Dutoronomi 26:6 - Ạḍinya Iigbia

⁶ Kụ bụo Ijipt phọ ụmiine iyoor, ụkpiloghom iyoor, ụsighe iyoor oḍighi rẹbene.

Dutoronomi 26:6 Iomraidhean Croise

Ẹḍua 1:11

Pọ kụ ẹdi bụo Ijipt phọ ọmaaghi bụo ạrumhu iiḍighi, kụ ọḅeni bịdi mọ owinighiom ruwaloor awe phọ Ịzirel, ọngo bịdi rukumuan ịlo bịdi kọmiinom. Bụen phọ kụ ạbudi ụkpaariom bọ bịdi ọloghonaan ọdaam eelhe phọ ịyal igbogh ạramha Pitom rꞌaRameses, dị keḍighi rikpisi ooko ghan aruphua phọ ọdi.

Ẹḍua 1:16

“Mọ mem lọ nyina reḍighi oḍighi ạbumaramia phọ anyina esi ạnmariir aHibru, ịmaar ghan ephogh. Ạmar olephiri pọ eghiigh, aḍighi ọnyani pọ ẹwile.”

Ẹḍua 1:22

Ekureriom mọ, ọdaam eelhe phọ ạlogh ologh ạḅeni we phọ ọdi mọ, “Tọrobo olephiri ọony lọ ạnir ọlo aHibru ạmar isumeeny ghan Ọphiiny aNail, kụ eru ọnyani pọ ẹwile.”

Ẹḍua 1:8

Kụ ẹteeny mem dị omoom ọdaam eelhe dị Jọsef úlegheri aru ạda Ijipt.

Ẹḍua 5:19

Bụo ạrumhu iiḍighi phọ awe Ịzirel uloghoma ni mọ bụno odi dọl ogona loor, loor ịpe ọḅeni bọ bịdi mọ, “Nyina kẹḅol ghan ni iniin ọnhu ikpo abiriki phọ ḍio ḍio ḍio ịdipho amem mọ meten bọ.”

Ẹḍua 5:23

Egbi kꞌaḍio phọ mị ạsighe bọ dom mọ ạna ạghimom kꞌọdaam eelhe phọ, ọdi rạmiine ghan we phọ ạna, kụ nạ bịdi ọ́phel ọ́sighe.”

Ẹḍua 5:9

Ịngo ghan we phọ ọokpara oḍighi bịdi ọmiinom, ọbo bịdi ọwile oḍuom ologhi ọghaaph ọkpe.”

Igbiighi 20:15

ịdi ạburude phọ ayoor ọghi ẹpe Ijipt ekpisi dị yoor ọrol ịbadibadi ạsia kụ awe Ijipt phọ ụmiine bọ iyoor rꞌạburude phọ ayoor.

Dutoronomi 26:7

Kụ yoor omoghi osumeriom Ọmoogh-we Ẹnaan ạburude phọ ayoor, kụ Ọmoogh-we phọ ạnaghan ẹḍogh phọ ayoor, kụ akiton aphogh ịminimiin phọ ayoor rꞌarukumuan phọ ayoor rꞌạdol ạrebene phọ.

Dutoronomi 4:20

kụ nyina awe dị Ọmoogh-we phọ ạtagharan ẹpe Ijipt sịphe aḍiboom ạnian phọ reemor bọ. Ọdi imitiom inyina dị nyina eḍighi we ọdi, ịduon nyina edi bọ rodon.