Dutoronomi 26:7 - Ạḍinya Iigbia

⁷ Kụ yoor omoghi osumeriom Ọmoogh-we Ẹnaan ạburude phọ ayoor, kụ Ọmoogh-we phọ ạnaghan ẹḍogh phọ ayoor, kụ akiton aphogh ịminimiin phọ ayoor rꞌarukumuan phọ ayoor rꞌạdol ạrebene phọ.

Dutoronomi 26:7 Iomraidhean Croise

Emiighom 21:17

Ẹnaan ẹnaghan ẹḍogh ọbumoony phọ, kụ Ọokpaany Ẹnaan dị ạrol ẹpe kꞌạke ạmagh Hegar kụ apuru nyọdi mọ, “Nạ ramoghi ghan eeghe? Aruugu nyịna kúsiph. Ẹnaan mẹnaghan ni ẹḍogh ọony phọ sịphe odi bọ.

Emiighom 29:32

ALia aamor kụ ạmar olephiri, kụ aghol ḍien ọony phọ ọdi mọ aRuben. Ọdi ạḅem mọ, “Ageny ni, Ọmoogh-we phọ mạmiin ịminimiin phọ ạmi; nyịidipho mẹteeny dị olhom mọ ạmi kụphomoghian ịmi.”

2 Sạmuel 16:12

Iini Ọmoogh-we phọ kạmiin ni ịminimiin phọ ạmi kụ ụngo ịmi ḍịseph dị kẹsighe esi itonyonaan phọ ọdi.”

Ạsuor 119:132

Kiton uphogh ịmi, ụnma ịmi ighirigiir, ịdipho nạ raḍighinaan ghan bọ bụphe ọphomoghian bọ nyịna.

Ạsuor 31:8

Nạ ịmi ụ́ḅogh bọ ụngo rạghaagh ạbumulogh-ḍien phọ ạmi. Nạ mụngo ịmi ẹereegh ọghi ekpisi lọ mị ạwa.

Ạsuor 50:15

Ụmagh ghan ịmi mem lọ nạ odi esi ịiḅaghami. Mị kạphel li nyịna ạsighe kụ nạ uboom ghan ịmi.”

Ẹḍua 2:23

Ịman ni sịa kụ ọdaam eelhe phọ Ijipt amugh, kụ awe phọ Ịzirel rọkunuma ghan dọl ạrebene phọ ạbidi, kụ omoghi ghan ọmoogh ạpeleeny. Kụ Ẹnaan ẹnaghan emoghi ịminimiin phọ ạbidi.

Ẹḍua 2:25

Ọdi ạmiin dọl ạrebene awe phọ Ịzirel kụ ạnmanaan bịdi ighirigiir.

Ẹḍua 3:9

Nyịidipho nạghan, emoghi phọ awe phọ Ịzirel meru ịteeny ịmi, kụ mị mạmiin ịpe ạbuo Ijipt phọ rọkpiloghom bọ bịdi.

Ẹḍua 4:31

Kụ awe phọ omeeraam. Mem dị bịdi ọnaghan bọ mọ Ọmoogh-we phọ maru apogh we phọ Ịzirel ạḅile ạmiin ịminimiin phọ ạbidi, bịdi ozumeri yogh rụmhu ạbidi ude kụ ọoḅereghi.

Ẹḍua 6:5

Kụ mị mạnaghan ni ịkuph awe phọ Ịzirel, bụphe ạbuo Ijipt phọ oseere bọ dọl ạrebene, kụ mị mạatughian ịyo phọ ạmi.

Jerimaya 33:2

Ọmoogh-we phọ, ọpo ạlhem bọ de phọ, ọpo amitiom bọ de phọ kụ aseere esi dị ẹkpe, ụḅaanaan ni ịmi. Ọdi phọ aḍien phọ ọdi eḍighi bọ Ọmoogh-we phọ ạḅem:

1 Sạmuel 9:16

“Iḍue phọ ọpo kẹḅaal bọ ọdo phọ amem mọ ạmuen, mị katom ni oniin oye ọlo ẹemara ẹemara ạBenjamin mọ aru ạteeny nyịna. Sịghe mụnum-ịko ạsagharan ẹmhu ọdi, dị ọdi kạda weye phọ ạmi Ịzirel, kụ mị kạtagharan ni bịdi ḍịghaagh awe aFilistia phọ. Mị mạmiin ni ịminimiin awe phọ ạmi kụ mị mạnaghan ni emoghi ọloghonaan ạḍighaagh phọ ạbidi.”