Dutoronomi 26:18 - Ạḍinya Iigbia

¹⁸ Kụ Ọmoogh-we phọ mạḅem ịlo anyina rodon amitiom mọ nyina awe ọno, abin ọno, ịdipho dị iguanaan bọ inyina, nyina iiko ghan iilogh phọ ọdi.

Dutoronomi 26:18 Iomraidhean Croise

2 Sạmuel 7:24

Kụ nạ aghononomi ạsighe Ịzirel ạloghoma ạsighe aḍighi weye ạna kꞌagee-pọ, kụ nạ Ọmoogh-we kụ Ẹnaan ạbidi.

Ạsuor 119:6

Eḍighi mạar dị mị ạnaghanan oomo ịtooghi phọ ạna bịn ịmi kúseere dọl umugholoor.

Ạsuor 135:4

Ọdi ạsaḅar Jẹkob oḍighi ọlo aloor ọdi, we phọ Ịzirel oḍighi ạbuo ọdi.

Ẹḍua 6:7

Mị kịsighe ni inyina awe phọ ạmi aloghoma kụ mị aḍighi Ẹnaan anyina, kụ nyina egbi olegheri mọ mị kụ Ẹnaan Ọmoogh-we phọ anyina, ọpo ịtagharan bọ inyina ạsighe esi ạdol ạrebene phọ ẹpe Ijipt.

Jerimaya 13:11

Ịdipho anika rạmaar ghan bọ kaḅol esin oye kụ ịdi mị ạwa mọ oomo awe phọ Ịzirel rꞌaJuda uḅol ịmi. Mị uḍighi ịphen phọ ọbo bịdi oḍighi weye ạmi ọḅile ọsighe ḍịseph rꞌarughuenian ọngo ḍien phọ ạmi; kụ ọlo bịdi ịmi ụ́naghanan.”

Lịvitikos 20:26

Nyina iḍighi we aghuḍuul esi ạmi, ịdi eḍighi bọ mị kụ Ọmoogh-we phọ, mị kụ Ẹnaan aruukuan. Kụ iḍighi, kụ mị mịgbatan inyina ạsighe esi ạbueri phọ awe phọ, ọbo nyina eḍighi bụo ạmi.

Zẹfanaya 3:20

Amem mọ retu ni! Mị kạsighe weye phọ anyina ọwalala bọ atighelom; Mị kaḍighi ịdi nyina kemitiom ḍien oomo aḅirini phọ kụ ạḅile kẹn iḍume inyina.” Ọmoogh-we phọ kụ mạḅem.

Bụo aRom 16:26

Kụ nyịidipho mọtuan ịpe ariil phọ Ẹnaan ọge bọ ọsighe igey phọ ịpe phọ omitiom egaan. Ẹnaan phọ rémugh ghan bọ mẹtooghi mọ ọsighe oḍeenaan weye oomo areelhe phọ, pịdi bịdi omeeraam ọḅile ọnaghanan.

Dutoronomi 14:2

loor esi dị nyina awe iigbia kꞌỌmoogh-we Ẹnaan phọ anyina. Ọmoogh-we phọ mịsaḅar inyina aḍighi we phọ ọdi sịphe ogbo oomo areelhe phọ ọdi bọ sịen aḅirini phọ.

Dutoronomi 27:10

Kụ iḍighi ịnaghanan ghan ẹḍogh Ọmoogh-we Ẹnaan phọ anyina, eeko ghan iilogh phọ ọdi rꞌịtooghi phọ ịpe mị ạlogh bọ ologh ịngo inyina rodon.”

Dutoronomi 28:1

“Eru mạar dị nyina ẹnaghanan ni ẹḍogh Ọmoogh-we Ẹnaan phọ anyina kụ eeko ghan iilogh phọ ọdi, ịphen mị ạlogh bọ rịḅeni inyina rodon, pọ Ọmoogh-we Ẹnaan phọ anyina kiphoophe ni inyina apuemi oomo ịpheri phọ areelhe ịsien aḅirini phọ,

Dutoronomi 28:9

“Ọmoogh-we phọ kimitiom ni inyina agananami nyina eḍighi we iigbia phọ ọdi, ịdipho dị aghunya bọ ịngo inyina, dị nyina eeko ni iilogh Ọmoogh-we Ẹnaan phọ anyina kụ ẹdaph reten phọ ọdi kụ retelhe.

Dutoronomi 29:13

ọbo ọdi igananami inyina rodon mọ nyina awe ọno, ọbo ọdi aḍighi Ẹnaan anyina, ịdipho ọdi aghunya bọ esi ạburude phọ anyina, Ebraham rꞌẠizik rꞌạJekob.

Dutoronomi 4:20

kụ nyina awe dị Ọmoogh-we phọ ạtagharan ẹpe Ijipt sịphe aḍiboom ạnian phọ reemor bọ. Ọdi imitiom inyina dị nyina eḍighi we ọdi, ịduon nyina edi bọ rodon.

Dutoronomi 7:6

ịdi eḍighi bọ nyina awe iigbia esi Ọmoogh-we Ẹnaan phọ anyina. Mị mịsaḅar inyina ạsighe esi oomo awe phọ ạbuen odi bọ sịen aḅirini phọ aḍighi kịro ọdo awe esi ọdi.

Tạitos 2:14

Ọdi ạsighe loor ọdi aḍighinom ịyaar aghuḍum ọtagharanam ayira esi oomo ịkaraph, rꞌowophom ayira ọḅaalami, mọ oḍighi bụo ọno bịn, ọmoogh oophugh oḍighinom ghan iiḅi iiḍighi.

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.