Biblia Todo Logo
Bìoball air-loidhne

- Sanasan -




Dutoronomi 26:19 - Ạḍinya Iigbia

19 Kụ ọdi iphoophe inyina ạbughe apuemi oomo ịpheri phọ areelhe phọ ịpe ọdi ạlhem bọ, nyina emitiom ḍien ạḍiseph rꞌarughuenian, kụ nyina iḍighi we aghuḍuul, we iigbia esi Ọmoogh-we Ẹnaan phọ anyina, ịdipho ọdi ạghaaph bọ ịḅeni inyina.”

Faic an caibideil Dèan lethbhreac




Dutoronomi 26:19
21 Iomraidhean Croise  

Ọdi ạkparami ni eelhe phọ ọdi. Pọ kụ ịyaar phọ oomo awe phọ ọdi roboom bọ nyọdi, awe Ịzirel oḍighi bọ ẹekaany esi ọdi. Iboom Ọmoogh-we phọ!


Nyịidipho eru mạar dị nyina kẹnaghanan ni ẹḍogh phọ ạmi, kụ eeko ịyo phọ ạmi, pọ nyina keḍighi ni we ạmi, ịdi eḍighi bọ mị ịsaḅar inyina esi oomo ạbueri phọ awe phọ ạsighe.


Kụ nyina keḍighi ạbuo eelhe ariil ạrikia, ạbuo eelhe aruukuan. Kạaph ịphen phọ ạḅeni we phọ Ịzirel.”


Kighol inyina mọ “Awe Iigbia Phọ Ẹnaan,” “Awe Phọ Ọmoogh-we Phọ Mạphel Bọ.” Kokol Jeruselem mọ, “Ẹmha Dị Ẹnaan Ẹphomoghian,” “Ẹmha Dị Ẹnaan Íkinom.”


Ịdipho anika rạmaar ghan bọ kaḅol esin oye kụ ịdi mị ạwa mọ oomo awe phọ Ịzirel rꞌaJuda uḅol ịmi. Mị uḍighi ịphen phọ ọbo bịdi oḍighi weye ạmi ọḅile ọsighe ḍịseph rꞌarughuenian ọngo ḍien phọ ạmi; kụ ọlo bịdi ịmi ụ́naghanan.”


Ịzirel, nyina iḍighi bụo ạmi bịn; nyina iḍighi we iigbia ạmi. Mị ụngo ghan ịminimiin ạḅile aagulemi tọrotoro oye lọ iḍighi inyina ịyaar lọ ị́nighe. Mị Ọmoogh-we phọ kụ ụghaaph.”


AJeruselem kaḍighi zin iboh, eghuan rꞌoobagaam esi ạmi; kụ tọrobo eelhe sịen aḅirini phọ kekiilaan kụ epiigha mem dị bịdi ọnaghan ịlo igey ạraraar dị mị aḍighinaan weye aJeruselem rꞌedughom mọ mị aruomaan bọ ẹmha phọ.”


Amem mọ retu ni! Mị kạliom bụlo rịkpiloghom inyina; Mị kạtagharan oomo ạbuo ạraagha kụ mị ạsighe bụphe ọrol bọ iiruen arikpisi phọ atighelom. Mị kakiton umugholoor ạbidi eḍighi rughuenian, kụ oomo aḅirini phọ oboom bịdi.


Amem mọ retu ni! Mị kạsighe weye phọ anyina ọwalala bọ atighelom; Mị kaḍighi ịdi nyina kemitiom ḍien oomo aḅirini phọ kụ ạḅile kẹn iḍume inyina.” Ọmoogh-we phọ kụ mạḅem.


Nyina awe phọ aJuda rꞌỊzirel! Mem dị eten aruuruen uronyonaan ghan kụ oniin ạḅeni ghan nyoniin mọ, ‘Guugulaan ịdipho oogulemi bọ Juda rꞌỊzirel!’ Kụ ọlo mị kịphel inyina, kụ aruuruen phọ oniin agbi ghan ọḅeni oniin mọ, ‘Aḍiniin phọ ạḍiseph phọ ẹteeny bọ Juda rꞌỊzirel kụ ẹteeny aani nyịna!’ Kụ iḍighi kụ ịmoogh ọkparam, kékiilaan.”


AMozis rꞌikumoor awe phọ Ịzirel ụto ni ọḅeni we phọ mọ, “Iiko ghan oomo iilogh phọ ịphen mị adoghoḍi bọ ịngo inyina rodon.


“Eru mạar dị nyina ẹnaghanan ni ẹḍogh Ọmoogh-we Ẹnaan phọ anyina kụ eeko ghan iilogh phọ ọdi, ịphen mị ạlogh bọ rịḅeni inyina rodon, pọ Ọmoogh-we Ẹnaan phọ anyina kiphoophe ni inyina apuemi oomo ịpheri phọ areelhe ịsien aḅirini phọ,


Ọmoogh-we phọ kiḍighi ni inyina ikpolom awe; nyina kéḍighi ighiil awe. Nyina eganana emitiom ḍien, nyina kẹ́tol eeḍian ạbunon, dị nyina keeko ni iilogh phọ Ọmoogh-we Ẹnaan phọ anyina, ịpe mị ạlogh bọ ologh ịngo inyina rodon. Igona loor ẹtuugh ghan kụ ẹdaph eḍighinom.


“Ọmoogh-we phọ kimitiom ni inyina agananami nyina eḍighi we iigbia phọ ọdi, ịdipho dị aghunya bọ ịngo inyina, dị nyina eeko ni iilogh Ọmoogh-we Ẹnaan phọ anyina kụ ẹdaph reten phọ ọdi kụ retelhe.


ịdi eḍighi bọ nyina awe iigbia esi Ọmoogh-we Ẹnaan phọ anyina. Mị mịsaḅar inyina ạsighe esi oomo awe phọ ạbuen odi bọ sịen aḅirini phọ aḍighi kịro ọdo awe esi ọdi.


Itu ịsighe inyina ịdipho ạroko aghuḍum ọloghom otu ịiḅereghi aruwaloor. Iḍighi bụpinyon rịkia aruukuan, ẹphinyon ghan rịkia aruwaloor dị Ẹnaan kekol Jịzos Kraist kụ ele ghan,


Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.


Lean sinn:

Sanasan


Sanasan