Dutoronomi 3:1 - Ạḍinya Iigbia

¹ “Ẹdi etum, yoor oḅula okiton ẹpe eten ẹlo ạBasan, kụ Ọdaam Ọg ạBasan aru uzuom iyoor ẹgham. Ọdi rꞌoomo awe phọ ọdi eeghiom iyoor ẹgham esi dị etuman ẹmha Edrei.

Dutoronomi 3:1 Iomraidhean Croise

1 Ạbudaam 4:19

AGeber ọony Uri: eelhe ạGiliad, nyẹpe aSihon ọdaam mọ Ạmorait rꞌỌg ọdaam mọ ạBasan. Ọdi bịn kụ oniin uwo ẹmhu iiḍighi dị ạrol ẹpe ade phọ.

Nehemaya 9:22

“Nạ ụngo ni bịdi ịnyaam ọkpar opu areelhe rꞌạramar, rạmha dị ẹkuanagh bịdi. Bịdi eeghi ni ọkpar opu de aHesbon, ẹpe aSihon kụ ạda bọ, rꞌade ạBasan, ẹpe Ọg kụ aḍighi bọ ọdaam.

Ạsuor 136:20

Ra Ọg, ọdaam ạBasan; ẹphomoghian phọ ọdi edi ghan bịn kꞌagee-pọ.

Dutoronomi 1:4

Ịphen imite mem dị Ọmoogh-we phọ mạkpar apu Sihon ọdaam mọ Ạmorait phọ arugh bọ ẹpe Hesbon rꞌạOg ọdaam mọ ạBasan arugh bọ ẹpe Astarot ẹpe Edrei.

Dutoronomi 2:32

Kụ aSihon aḅetenu aru uzuom iyira ẹgham, ẹpe Jahaz, ọdi rꞌoomo awe phọ ọdi.

Dutoronomi 29:7

Kụ mem mọ yira oru bọ sịen kụ aSihon ọdaam mọ aHesbon rꞌạOg ọdaam mọ ạBasan aru bọ uzuom iyira ẹgham, yira kụ ụkpar opu bịdi,

Dutoronomi 3:2

Kụ Ọmoogh-we phọ ụḅeni ịmi mọ, ‘Kákiilaan nyọdi, ịdi eḍighi bọ mị kạngo ni nyịna nyọdi rꞌoomo awe phọ ọdi rꞌade phọ ọdi. Ḍighi nyọdi ịdipho nạ aḍighi bọ Sihon ọdaam mọ Ạmorait, ọpo arugh bọ ẹpe Hesbon.’

Dutoronomi 31:4

Ọmoogh-we phọ kaḍighi bịdi ịdipho ọdi aḍighi bọ Sihon rꞌạOg bụdaam mọ Ạmorait rꞌade phọ ạbidi mem mọ ọdi aphiemi bọ bịdi.

Dutoronomi 4:47

Bịdi ọsighe bọ de phọ ọdi, rꞌạḍio Ọdaam Ọg ạBasan, ịyal phọ ạbudaam mọ Ạmorait orugh bọ ẹphen ạga emitenom mọ ạJodan.

Josua 12:1

Bụen kụ ạbudaam mọ awe phọ Ịzirel ọkaaghi bọ kụ ọsighenom de phọ ạbidi ẹpe ẹḅeenyom mọ ạJodan etuman bọ ẹpe erumuḍio phọ remite ghan bọ, emiigh ẹpe Eḍiiny Anon ẹsighe ẹghi esiemi ẹpe Eegum ạHermon, ọḅaram rꞌoomo phọ ẹpe Eḍiiny ạJodan ẹpe erumuḍio phọ remite ghan bọ.

Josua 12:4

Bịdi ụka kẹn ni Ọdaam Ọg ạBasan, oniin ọnyo ạbuo Refaim phọ osugha bọ dị arugh bọ ẹpe Astarot rꞌEdrei, kụ ọsighenom de phọ ọdi.

Josua 13:30

Ọku ạbidi amiigh kꞌẹpe Mahanaim asiemi oomo ạBasan, oomo areelhe phọ Ọdaam Ọg ạBasan, rꞌoomo odiinydi ạramha phọ aJair edi bọ ẹpe Bạsan,

Josua 9:10

rꞌoomo ịpe ọdi aḍighi bọ ịyal phọ ạbudaam mọ Ạmorait bụphe orugh bọ ẹpe ạga emitenom mọ ạJodan, ịpe ọdi aḍighi bọ Sihon ọdaam mọ aHesbon, rꞌịpe ọdi aḍighi bọ Ọg ọdaam mọ ạBasan, bụphe orugh bọ ẹpe Astarot.