Dutoronomi 27:1 - Ạḍinya Iigbia

¹ AMozis rꞌikumoor awe phọ Ịzirel ụto ni ọḅeni we phọ mọ, “Iiko ghan oomo iilogh phọ ịphen mị adoghoḍi bọ ịngo inyina rodon.

Dutoronomi 27:1 Iomraidhean Croise

1 Krọnikuls 28:8

“Nyịidipho, we ạmi, ghisigh Ẹnaan phọ ayira ḅịle rꞌookpomoghan oomo Ịzirel awe phọ Ẹnaan, mị rịḅeni inyina mọ iiko ẹḅile ẹnaghanan oomo ịlo Ọmoogh-we Ẹnaan phọ ayira mạto ụḅeni iyira, ọbo nyina ẹghelom ịma ade phọ ạḍien, ḅịle ọbo nyina ẹḅogh ẹngo oghiil atum oghiil kꞌagee-pọ.”

Ạsuor 78:7

Ịduon phọ kẹn kụ ẹdi bịdi kọkpasi emooph ạbidi esi Ẹnaan bịn kóbula ịpe ọdi aḍighi bọ, omuton ọnaghanan ghan ịto phọ ọdi oomo amem.

Elegh aLuk 11:28

Kụ ạJizos mọ, “Ạḍiseph edianaan ghụn ni bụphe rọnaghan ghan bọ ọghaaph phọ Ẹnaan kọḅile ooko.”

Elegh ạJon 15:14

Nyina kụ ạrighiri phọ ạmi, eḍighi ịyaar dị nyina eḍighi ghan ịlo mị ạto ịḅeni inyina.

Dutoronomi 1:1

Ịphen kụ ịdi aMozis ạghaaph bọ ạḅeni oomo Ịzirel sịphe ẹdala phọ ạga emitenom Ọphiiny ạJodan. Bịdi ụrol sịphe Eḍiiny ạJodan dị etuman Suf, igbo ẹmha ạParan dị edi ḍiniin ạḍighaagh, rꞌạramha aTofel, Lẹban, Hazerot rꞌaDizahab ḍịeri phọ ạḍighaagh.

Dutoronomi 11:32

Egona ghan siloor anyina, eḍighi ghan oomo ịtooghi phọ rꞌịiruen phọ ọdi ịpe mị rịḅeni bọ inyina rodon.

Dutoronomi 26:16

“Rodon Ọmoogh-we Ẹnaan phọ anyina ạto rịḅeni inyina mọ ịdaph ghan ịtooghi phọ rꞌịiruen phọ ọdi kụ eḍighinom ghan; kụ iḍighi kụ ịpamanam oomo phọ ịdi, ẹsighe eseerian sịphe iloghi phọ anyina rꞌaruwaloor phọ anyina.

Dutoronomi 26:19

Kụ ọdi iphoophe inyina ạbughe apuemi oomo ịpheri phọ areelhe phọ ịpe ọdi ạlhem bọ, nyina emitiom ḍien ạḍiseph rꞌarughuenian, kụ nyina iḍighi we aghuḍuul, we iigbia esi Ọmoogh-we Ẹnaan phọ anyina, ịdipho ọdi ạghaaph bọ ịḅeni inyina.”

Dutoronomi 27:2

Kụ egbi ọteeny aḍio phọ ạḍiphe nyina kẹḅeeny bọ Jọdan epun ẹki esi ẹpe ade phọ Ọmoogh-we Ẹnaan phọ anyina ịngo bọ inyina, ekori egimogh igbogh asighiigh ẹsighe ạḅay egbulogh,

Dutoronomi 6:17

Isereghian, ẹmaar eeko iilogh Ọmoogh-we Ẹnaan phọ anyina rꞌạraraar eḍeenaan phọ rꞌịtooghi phọ ịpe ọdi ạlogh bọ.

Jems 2:10

Oye lọ ạka ghạlamo rꞌoniin ologh phọ pọ masoroghu ni oomo phọ ịdi.