Dutoronomi 28:1 - Ạḍinya Iigbia

¹ “Eru mạar dị nyina ẹnaghanan ni ẹḍogh Ọmoogh-we Ẹnaan phọ anyina kụ eeko ghan iilogh phọ ọdi, ịphen mị ạlogh bọ rịḅeni inyina rodon, pọ Ọmoogh-we Ẹnaan phọ anyina kiphoophe ni inyina apuemi oomo ịpheri phọ areelhe ịsien aḅirini phọ,

Dutoronomi 28:1 Iomraidhean Croise

1 Krọnikuls 14:2

Kụ iḍighi kụ aDevid aloghoma ni mọ Ọmoogh-we phọ kụ ạmeremi bọ ni nyịno oḍighi ọdaam eelhe Ịzirel ḅịle kẹn mọ ọdi raḍighi ịdi ọmar phọ ọno kạmoogh ẹelha loor ẹmhu awe phọ ọdi.

Ạsuor 106:3

Ọḅaal ologhi kụ odianaan bụphe ọnaghanan bọ ịto phọ ọdi, bụphe oomo amem roḍighi ghan bọ ịlo ẹnighe.

Ạsuor 111:10

Ọlogh eegu Ọmoogh-we phọ — ẹpe kụ eten ọsu ologhi. Ọnaghan ạḍughum — ọlo oomo ạbulo ooko iilogh phọ ọdi. Koboom ni nyọdi kꞌagee-pọ.

Ạsuor 119:128

Ịduon kụ ẹdi mị ạdaph oomo ịtooghi phọ ạna; mị akel oomo ịkaraph areten.

Ạsuor 119:6

Eḍighi mạar dị mị ạnaghanan oomo ịtooghi phọ ạna bịn ịmi kúseere dọl umugholoor.

Ạsuor 148:14

Ọdi ạkparami ni eelhe phọ ọdi. Pọ kụ ịyaar phọ oomo awe phọ ọdi roboom bọ nyọdi, awe Ịzirel oḍighi bọ ẹekaany esi ọdi. Iboom Ọmoogh-we phọ!

Ạsuor 91:14

Ẹnaan ẹḅem mọ, “Mị kạpel li bụphe ụphomoghian bọ ịmi ạḅile aakpereghi bụphe mọlhogh bọ elegh mọ mị kụ Ọmoogh-we phọ.

Ẹḍua 15:26

Ọdi ạḅem mọ, “Eḍighi ịyaar lọ nyina kesereghian ni ẹnaghanan ẹḍogh ạmi, kụ eḍighi ghan ịlo ẹnighe, kụ eeko ghan iilogh phọ ạmi rꞌịtooghi phọ ạmi, pọ mị kị́lhiom inyina rꞌeniin ọdo ẹzegh phọ mị ạlhiomom bọ we Ijipt, ịdi eḍighi bọ mị kụ Ọmoogh-we phọ, ọpo raakonom bọ rẹezegh phọ anyina.”

Ẹḍua 23:22

Kụ ọlo eḍighi mạar lọ nyina ẹnaghanan nyọdi ẹḅile eḍighi tọrotoro ịlo mị ạto, mị katuphiom ghan oomo ẹpomoghian phọ anyina.

Ẹḍua 23:25

Eḍighi ịyaar lọ nyina iiseeny ịmi Ọmoogh-we Ẹnaan phọ anyina, mị kịsephom ni inyina eḍien rꞌạmuum ạḅile aporogh rẹezegh phọ anyina.

Azaya 1:19

Eḍighi mạar dị nyina kịnaghanan ni ịmi, nyina kele ni igey ạraraar ade phọ.

Azaya 3:10

Awe aruukuan kobo ni, kụ ạraraar kẹnighenaan ni bịdi. Bịdi kotue ni olhe ịpe bịdi moḍighi bọ.

Jerimaya 11:4

Ịphen kụ ịyo phọ mị aghiran bọ rꞌạburude ạburude phọ ạbidi mem mọ mị ạsighe bọ bịdi amitiom ẹpe Ijipt, de phọ ạḍiphe ẹghigh bọ egu ạnian esi ạbidi. Mị ụḅeni bịdi mọ ụnaghanan ịmi ọḅile oḍighi tọrotoro ịyaar lọ mị mạto. Mị ụḅeni ni bịdi mọ eḍighi ịyaar lọ bịdi ọnaghanan, bịdi koḍighi ni weye ạmi ḅịle kẹn mị kaḍighi Ẹnaan ạbidi.

