Biblia Todo Logo
Bìoball air-loidhne

- Sanasan -




Dutoronomi 28:8 - Ạḍinya Iigbia

8 “Ọmoogh-we phọ kạlogh ni ologh ạngo ḍịseph phọ ọdi inyina, rꞌoomo arukue phọ anyina, rꞌoomo arukumuan phọ anyina, kụ dị ịseph inyina ẹpe ade phọ Ọmoogh-we Ẹnaan phọ anyina ịngo bọ inyina.

Faic an caibideil Dèan lethbhreac




Dutoronomi 28:8
22 Iomraidhean Croise  

Ngọom ghan nyọdi rꞌophooph ologhi, úgum ghan sịphe ologhi phọ ạna mem lọ nạ rạngo nyọdi; ịdi eḍighi bọ Ọmoogh-we Ẹnaan phọ anyina kạtuan ni ịphen nạ aḍighi bọ kụ ạseph oomo arukumuan phọ ạna rꞌoomo ịpe nạ ạpham bọ raḍighi.


Ibugha phọ anyina kẹpughan ni dị kịsighe inyina lhạ, kụ esi ịduon phọ ni nyina ketoph ni ịdi esugha esi igbaany ibugha phọ ọmoogh esi dị kọlogh imoom mọ.


Ẹkigh ooto kꞌEegum ạHermon dị asoorom roogbolom ạZayon. Ịsiphe kụ ẹdi Ọmoogh-we phọ maguanaan ọngo ạḍiseph phọ ọdi — ghuḍum dị rámuneen ghan.


Kụ ọdi ạḅem mọ, ‘Ịduon kụ ịdi mị kaḍighi. Mị kalereghi otu phọ ạmi ọphon kụ ạlogh ọnon ogbogh kụ ạsighe riiḍien phọ rꞌaruphua phọ ạmi asereghi sịphe.


Ipogh aani ni dọl phọ ịnun. Bịdi ozo róḅeph ghan; ịizupha rọ́zuph ghan; ibugha róbugha ghan koseerian, kụ Ọde phọ anyina odi bọ kꞌạke phọ, rạngo ghan ni bịdi eḍien. Nyina kụ ị́man mạar ipu bịdi ḍụghum?


Ọmoogh-we phọ uḍeenaan ịmi ẹphomoghian phọ ọdi rémuneen ghan bọ mem ootaany, pịdi mị ạmoor ḍụor ḍughul, ạaḅereghi Ẹnaan phọ ẹmoogh bọ ghuḍum mọ ạmi.


Mị kạseph ni iizo odiiny ạsia phọ anyina kụ esoor eḍien dị nyina kele ịraar ạsia.


Ghạlamo ịduon ịbiakpa ísugha mun bọ ni, ḅịle kẹn ireeny avain rꞌaruman rꞌekpetughe ḅịle kẹn rꞌireeny ọliv phọ ke̋muum bọ ni, bịn emiigh nyịidipho kụ ẹghiom risigh, mị kịseph ni inyina.”


Eḍighi ịdi arukue ayoor eḍien kịrokiro. Eḍighi ịdi ạrutu-ịga phọ ayoor kẹmaraghi sịmuunir.


Kụ ọdi ạḅeni mọ, “Eru mạar dị Ọmoogh-we phọ kụ nyịna ḍịghaagh ụ́loghonaan, mịna katue ni ạloghonaan nyịna ḍịghaagh? Mị ụ́moogh ịgbieneen ịbiakpa mụghumo amiim?”


Ịbile ịyal phọ ịdi ẹḅophoghan ephoph ẹteeny mem ibugha phọ, kụ mị ạḅeni bụo ibugha phọ mọ ipụr eruph ịbiakpa ạkeledeeny phọ eekpomoghi ẹghoroghi rọkol esumughi ologhi ạnian, kụ egbi ọku igey ịbiakpa phọ ookpomoghi okpol ịsiphe ekpolom mọ.’”


Nạ kụ ọdaam ạmi rꞌẸnaan ạmi. Nạ kụ ụngo bọ we phọ ạna ọkpar opu.


“Omuton dị uwekulom sịphe kꞌanyina úlho, pọ Ọmoogh-we phọ mịseph inyina iboom sịphe ade phọ ạḍiphe Ọmoogh-we Ẹnaan phọ anyina rịngo bọ inyina bin ẹmoogh ẹlo anyina.


“Ọmoogh-we phọ katulughi ni mụlogh-ḍien anyina bụphe oḅetenu bọ bịn izuom inyina, kọze ni bịdi ọmadan risigh anyina. Bịdi kokiton eniin eten kụ otu izuom inyina, kụ osumughu sịphe arisigh phọ anyina oḍual areten ọḍuaghu.


“Ọmoogh-we phọ katom ni itulughian rꞌọwalawala rꞌọgbaragbara etu isoroghuom inyina sịphe oomo arukumuan phọ anyina, tụtu nyina eegulaan epe egina amem, loor ạsipioghom mọ anyina, ịdi eḍighi bọ nyina mighel ịmi.


Kụ bụo aLivait phọ, loor esi dị bịdi úpin aani bin ḅịle kẹn ụ́moogh aani bin ẹmoogh phọ ịdipho anyina, rꞌaruuruen phọ, rꞌịnyigo ạnmuny phọ rꞌarukpekele ạnmariir phọ, bụphe odi bọ sịphe ạramha phọ anyina, bịdi oru ọsighe olhe aani ẹpher bịdi, ọbo Ọmoogh-we Ẹnaan phọ anyina ạseph oomo arukumuan phọ anyina ịpe nyina ẹsighe bọ rạghaagh phọ anyina kụ ekumuanam.


Ọdi ạkigh oreeny dị ọzuph ọgbal ọphiiny dị ramuum ghan iimuma lọ mẹteeny omuum, kụ ạrinya ọdi rékeel ghan ọnam. Tọro ịyaar lọ ọdi ạḅogh rẹnighenaan ghan ni nyọdi.


Oḍighi phọ ạna kụ kamitiom ịlo nạ rạwa olhe; nạ kạḅaal ologhi ạḅile ạmoogh edughom.


Lean sinn:

Sanasan


Sanasan