Dutoronomi 27:5 - Ạḍinya Iigbia

⁵ Kụ ẹkananaan sịphe phọ enmeny ạrikia Ọmoogh-we Ẹnaan phọ anyina, enmeny asighiigh. Kẹ́sighe rukuron kụ ẹkanam sighiigh phọ.

Dutoronomi 27:5 Iomraidhean Croise

1 Ạbudaam 6:7

Sighiigh phọ ọloghom bọ Otu Ịiḅereghi phọ uugbo ni kụ oseere, kụ iḍighi kụ ẹḍogh ọkanam, sikubu, mụghumo ịnon ọdo ạraraar dị eḍighi okuron ị́tol mem mọ rọlogh bọ Otu Ịiḅereghi phọ.

Ẹḍua 20:25

Eru mạar dị nyina ẹsighe ḍighiigh rịkananaan ịmi enmeny ạrikia, pọ kéekoroghi ghan sighiigh lọ moogbo, ḅịle mꞌịlo mọparion, kụ ẹkanam. Aḍighiigh lọ elhool ẹḅoghom meeph oḍighinom.

Ẹḍua 24:4

AMozis ạge ni oomo ịto Ọmoogh-we phọ aseere loor ạḍinya. Eḅon ạḍiroor ạḍieri phọ aḍio phọ, ọdi ạkan enmeny ạrikia sịphe azin eegum mọ kụ ạmeremi ḍioph rꞌịyal ạrana, ẹdaphan ḍioph rꞌịyal arughunughun phọ Ịzirel.

Dutoronomi 27:6

Ịsighe ghan sighiigh lọ eseleman kụ ẹkananaan Ọmoogh-we Ẹnaan phọ anyina enmeny ạrikia phọ; kụ ẹphighironaan ghan sịphe phọ ẹkia ịyaar aghuḍum oguom ạnian ẹngo Ọmoogh-we Ẹnaan phọ anyina.