Dutoronomi 26:2 - Ạḍinya Iigbia

² ịsighe ghan iniin sịphe oomo ịḅel iimuma phọ anyina, ịpe nyina ebugha bọ sịphe ade phọ Ọmoogh-we Ẹnaan phọ anyina rịngo bọ inyina, ịsighe ghan ẹlhogh ọkpa ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 26:2 Iomraidhean Croise

2 Ạbudaam 4:42

Kụ oniin oye ọlo ẹpe Baal Salisa ạḍua aru ạpham eḍien ịḅel iimuma ịyaldi iiḅoghoḍi ạbred abali aruomonaan oyil phọ Ẹnaan ḅịle rꞌịbiakpa dị adoghoḍi ologhi ạkpuru dị ạpham. Kụ Ilaisa ạḅeni otelhedom mọ ọdi mọ, “Sịghe ạngo we phọ bịdi ole.”

2 Krọnikuls 31:5

Egina amem mọ ọto bọ ọḅem, awe phọ Ịzirel ụsighe ni inmo oru dị emite loor ịkar igey ịbiakpa ạbidi, amiim rꞌạmunum-ọliv, ẹnuum aḍiowo rꞌịnon ariiḍien iizo kụ bịdi odi ḍioph abin tọro ịyaar lọ bịdi ọmoogh kụ ọsighe muniin abin.

2 Krọnikuls 6:6

Kụ nyịidipho mị mạsaḅar Jeruselem kụ esi dị kuseeny ghan ạmi, kụ nạ Devid kụ kạda we ạmi.’”

Nehemaya 12:44

Mem mọ ọpo phọ, awe ụrol li dị oseere ophogh ghan iisoph aruphua phọ, riisi phọ oseere ghan bọ rạraar lọ ọngo ịlo Otu Ịiḅereghi phọ, ọḅaram muniin abin esi aḍioph phọ rꞌịḅel ịbiakpa rꞌiimuma lọ mẹḅaal tọrobo ạlha. Awe phọ ạbuen phọ kụ ạanyi ghan iizo oomo ạramha kịrokiro phọ iisogh ịlo ariil ạrikia rꞌạbuo aLivai, ịdipho Ologh phọ ạḅem bọ. Oomo awe aJuda ụmoogh ni ḍịḅeeraan esi ariil ạrikia phọ rꞌạbuo aLivai phọ

Nehemaya 13:31

mị uukolobian ni aḍighi ịdi ịpe phọ ịpe kọpophoghiom ghan bọ inmo phọ ketu ghan mem mọ ọpo ẹkpianaan bọ, ḅịle ịdi awe kọsighe ghan inmo ịḅel ịbiakpa rꞌịḅel iimuma lọ ẹḅaal iizo ạbidi otu. Tụutughian oomo phọ ịphen, Ẹnaan, kụ ụngaani ịmi ḍịseph.

Ẹḍua 20:24

Ịkananaan ịmi enmeny ọogha kụ ạnyu ịsiphe phọ ẹze iyool-ịga, rụtu-ịga anyina, rꞌạsinam anyina, ẹphighironom ghan ẹkia ạnian rꞌẹkia ẹboroph. Tọrobo esi lọ mị amitiom aseere mọ iiseeny ghan ịmi, mị katu ni ịngo inyina ḍịseph.

Ẹḍua 22:29

“Káakpukian ọngo ạmi ịḅel iimuma sịphe ịbiakpa phọ ạna, rꞌamiim mọ ạna, rꞌạmunum mọ ạna. “Ụngo ịmi ịkpana ạnmuny phọ ạna.

Ẹḍua 23:16

“Ile ghan Ẹyaal Ibugha mem lọ nyina emiigh ibugha. “Ile ghan Ẹyaal Arophoghoghoony mem osoor, mem lọ nyina emiigh ọku eemuma esi ịpe nyina ẹzuph bọ.

Ẹḍua 23:19

“Tọrotoro ạlha ịsighe ghan ọḅel ọbiakpa lọ nyina ẹku eru sịphe otu Ọmoogh-we Ẹnaan phọ anyina. “Kémiim ghan mạmaam onhiin ọga phọ kụ ẹsaam mọony oyool-ọga mꞌạtu-ọga phọ.

Ẹḍua 34:26

“Ịḅel iimuma ịsiphe ade phọ ạna, sịghe ghan ạghi sịphe otu Ọmoogh-we Ẹnaan phọ ạna. “Úmiim ghan mạmaam onhiin ọga kụ ạsaam mọony ọdi.”

Jerimaya 2:3

Ịzirel, nyina iḍighi bụo ạmi bịn; nyina iḍighi we iigbia ạmi. Mị ụngo ghan ịminimiin ạḅile aagulemi tọrotoro oye lọ iḍighi inyina ịyaar lọ ị́nighe. Mị Ọmoogh-we phọ kụ ụghaaph.”

Izikiel 20:40

Sịphe ade phọ, ạnyu ẹeḅaraph iigbia phọ ạmi, eephopha ẹeḅaraph phọ Ịzirel, oomo anyina awe phọ Ịzirel kiiseeny ghan ịmi. Nyina kẹḅaal li ologhi ạmi ḅịle mị kagon ni lọ nyina kiruom ịmi rịkia phọ anyina, ọkaraghi igey inmo phọ anyina, rꞌinmo iigbia phọ anyina.

Izikiel 44:30

Ạbupinyon rịkia phọ kụ kọmoogh ọkar igey ịḅel ibugha phọ ḅịle tọrobo ẹnon ịyaar lọ ụngo ịmi. Tọrobo amem lọ ọsa ạbred, bịdi kọngo bụpinyon rịkia phọ ẹḅel eeḅoghoḍi dị eḍighi ruunmo, kụ ạḍiseph ạmi emeelom sịdol phọ ạbidi.