Jerimaya 12:16

Eḍighi ịyaar dị bịdi omeera mọ awe phọ ạmi ọtughemi bụno ịlo ooseeny ạmi rꞌoomo ologhi phọ kụ kokunya ghan mọ ‘Esi dị Ọmoogh-we phọ odi bọ ni’ — ọdo ịpe bịdi mọtughemi ghan bọ ni weye phọ ạmi oghunya rꞌaḍien aBaal — pọ bịdi kẹn koḍighi aani ni pạkiri awe phọ ạmi ḅịle kẹn edughom kẹtolonaan ni bịdi.

Jerimaya 17:24

“Ḅẹni weye phọ ạbuen mọ bịdi ọnaghanan ịtooghi phọ ạmi. Bịdi kútool dool uḍighom rụnhu-aḍibuo ẹmha phọ ẹphen ḍio ophooghian phọ. Bịdi ooko ghan ḍio ophooghian phọ ịdipho aḍio iigbia ḅịle kẹn bịdi kụ́ḅogh ịyaar úḍighi.

Elegh aLuk 1:6

Ịyal phọ ạbidi ụmoogh ni eeḅi ẹzo ghisigh Ẹnaan ooko ghan iilogh Ọmoogh-we phọ ọman.

Elegh aLuk 11:28

Kụ ạJizos mọ, “Ạḍiseph edianaan ghụn ni bụphe rọnaghan ghan bọ ọghaaph phọ Ẹnaan kọḅile ooko.”

Elegh aLuk 9:48

kụ ạḅeni bịdi mọ, “Oye lọ ạloghoma ọbumoony phọ ọphon loor ẹmhu phọ ạmi, pọ mụloghoma aani ịmi; kụ ọlo ụloghoma ịmi, pọ ạloghomaam ni nyọpo urom bọ ịmi. Kụ oye lọ ụ́man ịyaar sịen ogbo phọ anyina kụ kaḍighi ogbogh.”

Elegh ạJon 15:14

Nyina kụ ạrighiri phọ ạmi, eḍighi ịyaar dị nyina eḍighi ghan ịlo mị ạto ịḅeni inyina.

Bụo aRom 2:7

Ị́per buniin awe oḍighi ghan iiḅi rꞌọwa eegu rꞌarughuenian rꞌaghuḍum dị aḍuugh ílhoonaan. Ẹnaan kẹngo bụen phọ ghuḍum kꞌagee-pọ.

Bụo aGaletia 3:10

Bụphe oghuraam bọ ooko ghan Ologh phọ odi dọl itulughian, ịdi eḍighi bọ ạḍinya iigbia phọ rẹḅem ghan mọ, “Tọrobo oye lọ ráako ghan oomo phọ ịpe ọge bọ sịphe ạḍinya Ologh phọ, odi dọl itulughian.”

Dutoronomi 11:13

“Kụ eru mạar dị nyina kẹnaghanam ni iilogh phọ ạmi, ịphen mị ạlogh bọ ịngo inyina rodon, ẹpomoghian Ọmoogh-we Ẹnaan phọ anyina, eeseeny ghan nyọdi rꞌoomo ologhi anyina rꞌoomo uwaloor phọ anyina,

Dutoronomi 11:27

ḍịseph, eru mạar dị nyina ẹnaghanan iilogh Ọmoogh-we phọ Ẹnaan phọ anyina ịpe mị ạlogh bọ rịngo inyina rodon;

Dutoronomi 15:5

Eru mạar dị nyina esereghian ni kụ rẹnaghanam ni ẹḍogh phọ Ọmoogh-we Ẹnaan phọ anyina; eru mạar dị nyina esereghian ni kụ rẹdaph ni iilogh phọ ịphen mị ạlogh bọ rịngo inyina ḍio phọ arodon;

Dutoronomi 26:18

Kụ Ọmoogh-we phọ mạḅem ịlo anyina rodon amitiom mọ nyina awe ọno, abin ọno, ịdipho dị iguanaan bọ inyina, nyina iiko ghan iilogh phọ ọdi.

Dutoronomi 26:19

Kụ ọdi iphoophe inyina ạbughe apuemi oomo ịpheri phọ areelhe phọ ịpe ọdi ạlhem bọ, nyina emitiom ḍien ạḍiseph rꞌarughuenian, kụ nyina iḍighi we aghuḍuul, we iigbia esi Ọmoogh-we Ẹnaan phọ anyina, ịdipho ọdi ạghaaph bọ ịḅeni inyina.”

Dutoronomi 28:13

Ọmoogh-we phọ kiḍighi ni inyina ikpolom awe; nyina kéḍighi ighiil awe. Nyina eganana emitiom ḍien, nyina kẹ́tol eeḍian ạbunon, dị nyina keeko ni iilogh phọ Ọmoogh-we Ẹnaan phọ anyina, ịpe mị ạlogh bọ ologh ịngo inyina rodon. Igona loor ẹtuugh ghan kụ ẹdaph eḍighinom.