Dutoronomi 26:17 - Ạḍinya Iigbia

¹⁷ Rodon nyina meghunya bọ ẹngo Ọmoogh-we phọ, ẹḅem mọ ọdi kụ Ẹnaan anyina, mọ nyina kẹdaph ni reten phọ ọdi etelhe ghan, eeko ghan ịtooghi phọ ọdi rꞌiilogh phọ ọdi rꞌịiruen phọ ọdi, ẹnaghanan ghan ẹḍogh phọ ọdi.

Dutoronomi 26:17 Iomraidhean Croise

Emiighom 28:21

eru mạar dị mị kạḅile ni aḅula kꞌọde phọ ạmi rꞌedughom, pọ Ọmoogh-we phọ kaḍighi ni Ẹnaan ạmi.

2 Krọnikuls 34:31

Ọdi ạmeera atuman ẹko kụ aghir ịyo risigh Ọmoogh-we phọ ọnaghanan ghan ọdi, ọkuami ooko ghan iilogh rꞌịtooghi phọ rꞌoomo ologhi phọ ọdi rꞌuwaloor ọdi, rꞌọtuugh oḍighi oomo oromoghiom mọ ọkpaphariom bọ ịyo phọ, ịdipho ọge bọ sịphe ạḍinya phọ.

Ạsuor 48:14

“Ẹnaan phọ ẹphen phọ kụ Ẹnaan ayira kꞌagee-pọ kꞌagee-pọ. Ọdi kụ kuḍiemiom iyira tụtu ẹteeny kꞌagee-pọ.”

Ẹḍua 15:2

Ọmoogh-we phọ kụ ịnyaam ạmi rꞌạḍuor ạmi; Ọdi kụ ọpelia ạmi. Ọdi kụ Ẹnaan ạmi. Mị kaboom ghan ni nyọdi. Ọdi kụ Ẹnaan ọde ạmi, mị kabagaam ni nyọdi.

Ẹḍua 19:8

Kụ oomo awe phọ ọphagharanaan nyọdi, kụ ọḅem mọ, “Yoor kọtuugh ni ọphagharanaan Ọmoogh-we phọ ạghaaph bọ oḍighi.” Kụ aMozis aḅulemi ịpe awe phọ ạḅeni Ọmoogh-we phọ.

Ẹḍua 20:19

Kụ bịdi ọḅeni Mozis mọ, “Nạ kụ kạaph ghan ụḅeni iyoor, yoor kọnaghanan ni nyịna. Eḍighi mạar dị Ẹnaan kụ ịḅaanaan iyoor, yoor komuughu ni.”

Ẹḍua 24:7

Kụ ọdi ạsighe ḍịnya ịyo phọ, ḍịphe ọge bọ ịto Ọmoogh-we phọ, kụ ạal ạḅeni weye phọ. Kụ bịdi ọphagharanaan mọ, “Yoor kọnaghanan ni Ọmoogh-we phọ ọḅile oḍighi oomo ịlo ọdi mạto.”

Azaya 12:2

Ẹnaan kụ ọpelia ạmi; mị kaḍuom ologhi nyọdi kụ káapuph. Ọmoogh-we phọ rụngo ghan ịmi ịikpo rꞌịnyaam; ọdi kụ ọpelia ạmi.

Azaya 44:5

“Oniin atum nyoniin, awe kọḅem ni mọ ‘Mị ọlo Ọmoogh-we phọ.’ Bịdi kotu ọḅophan rꞌawe phọ Ịzirel, Tọrobo oye kạge ḍien Ọmoogh-we phọ ẹgba ạḍighaagh ọdi kụ akola mọ ọno oniin oye Ẹnaan.”

Zẹkaraya 13:9

Ḅịle kẹn, mị kạdegh ni apogh bin phọ ạmuphe asugha bọ kụ mị aselemi bịdi ịdipho rọsighe ghan bọ nịan koselemiom silva. Mị kạkar ri apogh bịdi ịdipho ropogh ghan bọ gol. Kụ bịdi ogbi ọoḅereghi ghan ọngo ạmi, kụ mị kạpagharanaan ghan ni bịdi. Mị kạḅeni ni bịdi mọ bịdi awe ạmi ni, ḅịle kẹn bịdi kọkaaph ghan ni omitiom mọ mị kụ Ẹnaan phọ ạbidi.”

