Dutoronomi 27:2 - Ạḍinya Iigbia

² Kụ egbi ọteeny aḍio phọ ạḍiphe nyina kẹḅeeny bọ Jọdan epun ẹki esi ẹpe ade phọ Ọmoogh-we Ẹnaan phọ anyina ịngo bọ inyina, ekori egimogh igbogh asighiigh ẹsighe ạḅay egbulogh,

Dutoronomi 27:2 Iomraidhean Croise

Job 19:24

Ọbo kẹn ạsighe ḍịkuom ạkaam ikpo ọnhu phọ ạmi ạnyu aḍighiigh kụ ạge ịdi kẹtol kꞌagee-pọ.

Izikiel 11:19

Mị kạngo ni bịdi emoom ekpom rꞌomoom ologhi. Mị kạsighe ni ekpom aḍighiigh oḅom ẹmhu phọ ạbidi ạḍuanam kụ ạngo bịdi ekpom ọnaghanan.

Izikiel 36:26

Mị kịngo inyina emoom ekpom rꞌomoom ologhi. Mị kamuton ekpom aḍighiigh phọ anyina kụ ịngo inyina ekpom ọnaghanan.

Dutoronomi 11:31

Nyina kẹḅeeny Jọdan epun, kụ ẹki ẹteeny de phọ ạḍiphe nyina rẹki bọ ọmoogh phọ, ḍịphe Ọmoogh-we Ẹnaan phọ anyina ịngo bọ inyina mọ ịmoogh phọ, erughogh sịphe.

Dutoronomi 26:1

“Mem dị nyina ẹghi esi ẹpe ade phọ Ọmoogh-we Ẹnaan phọ anyina rịngo bọ inyina ọmoogh phọ, kụ nyina rẹmoogh rerughogh sịphe phọ,

Dutoronomi 27:1

AMozis rꞌikumoor awe phọ Ịzirel ụto ni ọḅeni we phọ mọ, “Iiko ghan oomo iilogh phọ ịphen mị adoghoḍi bọ ịngo inyina rodon.

Dutoronomi 27:3

kụ ẹsighe oomo iilogh phọ ịphen ẹge sịphe asighiigh phọ, mem dị nyina mẹḅeeny ephun ẹrol repogh ẹpe ade phọ Ọmoogh-we Ẹnaan phọ anyina ịngo bọ inyina, de ẹetool rꞌọninom, ịdipho Ọmoogh-we Ẹnaan ạburude phọ anyina iguanaan bọ inyina.

Dutoronomi 27:4

Kụ nyina rẹḅeeny Jọdan repun bịn ekori egimi sighiigh phọ ịphen mị ạlogh bọ ologh ịngo inyina ḍio phọ arodon sịen ạnyu Eegum Ebal, kụ ẹsighe ạḅay egbulogh sighiigh phọ.

Dutoronomi 6:1

“Ịphen kụ iilogh phọ, ịtooghi phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụngo ịmi mọ mị ịtughemi inyina, ẹdaph ghan kụ eḍighi ghan ẹpe ade phọ nyina reḍigh bọ ọrol,

Dutoronomi 9:1

“Ịnaghan Ịzirel, rodon nyina kẹḅeeny Jọdan epun, ọghi ọmoogh areelhe dị ẹbugh ipu inyina, iboom ạramha dị ẹbugh kụ okoonyogh okitonom kụ epoph kꞌẹpe ạnyu.

Josua 1:11

mọ ọḍua ogbogo oten ogbogo kụ ọḅeni we phọ Ịzirel mọ, “Iikoroghian riiḍien lọ nyina kele, ịdi eḍighi bọ esi ịraar aḍughul-otu yira kọḅeeny Jọdan opun, ọki ọsighe de phọ ạḍiphe Ọmoogh-we Ẹnaan phọ anyina ịngo bọ inyina mọ ịmoogh.”

Josua 4:1

Oomo awe phọ rọḅeeny bọ Jọdan rophun kụ Ọmoogh-we phọ ạḅeni Josua mọ,

Josua 8:30

Kụ aJosua ạkananaan Ọmoogh-we Ẹnaan phọ Ịzirel enmeny ạrikia sịphe Ebal.

Josua 8:31

Ọdi ạkan ịdipho aMozis otelhedom Ọmoogh-we phọ ạlogh bọ Ologh phọ ạngo we phọ Ịzirel, ịpe ọge bọ sịphe ạḍinya iilogh aMozis, “enmeny ạrikia dị ọkanam ikpom asighiigh dị emunughan, ịdi oye kọ̋sighe ghan rạraar ạmaka óphoghomiom”. Sịphe ạnyu phọ kụ ẹdi Ịzirel ọphighironaan ẹkia oguom ạnian ọngo Ọmoogh-we phọ rꞌịyaar aghuḍum ẹboroph.

Josua 8:32

Sịphe aloor asighiigh phọ, mem dị awe Ịzirel ropogh, aJosua ạtuugh ịpe aMozis ạge bọ sịphe Ologh phọ ọdi ạge.