Izikiel 48:14

Ekpisi phọ oseenaan bọ Ọmoogh-we phọ kụ ịkar ẹnighe oomo ade phọ, kụ rꞌeniin kẹ́tol dị kobool, koonmenenom ḅịle koḅughe ọngo ọnon oye. Eḍighi esi iigbia kụ keḍighi ẹlo Ọmoogh-we phọ bịn.

Lịvitikos 2:12

Ẹkpe ni ọsighe ghan ịphen phọ ọphighironom ẹkia ịḅel iimuma phọ, kụ ị́kpe ọghimom ẹpe enmeny ạrikia oguom ạnian ọngo Ọmoogh-we phọ ọbo ephur eeḅi eḍu.

Lịvitikos 2:14

Eru mạar dị nạ ạsighe ịḅel iimuma phọ ạna kụ ạpighironom ẹkia ịbiakpa egbodo Ọmoogh-we phọ, pọ sịghe ghan ịḅel arughuuny ịbiakpa lọ ọḅur nịan mụghumo ikpo lọ mọponyon;

Bụo aRom 11:16

Ọḅel ọpherepe ạbred phọ kụ oseenaan Ẹnaan, pọ oomo eeḅoghoḍi ạbred phọ ẹlo ọdi aani ni. Ḅịle sịni oreeny phọ kụ oseenaan Ẹnaan, pọ ịla phọ ịlo ọdi aani ni.

Bụo aRom 16:5

Ipurunaan ịmi bụo ạsiosi phọ rookpomoghan ghan bọ kꞌạbidi. Ipurunaan ịmi Ẹpainitos ooḅi ọyaghiri phọ ạmi, ọpo aḍighi bọ ọḅel oye dị ameeraam Kraist ẹpe eelhe phọ Esia.

Bụo aRom 8:23

Bịdi bịn rọ́kuph bọ, yira phọ mọmoogh bọ Uwaloor Iigbia phọ aḍighi bọ eḍien phọ ogbiom bọ ạya phọ Ẹnaan mịngo bọ iyira, ọkuphom aani ni ologhi okoriom ghan mem mọ Ẹnaan kiḍighi bọ iyira nmụny phọ ọdi, ẹḅile epelom oomo aloor phọ ayira etene.

1 Bụo ạKorint 15:20

Ọkaraghi igey phọ ịduon mọ moḅeton Kraist sịphe aḍuugh phọ oḍighi nyọdi ịḅel iimuma ạbuphe koḅerion bọ sịphe ạralha aḍuugh phọ.

1 Bụo ạKorint 15:23

Kụ amem mụo oye rꞌoye: aKraist kụ ịḅel iimuma phọ kụ egbi ọteeny ạbuphe oru bọ bụo ọdi mem mọ dị katu bọ.

1 Bụo ạKorint 16:2

Tọrobo aḍio ạSondi, oye ye ạtuugh ghan bin dị ạkasian ḍigbo phọ ọdi ạsighe aseere, bịn mị aru asi ogburugburu ịlo osogh kạ́tol!

Dutoronomi 16:10

kụ eeko ghan ẹyaal ariiḍio phọ Ọmoogh-we Ẹnaan phọ anyina, ẹḅaram ghan rꞌạrikia ịyaar aghuḍum ophooph ologhi phọ ịpe ẹḍua bọ rạghaagh anyina kụ emite kụ ịdi nyina kẹngo, ịpe Ọmoogh-we Ẹnaan phọ anyina ịseph inyina.

Dutoronomi 18:4

ịḅel iimuma ịbiakpa phọ, rꞌamiim avain phọ, rꞌạmunum mọ anyina, rꞌozu oyool-ọga phọ anyina kụ ịdi nyina kẹngo bịdi,

Dutoronomi 26:1

“Mem dị nyina ẹghi esi ẹpe ade phọ Ọmoogh-we Ẹnaan phọ anyina rịngo bọ inyina ọmoogh phọ, kụ nyina rẹmoogh rerughogh sịphe phọ,

Dutoronomi 26:3

Ịki ẹteeny oyil ạrikia ọpo odi bọ mem mọ ạmuphe, kụ ẹḅeni nyọdi mọ, ‘Yoor uru ọghaaph omitiom ọḅeni ạna rodon, ọḅeni Ọmoogh-we Ẹnaan phọ ayoor mọ yoor mosi ẹpe ade Ọmoogh-we phọ aghunya bọ ạngo bụrude phọ ayoor ọngo ayoor.’

Jems 1:18

Mem mọ yira omeeraam bọ igey ikpo ọnhu phọ ọdi, ọdi ạsighe ni ịitughian ọdi kụ ụmaram bọ iyira, ọbo yira kụ oḍighi bụḅel sịphe emoom eghunotu phọ ọdi.

Josua 18:1

Oomo aḍita awe phọ Ịzirel ookpomoghan egina esi ẹpe Sailo kụ ọlogh Ogbogo Ạdol Ọmoogh-we phọ sịphe phọ, kụ ade phọ eḍighi ḍịo ạbidi.

Ogonanami Phọ 14:4

Bịdi kụ awe phọ ruwaloor phọ ạbidi ụ́puenaan bọ, ịdipho ạregelenya dị kọ̋rolan ghan esi rꞌạnmariir. Bịdi rọdaph ghan ni Mọony Oyool-ọga phọ tọrobo ekpisi lọ ọdi rạki. Mọtagharan bịdi ọsighe rạghaagh ạbueri phọ awe aḅirini phọ, mọ oḍighi iimuma phọ ogbiom bọ ạya phọ ọngo Ẹnaan rꞌỌony Oyool-ọga phọ.