Dutoronomi 26:9 - Ạḍinya Iigbia

⁹ Kụ ọdi ụsighe iyoor asiemi ẹphen phọ, kụ ụngo iyoor de phọ ạḍien, de ẹetool rꞌọninom.

Dutoronomi 26:9 Iomraidhean Croise

Ạsuor 105:44

Ọdi ạngo bịdi rere awe ịnon areelhe kụ aḍighi ịdi bịdi ọsighiogh iizo ạbidi,

Ẹḍua 3:17

Kụ mị mạḅem ni mọ mị katu ịsighe inyina esi ịminimiin phọ ạbuo Ijipt rịmiine bọ inyina, ịsighe inyina ạḍuanam ạsighe ạki ẹpe eelhe phọ ạbuo aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ, asiemi de ẹetool rꞌọninom, de dị ạmamaam ạnam rꞌẹnuum aḍiowo rekil.’

Ẹḍua 3:8

kụ mị maru ọtagharan ạbidi ḍịghaagh ạbuo Ijipt phọ, rꞌọsighe ạbidi ọḍuanam sịphe ade phọ ạḍiphe, rꞌọsighe ạbidi ọghi ḍiiḅi ade dị ẹetool rꞌọninom, de dị ạmamaam ạnam, rꞌẹnuum aḍiowo kụ rekilogh, ẹpe aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ odi ghan bọ nyịidipho.

Izikiel 20:15

Kụ iḍighi kụ mị aguanan sịphe ẹdala phọ mọ mị kạ́sighe bịdi ạki de phọ mị mạngo bọ bịdi, de ẹelha rꞌẹnuum, de dị ẹnighe epu oomo arere.

Izikiel 20:6

Pọ kụ amem mọ mị aguanaan bọ ọsighe ạbidi omitiom Ijipt kụ ororori ạbidi ọghi ade dị mị mạsaḅar ḍi ạbidi, ade ẹelha rꞌẹnuum, ade ẹetool rꞌọninom dị ẹnighe epu oomo ịdi.

Iiḍighi 26:22

Ẹnaan kụ rịloghonaan ịmi ḍịghaagh kụ mị odi bọ ni kꞌarodon ạkaaph ooḅi ọghaaph phọ rạḅeni ghan bụbam rꞌabugbogh. Ịnon ịdi mị rạkaaph ghan ílho, omuton ịpe ariil phọ rꞌaMozis ọghaaph bọ mọ kemite ni phọ.

Dutoronomi 26:15

Tọl sịphe ạdol iigbia phọ ạna ẹpe kꞌạke aphogh ude, ạseph we phọ ạna Ịzirel rꞌade phọ ạḍiphe nạ ụngo bọ iyoor, ḍịphe nạ aghunya bọ ạngo bụrude phọ ayoor, de ẹetool rꞌọninom.’

Dutoronomi 27:3

kụ ẹsighe oomo iilogh phọ ịphen ẹge sịphe asighiigh phọ, mem dị nyina mẹḅeeny ephun ẹrol repogh ẹpe ade phọ Ọmoogh-we Ẹnaan phọ anyina ịngo bọ inyina, de ẹetool rꞌọninom, ịdipho Ọmoogh-we Ẹnaan ạburude phọ anyina iguanaan bọ inyina.

Dutoronomi 6:3

Ịnaghan, nyina awe Ịzirel, igona siloor anyina ẹtuugh ghan ịphen phọ kụ eḍighi ghan, ọbo ịnighenom inyina, ẹmaar emuzeḍi, ịdipho Ọmoogh-we Ẹnaan phọ ạburude phọ iguanaan bọ inyina, ẹpe ade ẹetool rꞌọninom.

Josua 23:14

“Ipogh. Nyịidipho amem ạmi mẹteeny omugh. Oomo phọ anyina elegheri ni sịphe iloghi phọ anyina rꞌaruwaloor phọ anyina mọ rꞌeniin ịyaar dị úḍighi ílho esi oomo igey ạraraar phọ ịpe Ọmoogh-we Ẹnaan phọ anyina iguanaan bọ inyina. Oomo phọ ịdi memiteghu etu eten, ịyaar ísugha.

1 Sạmuel 7:12

Kụ ạSamuel ạsighe ḍighiigh ạmeremi igbo aMizpa rꞌaSen, kụ ạḅem mọ, “Ọmoogh-we phọ mụlhoghonaan iyoor ḍịghaagh oomo phọ amem mọ,” kụ ọdi aghol ḍighiigh phọ mọ “Aḍighiigh ọloghonaan ạḍighaagh.”