Iiḍighi 27:23

ịdi eḍighi bọ, ḍughul phọ ạḍien ẹḅaal bọ rodon, ọokpaany Ẹnaan phọ ẹpe ịmoogh bọ ịmi kụ mị raaseeny ghan bọ aru ni ạmeera ịigaany ạmi.

Bụo aRom 6:13

Kémeera mun ẹḅogh rꞌeniin esi aloor anyina ẹngo mọ ịkaraph ẹsighe eḍighinom ịlo ị́nighe. Ịḅogh ghụn loor phọ anyina ẹngo Ẹnaan, ịdipho awe dị mosi ni kụ origheel. Rꞌesi aloor anyina kísugha ọngo Ẹnaan, ọbo ọdi ạsighe aḍighinom ịpe ẹnighe bọ!

2 Bụo ạKorint 8:5

Ipeeliom ni ịpe yoor ọotughian bọ. Bịdi ụphur ri ọkuom loor phọ ạbidi Ọmoogh-we phọ, kụ ogbi bọ osoman aani ạmi ịdipho Ẹnaan ẹto bọ.

Dutoronomi 13:18

eru mạar dị nyina kẹnaghanan ghan ẹḍogh Ọmoogh-we Ẹnaan phọ anyina kụ eeko ghan oomo iilogh phọ ọdi ịpe mị ạlogh bọ rịngo inyina rodon kụ reḍighi ghan ịpe eseleman bọ, eru bọ ịne riḍien Ọmoogh-we Ẹnaan phọ anyina.

Dutoronomi 15:5

Eru mạar dị nyina esereghian ni kụ rẹnaghanam ni ẹḍogh phọ Ọmoogh-we Ẹnaan phọ anyina; eru mạar dị nyina esereghian ni kụ rẹdaph ni iilogh phọ ịphen mị ạlogh bọ rịngo inyina ḍio phọ arodon;

Dutoronomi 27:10

Kụ iḍighi ịnaghanan ghan ẹḍogh Ọmoogh-we Ẹnaan phọ anyina, eeko ghan iilogh phọ ọdi rꞌịtooghi phọ ịpe mị ạlogh bọ ologh ịngo inyina rodon.”

Dutoronomi 29:12

Oomo phọ anyina rꞌỌmoogh-we phọ kụ kekiran bọ ni ịyo phọ Ọmoogh-we Ẹnaan phọ anyina rꞌanyina rekiran bọ rodon,

Dutoronomi 30:16

Mị ụtuan ịphen phọ kụ ạlogh bọ iilogh phọ ịngo inyina ḍio phọ aḍien arodon phọ mọ ịpomoghian Ọmoogh-we Ẹnaan phọ anyina, ẹdaph ghan reten phọ ọdi kụ erelhe ghan, eeko ghan iilogh phọ, ịtooghi phọ, rꞌịiruen phọ ọdi, ọbo nyina ẹrol ẹmaraghian, ọbo Ọmoogh-we Ẹnaan phọ anyina ịseph inyina ẹpe ade phọ nyina rekeel bọ ọmoogh.

Josua 22:5

Ịmaar ẹphama siloor anyina eeko ghan iilogh phọ rꞌologh phọ ọpo aMozis otelhedom mọ Ọmoogh-we phọ ạlogh bọ ịngo inyina. Ịpomoghian Ọmoogh-we Ẹnaan phọ anyina, erelhe ghan oomo areten phọ ọdi, ẹḅile eeko iilogh phọ ọdi, eḍighom nyọdi rꞌooseeny ọdi rꞌoomo ologhi rꞌaruwaloor phọ anyina.”

Josua 24:22

Kụ aJosua ạḅeni we phọ mọ, “Nyina kụ mẹgbaanaan ni loor anyina ịpe eru bọ ịne mọ nyina mẹsaḅar Ọmoogh-we phọ, mọ nyina keeseeny ghan nyọdi.” Kụ bịdi ọḅeni nyọdi mọ, “Yoor kụ kọgbaanaan ni loor ayoor ịpe eru bọ ịne.”