Dutoronomi 26:15 - Ạḍinya Iigbia

¹⁵ Tọl sịphe ạdol iigbia phọ ạna ẹpe kꞌạke aphogh ude, ạseph we phọ ạna Ịzirel rꞌade phọ ạḍiphe nạ ụngo bọ iyoor, ḍịphe nạ aghunya bọ ạngo bụrude phọ ayoor, de ẹetool rꞌọninom.’

Dutoronomi 26:15 Iomraidhean Croise

1 Ạbudaam 8:27

“Kụ keḍighi ni ịdi Ẹnaan katugh sịen aḅirini phọ ḍụghum? Ạke phọ rꞌokuaḍio phọ nyịna káḍigh. Kụ ọphon phọ, Otu phọ ọphon mịna ạlogh bọ kụ ạmanam ghan eeghe ịyaar?

1 Ạbudaam 8:43

tọl sịphe amarugh phọ ạna ẹpe kꞌạke ạnaghan, ạdaph oomo phọ ịpe ooruen phọ ạtu bọ kụ ạmagh nyịna, ẹrol dị oomo awe ịsien aḅirini phọ olegheri nyịna, oghiilaan nyịna, ịdipho awe phọ ạna Ịzirel roḍighi ghan bọ; ọbo bịdi olegheri mọ ughol ḍien phọ ạna kụ ọlogh bọ otu phọ ọphon.

2 Krọnikuls 30:27

Ạbupinyon phọ rꞌạbuo aLivai phọ ọlom ḍịseph Ọmoogh-we phọ ọteeny awe phọ. Ẹpe ạdol phọ ọdi kꞌạke, Ẹnaan ịnaghan ni ịiḅereghi phọ ạbidi kụ ẹsighe bịdi.

Ạsuor 28:9

Pẹl we phọ ạna, Ọmoogh-we, kụ ạseph bụphe oru bọ bụo kꞌạna. Ḍighi okoriom ạbidi ạḅile aphogh bịdi kꞌagee-pọ.

Ạsuor 51:18

Ẹnaan, nmạ ighirigiir Zạyon kụ ạphel nyọdi; ḅịle ạmeremi iikpe oghoony phọ aJeruselem.

Ạsuor 68:5

Ẹnaan, ọpo odi ghan bọ ologhi Otu iigbia phọ ọdi, ạmaar ghan rạpam bụnyigo ạnmuny kạḅile ạmaar aphogh rukpukele ạnmariir,

Ạsuor 80:14

Kiton uphogh iyoor, Ẹnaan Oomo Ịikpo. Tọl ẹpe kꞌạke uphogh iyoor. Tue ạphel we phọ ạna.

Ạsuor 80:15

Tue ạmaar aphogh oozin agrep phọ nạ ạzuph bọ, ẹnum oozin phọ nạ aḍighi bọ ịdi ạnuun aḍum.

Ạsuor 90:17

Ọmoogh-we Ẹnaan ayoor, meera ạḍiseph phọ ạna ẹrolan rꞌayoor; ụngo iyoor edughom oomo ịlo yoor oḍighi.

Azaya 57:15

“Mị kụ Ọkar Egbogh Ẹnaan Iigbia phọ, ọpo odi bọ kꞌagee-pọ. Mị atugh esi iigbia dị ephoph, kụ mị ạḅile odianan rꞌawe lọ osooromi loor kụ ọwile yogh oḍighi ịkaraph, ọbo mị aḅulemi omeeraam rꞌoḍuom ologhi ạbidi.

Azaya 61:1

Ọkar Ogbogh Ọmoogh-we phọ mamuzeḍi loor ạmi uwaloor phọ ọdi. Ọdi mụsaḅar ịmi kụ urom ịmi Oruomaan ooḅi ọghaaph rukulom mọ, Ọngo oḍuom ologhi bụphe iloghi phọ eḅonyonu bọ, Ọghaaph omitiom mọ bụlo ọrol ikoli ẹgham ọmoogh ni ẹereegh Kụ ọtagharan bụlo odi ruutu ikoli.

Azaya 63:15

Ọmoogh-we, tọl kꞌạke kụ uphogh iyoor, ẹpe nạ odi ghan bọ rꞌiigbia rꞌeegu phọ ạna. Odi ẹghen oseere ologhi phọ ạna esi ayoor? Ịikpo phọ ạna edi ẹghen? Edi ẹghen ẹphomoghian phọ ạna rꞌigbiririph phọ ạna? Kụ́ḅitonaan iyoor.

Jerimaya 31:23

Ọmoogh-we Egbogh Ẹnaan phọ Ịzirel ạḅem, “Mem dị mị ạḅile aḅulemi weye phọ sịphe ade phọ ạbidi, bịdi kọḅile ni ọḅem sịphe ade phọ aJuda rꞌịsiphe ạramha phọ ọdi mọ, “‘Ọmoogh-we phọ ạseph ni eegbolom iigbia phọ aJeruselem, esi iigbia phọ ọdi odi ghan bọ.’

Zẹkaraya 2:13

Tọrotoro oye aḅoorian ghisigh Ọmoogh-we phọ, loor esi dị ọdi katu sịphe ạdol iigbia phọ ọdi atugh.

Matiu 6:9

Ịiḅereghi ghan ịduon mọ, “‘Ọde phọ ayoor odi bọ kꞌạke phọ, eegu ẹrolonaan ḍien phọ ạna!

Iiḍighi 7:49

“‘Ạke phọ kụ ạgada ọdaam ẹmha phọ ạmi, ade phọ kụ ịkasi ọkpasaghiom aruwol phọ ạmi. Eeghe ọdo otu kụ ọdi nyina kịlhoghonaan bọ ịmina, kụ iḍighen kụ keḍighi esi ophooghian phọ ạmina?

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 26:14

Mị kọ̋ḅaram ghan muniin abin mọ ạmuphe esi aḍioph asibin phọ óliom, mem lọ mị odi esi ọto. Mị kọ̋sighe ghan kẹn muniin abin mem lọ mị ụ́ḅaal, mị kọ̋sighe ghan kẹn muniin abin ạphighoronaan ạngo bụlo úlho. Mị ạnaghanan ni ẹḍogh Ọmoogh-we Ẹnaan phọ ayoor, kụ mị ạdaph ni oomo iilogh phọ ịpe ọdi ạlogh bọ ụngo iyoor kụ raḍighi ghan.

Dutoronomi 26:7

Kụ yoor omoghi osumeriom Ọmoogh-we Ẹnaan ạburude phọ ayoor, kụ Ọmoogh-we phọ ạnaghan ẹḍogh phọ ayoor, kụ akiton aphogh ịminimiin phọ ayoor rꞌarukumuan phọ ayoor rꞌạdol ạrebene phọ.

Dutoronomi 26:9

Kụ ọdi ụsighe iyoor asiemi ẹphen phọ, kụ ụngo iyoor de phọ ạḍien, de ẹetool rꞌọninom.

Dutoronomi 6:3

Ịnaghan, nyina awe Ịzirel, igona siloor anyina ẹtuugh ghan ịphen phọ kụ eḍighi ghan, ọbo ịnighenom inyina, ẹmaar emuzeḍi, ịdipho Ọmoogh-we Ẹnaan phọ ạburude phọ iguanaan bọ inyina, ẹpe ade ẹetool rꞌọninom.