Dutoronomi 3:11 - Ạḍinya Iigbia

¹¹ (Oniin phọ Ọdaam Ọg ạBasan bịn kụ asugha sịphe oomo arephelegbe phọ. Ẹmina phọ ọdi ẹlo okuron; ạḍidoony phọ ẹman inya akuḅu, ẹreghe phọ ẹkiom ịyal akuḅu. Ẹmina phọ ọdi edi nịiniin ẹpe Raba. Ạbuo Amonait phọ kụ ụmoogh ghan.)

Dutoronomi 3:11 Iomraidhean Croise

Emiighom 14:5

Omuneniom aḍioph rꞌinya ạsia, kụ aKedorlomer aḅetenu rꞌạbudaam mọ bụphe rꞌọdi oḍighan bọ ọḅoph ọnhu kụ ọka bụo Refaim mọ ẹpe Asterot Kanaim, bụo aZuzim ẹpe Hạm, bụo Emim ẹpe ẹdala phọ aKiriataim,

Emiighom 6:15

Ịduon kụ ịdi nạ kạka bọ oghuugh phọ: ạḍidoony phọ eḍighi ịnya okuron ịraardi rꞌọphaanya ạrada, ẹreghe phọ eḍighi oḍualdi rꞌịyal ạrada, aḍiphoph phọ inyadi rꞌịraar ạrada.

2 Sạmuel 11:1

Rẹḅile rẹteeny osoor, ọdo amem ạlha phọ dị ạraalha rọki ghan ẹgham, aDevid arom ni Joab oomo awe phọ Ịzirel rꞌabuḍiemiom mọ ạbidi eeghi ẹgham; bịdi ụmoogh ni ọkpar opu esi awe Amon phọ kụ ọḅile okpobiom ẹmha dị oghol mọ aRaba. Kụ ọlo aDevid rꞌaloor ạrol ẹpe Jeruselem.

2 Sạmuel 12:26

Ịduon phọ ạraraar rẹki bọ ni, aJoab aruphiom ni ẹgham ẹmha phọ aRaba, ẹpe kụ egbogh ẹmha Amon, kụ rakirighian ọkpar opu ẹmha phọ.

Jerimaya 49:2

Kụ amem retu ni dị mị kaḍighi ịdi awe ẹkpana ẹmha aRaba kọnaghan ọyugh elephiri, kụ keegulaan ni; kụ rạmha phọ etuman bọ ạnian kele oguulemi. Pọ kụ amem dị Ịzirel kọsighe de ạbidi ḍịghaagh ạbuphe ạar bọ de phọ bịdi.

Izikiel 21:20

Eniin keḍeenaan ọdaam-ẹmha phọ eten dị rẹki eelhe ạbuo Amon, ẹpe ẹmha phọ Raba; kụ ẹpheri phọ eten dị rẹki eelhe phọ aJuda, ẹpe ẹmha phọ aJeruselem ọkparami bọ.

Izikiel 25:5

Mị katene ẹmha phọ aRaba esi oseere ghan ạsikamel kụ ạḅile atene oomo eelhe phọ Amon esi oseere ghan iyool-ịga, ẹrol dị nyina elegheri mọ mị kụ Ọmoogh-we phọ.

Ẹmos 1:14

Esi ịduon phọ mị kạlogh nịan iḅidi ẹmha phọ aRaba kụ eemor elhe ruutu-ịikpo phọ. Kụ ịlooghi kẹtol ḍio ẹgham mọ, kụ elephiri phọ ẹkpar ịdipho oghim.

Ẹmos 2:9

“Ilegheri, weye ạmi, mọ loor ẹmhu anyina kụ ẹdi mị ạtuan kụ aphiemi we phọ Ạmorait, we dị ophoph ịdipho ọsaga kụ ọkpar ịikpo ịdipho ạsiogh.

Dutoronomi 2:11

Ogbiom aani we phọ aRefaim mọ arephelegbe ịdipho awe phọ Anak. Ạbuo ạMoab okol bịdi mọ Emim.

Dutoronomi 2:20

(Geediidi awe aRefaim urugh ghan ni de phọ ạḍiphe. Awe Amon phọ ughol bịdi mọ aZamzumim.

Josua 12:4

Bịdi ụka kẹn ni Ọdaam Ọg ạBasan, oniin ọnyo ạbuo Refaim phọ osugha bọ dị arugh bọ ẹpe Astarot rꞌEdrei, kụ ọsighenom de phọ ọdi.

Josua 13:12

Rꞌoomo areelhe phọ ạOg ẹpe Bạsan, ọpo ạda bọ ẹpe Astarot rꞌEdrei (oniin phọ ọdi bịn kụ asugha sịphe ogbo ạbuo aRefaim). Bụen phọ kụ ạbudi aMozis ạkpar bọ apu aphorogh bịdi ạsighiogh.

Ogonanami Phọ 21:17

Ọokpaany phọ ạtuugh ni ẹtooghiom awe kụ ạḅile ạtooghi ḍiphoph iikpe phọ kụ ẹman odiinydi akuḅu, ọdaphan ọkaraghi ịpe ịto phọ ẹḅem bọ.

1 Sạmuel 17:4

Oniin oye dị oghol mọ ạGolayat ọlo ẹmha dị oghol mọ ạGat ạḍua ni ẹpe arugbogo ạbuo aFilistia phọ amite kụ ạpa weye phọ Ịzirel. Aḍiphoph ọdi ẹkiom ni ịraar akuḅu,