Dutoronomi 28:4 - Ạḍinya Iigbia

⁴ “Ọmoogh-we phọ kạseph ni ọophi ạnmuny phọ anyina, rꞌariḍien iizo phọ anyina, sịnam mọ rꞌiyool-ịga phọ anyina.

Dutoronomi 28:4 Iomraidhean Croise

Emiighom 22:17

mị maguanaan mọ mị kạngo nyịna ịbadi ẹemara dị kẹtol ịdipho ạraanaan phọ edi bọ kꞌạke phọ rꞌikpo ịisaar phọ edi bọ sịphe ọphiiny phọ. Ẹemara ẹemara ạna kọkpar ri opu ghan bụmulogh-ḍien ạbidi.

Emiighom 39:5

Emiigh kꞌamem mọ dị aḍighi bọ Jọsef uwo ẹmhu sịphe otu phọ ọdi, ạḅogh bọ oomo aruphua phọ ọdi ạngo Jọsef, bịn loor ẹmhu ạJosef Ọmoogh-we phọ ạseph otu phọ rꞌade phọ rꞌoomo aruphua phọ ọlo Ijipt phọ ạmoogh bọ.

Emiighom 49:25

Ẹnaan ọde phọ ạna kụ rẹloghonaan nyịna ḍịghaagh. Ẹnaan Oomo Ịikpo phọ kụ rẹngo nyịna ḍịseph: Ḍịseph ọlophia dị ạḍua ẹpe kꞌạke kụ aru, Ḍịseph ạmuum dị ẹḍua ẹpe aḍigher ade kụ eru, Ḍịseph ọoloogh ạsinam rꞌạnmuny,

Ạsuor 107:38

Ọdi ạseph we phọ ọdi kụ bịdi ọmaraghi ịbadi ạnmuny; ọdi ómeera aḍita ạsinam ạbidi esoorom.

Ạsuor 127:3

Ạnmuny oḍighi ruunmo Ọmoogh-we phọ; bịdi ọkar ạḍiseph dị eganana.

Ạsuor 128:3

Ạnir phọ ạna kạtol ịdipho oozin oreeny avain dị ramuum ghan igey iimuma sịphe kꞌạna, ḅịle alephiri ạnmuny ạna kọkigh ịbam iizin ireeny ọliv dị ekoom ịdaabili ạna.

Asidogh 10:22

Ạḍiseph Ọmoogh-we phọ kụ ẹdi rẹngo ghan oye ẹelha; iboom arukumuan kéḍume nyịna iboom.

Asidogh 13:22

Igey awe kọmoogh ẹelha oseenaan ạnmuny ạnmuny ọdi, kụ ẹelha abuḍighinom ịkaraph keḍigh rạghaagh awe aruukuan.

Asidogh 20:7

Ịbam ạnmuny ozuan iiḅi eḍighi ịyaar dị bịdi ọmoogh ọde aruukuan dị raḍighi ghan ịdi ẹnighe.

Lịvitikos 26:9

Mị kịloghoma ni inyina, kụ mị aḍighi ịdi nyina kẹmar emuzeḍi, kụ mị kạkparami ni ịyo phọ ịpe mị aghiran bọ rꞌanyina.

Dutoronomi 28:11

Ọmoogh-we phọ kịbughe ni inyina ịngo inyina edughom, rꞌọophi anyina, rꞌọophi ạsinam mọ anyina, rꞌariḍien ịsiphe ade phọ, ḍịphe Ọmoogh-we phọ aghunya bọ esi ạburude phọ anyina ọngo anyina.

Dutoronomi 28:18

“Ọmoogh-we phọ katulughi ni ọophi ạnmuny phọ anyina, rꞌariḍien iizo phọ anyina, rꞌạsinam mọ rꞌiyool-ịga phọ anyina.

Dutoronomi 28:3

“Ạḍiseph kịrolonaan ghan ni inyina sịphe ạramha phọ. Ạḍiseph kịrolonaan ghan ni inyina ẹpe iizo phọ.

Dutoronomi 28:5

“Ọmoogh-we phọ kạseph ni rugunum mọ anyina rꞌạrodo phọ ịpe nyina rekumogh ghan bọ eḍien.

Dutoronomi 7:13

Ọdi kịphomoghian ni inyina ịseph inyina, ịbughe inyina, ạḅile ạbughe ọophi anyina, ạbughe eḍien ịsiphe ade phọ, ịizupha phọ anyina, avain phọ anyina rꞌạmunum mọ, ạbughe sịnam rꞌiyool-ịga phọ anyina ẹpe ade phọ dị aghunya bọ ạngo bụrude phọ anyina, ọngo anyina.

1 Timoti 4:8

Areephegh ọzaamian aloor ẹmoogh ni ịyaar oḍighinom mọony ekulha amem kụ oḍighi ọzaamiom uwaloor phọ kụ ạmoogh sụo esi oomo areten, ịdi eḍighi bọ ọphon phọ kụ raḍighinaan oḍighi ghuḍum mọ ạkuen ạnyiidipho rꞌạkuphe ratu bọ.