Dutoronomi 28:2 - Ạḍinya Iigbia

² Eru mạar dị nyina ẹnaghanan ni ẹḍogh Ọmoogh-we Ẹnaan phọ anyina, pọ oomo phọ ạḍiseph phọ ạḍien keḍighi ḍịo anyina, ịmooghom inyina.

Dutoronomi 28:2 Iomraidhean Croise

Ạsuor 128:4

Oye lọ ạnaghanan Ọmoogh-we phọ kạmoogh ọdo ạḍiseph phọ ạḍien.

Zẹkaraya 1:6

Mị urom ghan butelhedom mọ ạmi riil phọ kụ ọḅeni ịto phọ ạmi ọḅile ọphur rụru bụrude ạburude phọ anyina, kụ ọlo bịdi úpogh riil phọ ụ́logh elegh kụ bịdi ụmiin ni ịikpia phọ. Pọ kụ amem dị bịdi ogbi okiton kụ ogbi ọlogh elegh mọ mị Ọmoogh-we Oomo Ịikpo phọ kụ mạlhiom bịdi ịpe ẹkpianaan bọ bịdi ḅịle kẹn rꞌịpe mị magbiighi bọ oḍighi phọ.”

Dutoronomi 11:27

ḍịseph, eru mạar dị nyina ẹnaghanan iilogh Ọmoogh-we phọ Ẹnaan phọ anyina ịpe mị ạlogh bọ rịngo inyina rodon;

Dutoronomi 28:15

“Eru mạar dị nyina rẹ́naghanan ghan ẹḍogh phọ Ọmoogh-we Ẹnaan phọ anyina kụ nyina ísereghian kụ réḍighi ghan oomo ịpe edi bọ sịphe iilogh phọ ọdi rꞌịtooghi phọ ọdi, ịphen mị ạlogh bọ ịngo inyina rodon, pọ oomo itulughian phọ ịphen kisoroghuom ni inyina, ịmooghom inyina.

Dutoronomi 28:3

“Ạḍiseph kịrolonaan ghan ni inyina sịphe ạramha phọ. Ạḍiseph kịrolonaan ghan ni inyina ẹpe iizo phọ.

Dutoronomi 28:45

“Oomo ọkaraph ọghor phọ ọphon isu bọ inyina kịdaph ghan ni inyina ạteeny isoroghuom inyina, iphiemi inyina, ịdi eḍighi bọ nyina ị́naghanan ẹḍogh phọ Ọmoogh-we Ẹnaan phọ anyina ooko ghan iilogh phọ ọdi rꞌịtooghi phọ ọdi, ịpe ọdi ạlogh bọ ịngo inyina.

1 Timoti 4:8

Areephegh ọzaamian aloor ẹmoogh ni ịyaar oḍighinom mọony ekulha amem kụ oḍighi ọzaamiom uwaloor phọ kụ ạmoogh sụo esi oomo areten, ịdi eḍighi bọ ọphon phọ kụ raḍighinaan oḍighi ghuḍum mọ ạkuen ạnyiidipho rꞌạkuphe ratu bọ.