Dutoronomi 27:7 - Ạḍinya Iigbia

⁷ Ịpighironaan ghan sịphe phọ ẹkia ẹboroph kụ ẹrol ghan sịphe phọ kụ ele; ẹrol ghan sịphe esomanan egbodo Ọmoogh-we Ẹnaan phọ anyina ẹmoogh ọḅaal ologhi rꞌibo,

Dutoronomi 27:7 Iomraidhean Croise

Nehemaya 8:10

Nyịidipho, ikeel ologhi otu ẹmoogh malhe, edi ẹngo aani bụlo ịyaar ụ́moogh. Arodon aḍio iigbia Ọmoogh-we phọ ayira, kụ oye kúkururu. Iboh phọ ịpe Ọmoogh-we phọ rịngo ghan bọ inyina kịkparami ni inyina.”

Azaya 12:3

Ịdipho ạmubo ạmuum rạngo ghan bọ iboh we dị ạmuum rạpu, ịdipho kụ ẹdi awe Ẹnaan robo ghan mem dị ọdi ạphel bịdi.”

Azaya 61:10

AJeruselem ạmoogh iboh loor ịpe Ọmoogh-we phọ maḍighi bọ; Ọdi ạtol mụdi esina ọnyani dị oonmenemi ḍio dị rạbal ilhom. Ẹnaan mẹkpologhiom nyọdi pẹleeny rꞌọkpar opu.

Azaya 61:3

Ọngo ạbuphe odimom bọ ọto sịphe Zạyon Iboh rꞌọḅaal ologhi esi okururu, Ḍụor oboomiom kꞌaḍio okururu. Bịdi kọkigh ireeny Dị Ọmoogh-we phọ rꞌaloor kụ ạzuph. Oomo ạbidi koḍighi ghan ịdi ẹnighe, Kụ oboom Ẹnaan loor ịpe ọdi maḍighi bọ.

Hạbakuk 3:18

mị kạḅile ni ạmoogh iboh rꞌọḅaal ologhi loor esi dị Ọmoogh-we Ẹnaan phọ kụ ọpelia ạmi.

Iiḍighi 10:36

Nyina elegheri ni dom mọ Ẹnaan erom bọ we phọ Ịzirel, mọ ạJizos Kraist Ọmoogh-we aḅirini phọ mạsighe ẹepho atuomonaan bịdi.

Bụo aRom 5:1

Sịen Ẹnaan mẹtuan bọ omeeraam mọ ẹsighenom mọ yira awe aruukuan ni, ọdi rꞌayira mọphomoghian odimom ẹepho loor ẹmhu ạJizos Kraist Ọmoogh-we phọ ayira.

Bụo aRom 5:10

Yira ụlogh ni ḍien Ẹnaan, kụ aḍuugh Ọony phọ ọdi mịgba iyira ẹpomoghi. Ịkiom nụun ologhi pẹleeny dị aghuḍum mọ aKraist kụphel iyira.

Dutoronomi 12:12

Nyina ebo ghan egbodo Ọmoogh-we phọ Ẹnaan phọ anyina, nmụny anyina rꞌạnmanyaan anyina, nmụny-otu anyina rꞌạnmanyaan-otu anyina, rꞌạbuo aLivait phọ ituman bọ inyina, loor ịdipho bịdi ụ́moogh aani bọ ẹku mꞌabin kẹn.

Dutoronomi 12:7

Ịsiphe phọ kụ esi dị nyina rꞌọto anyina kẹtol ghan egbodo Ọmoogh-we Ẹnaan phọ anyina kụ ele ghan ẹmoogh iboh esi oomo ạraraar phọ ịpe ẹsighe bọ rạghaagh anyina kụ eḍighinom, ịdipho Ọmoogh-we Ẹnaan phọ anyina ịseph bọ inyina.

Dutoronomi 16:11

Kụ ẹrol ghan egbodo Ọmoogh-we Ẹnaan phọ anyina ẹmoogh iboh, nạ rꞌạnmuny ạna rꞌạnmanyaan ạna rꞌạrebene ạna, alephiri rꞌạnmariir, rꞌạbuo aLivait phọ odi bọ sịphe ạramha phọ anyina, ruuruen phọ, ịnyigo ạnmuny phọ rꞌarukpukele ạnmariir phọ, bụphe rꞌanyina edi bọ sịphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 16:14

kụ ẹmoogh iboh, nạ rꞌạnmuny ạna rꞌạnmanyaan ạna rꞌạrebene ạna, alephiri rꞌạnmariir, rꞌạbuo aLivait phọ, ruuruen phọ, ịnyigo ạnmuny phọ rꞌarukpukele ạnmariir phọ, bụphe rꞌanyina edi bọ sịphe ạramha phọ anyina.

Dutoronomi 27:6

Ịsighe ghan sighiigh lọ eseleman kụ ẹkananaan Ọmoogh-we Ẹnaan phọ anyina enmeny ạrikia phọ; kụ ẹphighironaan ghan sịphe phọ ẹkia ịyaar aghuḍum oguom ạnian ẹngo Ọmoogh-we Ẹnaan phọ anyina.

Dutoronomi 27:8

kụ ẹge sịphe asighiigh phọ egananami oomo ikpo ọnhu phọ ịphen.”

Bụo aFilipai 3:3

Yira kụ ụkaraghi ọghaaph bọ oḍuna, kạ́bidi. Yira phọ rooseeny ghan Ẹnaan ruwaloor kụ kọmoogh ọḅaal ologhi esi ạmuḅoph phọ ayira rꞌạJizos Kraist. ẠJizos Kraist bịn kụ ọdi yira robomaam bọ. Oḍuom ologhi phọ ayira ólho aani sịphe osopha oodu ạnyu phọ.

Bụo aFilipai 4:4

Iboh ghan esi Ọmoogh-we phọ oomo amem. Mị ạḅile ni rạḅem mọ iboh ghan ni.

Bụo ạKolosi 1:20

mọ esi Ọony phọ kụ ọno ạsighe oomo ọlhem mọ, ịlo edi kꞌạke rꞌịlo edi sịen ade phọ, ạpomoghi aḅulemi loor ọno. Kụ mạtuan ịḅaal Ọony phọ ọdi ọkan bọ loor oreeny phọ ạpomoghiom ẹepho oomo ọlem mọ ọdi.