Dutoronomi 27:6 - Ạḍinya Iigbia

⁶ Ịsighe ghan sighiigh lọ eseleman kụ ẹkananaan Ọmoogh-we Ẹnaan phọ anyina enmeny ạrikia phọ; kụ ẹphighironaan ghan sịphe phọ ẹkia ịyaar aghuḍum oguom ạnian ẹngo Ọmoogh-we Ẹnaan phọ anyina.

Dutoronomi 27:6 Iomraidhean Croise

1 Ạbudaam 6:7

Sighiigh phọ ọloghom bọ Otu Ịiḅereghi phọ uugbo ni kụ oseere, kụ iḍighi kụ ẹḍogh ọkanam, sikubu, mụghumo ịnon ọdo ạraraar dị eḍighi okuron ị́tol mem mọ rọlogh bọ Otu Ịiḅereghi phọ.

Ẹḍua 20:25

Eru mạar dị nyina ẹsighe ḍighiigh rịkananaan ịmi enmeny ạrikia, pọ kéekoroghi ghan sighiigh lọ moogbo, ḅịle mꞌịlo mọparion, kụ ẹkanam. Aḍighiigh lọ elhool ẹḅoghom meeph oḍighinom.

Bụo ạEfesos 5:2

Ẹphomoghian kụ ẹpham ghuḍum mọ anyina, ịdipho aKraist ụphomoghian bọ iyira kụ ụtuan bọ iyira aphiemi ghuḍum mọ ọdi, mụdi ịinua rꞌẹkia dị repulughaan eeḅi eḍu, dị ọphighoronaan ọngo Ẹnaan kụ ẹsighe ni!

Dutoronomi 27:5

Kụ ẹkananaan sịphe phọ enmeny ạrikia Ọmoogh-we Ẹnaan phọ anyina, enmeny asighiigh. Kẹ́sighe rukuron kụ ẹkanam sighiigh phọ.

Dutoronomi 27:7

Ịpighironaan ghan sịphe phọ ẹkia ẹboroph kụ ẹrol ghan sịphe phọ kụ ele; ẹrol ghan sịphe esomanan egbodo Ọmoogh-we Ẹnaan phọ anyina ẹmoogh ọḅaal ologhi rꞌibo,