ẹphomoghian phọ ọdi edi ghan bịn kꞌagee-pọ.

Igbiighi 33:53

Ẹkar ẹsighe de phọ ẹmoogh, erugh sịphe ade phọ, ịdi eḍighi bọ mị mịngaani inyina de phọ eḍighi ḍịo anyina.

Dutoronomi 12:1

“Ịphen kụ ịtooghi phọ rꞌịiruen phọ ịpe nyina kẹpamanam bọ kụ ẹdaph ghan eḍighi ẹpe ade phọ Ọmoogh-we Ẹnaan ạburude phọ anyina ịngo bọ inyina mọ ịmoogh, oomo asuḍughul-otu aghuḍum mọ anyina ịpe nyina kẹtol bọ sịen aḅirini phọ.

Dutoronomi 15:4

“Omuton dị uwekulom sịphe kꞌanyina úlho, pọ Ọmoogh-we phọ mịseph inyina iboom sịphe ade phọ ạḍiphe Ọmoogh-we Ẹnaan phọ anyina rịngo bọ inyina bin ẹmoogh ẹlo anyina.

Dutoronomi 19:14

“Kátuphuron ghan elegh ọku ade amatuman ạna ạsighe, nyọpo bụo aḍiodiidi phọ ogim bọ, sịphe ẹmoogh phọ ẹpe ketu bọ ẹlo ạna, ẹpe ade phọ Ọmoogh-we Ẹnaan phọ anyina rịngo bọ inyina ọmoogh phọ.

Dutoronomi 19:2

ikori ẹgbatan ịraar ạramha eseere gem, ẹpe ade phọ Ọmoogh-we Ẹnaan phọ anyina ịngo bọ inyina ọmoogh phọ,

Dutoronomi 19:7

Kụ iḍighi, ụtuan ịphen phọ kụ ọlogh bọ ologh phọ ọphon rịḅeni inyina mọ ịgbatan ịraar ạramha eseere gem.

Dutoronomi 21:1

“Eru mạar dị nyina ẹmiin oye dị oghiigh sịphe ade phọ Ọmoogh-we Ẹnaan phọ anyina ịngo bọ inyina, dị ạmina ẹpe eḍum mọ, kụ úlegheri oye phọ aghiigh bọ,

Dutoronomi 25:19

Kụ ẹteeny mem dị Ọmoogh-we Ẹnaan phọ anyina keḍighi ịdi nyina kekpetenaan bụmulogh-ḍien phọ anyina iko bọ inyina ekitonom, ịngo inyina ophooghian ẹpe ade phọ Ọmoogh-we Ẹnaan phọ anyina ịngo bọ inyina ọmoogh phọ, nyina kegbuurogh ni ẹsighe sịphe iloghi phọ anyina ọotughian ghan Ạmalek. Kébula ghan.

Dutoronomi 5:31

Kụ nạ, mẹera sịen utuman ịmi. Mị kạḅeni ni nyịna oomo iilogh phọ ạmi rꞌịtooghi phọ ạmi rꞌịiruen phọ ịpe nạ kạtughemi bọ bịdi, ẹrol dị bịdi ọdaphan ghan ẹpe ade phọ mị rạngo bọ bịdi ọmoogh phọ.’

Dutoronomi 6:1

“Ịphen kụ iilogh phọ, ịtooghi phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụngo ịmi mọ mị ịtughemi inyina, ẹdaph ghan kụ eḍighi ghan ẹpe ade phọ nyina reḍigh bọ ọrol,

Dutoronomi 9:6

Ilegheri mọ Ọmoogh-we Ẹnaan phọ anyina ọ́tuan ruukuan anyina kụ rịngo inyina ịma ade phọ ạḍiphe phọ mọ ịmoogh: nyina awe oḅom ẹmhu.

Josua 1:11

mọ ọḍua ogbogo oten ogbogo kụ ọḅeni we phọ Ịzirel mọ, “Iikoroghian riiḍien lọ nyina kele, ịdi eḍighi bọ esi ịraar aḍughul-otu yira kọḅeeny Jọdan opun, ọki ọsighe de phọ ạḍiphe Ọmoogh-we Ẹnaan phọ anyina ịngo bọ inyina mọ ịmoogh.”