Dutoronomi 26:14 - Ạḍinya Iigbia

¹⁴ Mị kọ̋ḅaram ghan muniin abin mọ ạmuphe esi aḍioph asibin phọ óliom, mem lọ mị odi esi ọto. Mị kọ̋sighe ghan kẹn muniin abin mem lọ mị ụ́ḅaal, mị kọ̋sighe ghan kẹn muniin abin ạphighoronaan ạngo bụlo úlho. Mị ạnaghanan ni ẹḍogh Ọmoogh-we Ẹnaan phọ ayoor, kụ mị ạdaph ni oomo iilogh phọ ịpe ọdi ạlogh bọ ụngo iyoor kụ raḍighi ghan.

Dutoronomi 26:14 Iomraidhean Croise

Ạsuor 106:28

Kụ ẹpe Pior, awe Ẹnaan ọḅophan ooseeny Baal kụ olhe ẹkia dị ọphighiron ọngo ịkaaneen ạraraar dị ghuḍum ị́moogh.

Ạsuor 18:22

Mị maako ni oomo iilogh phọ ọdi; mị ụ́ḅaar ẹmhu esi ịtooghi phọ ọdi.

Jerimaya 16:7

Oye kálian eḍien mụghumo ọphughol amiim rꞌọnon oye esi ọodereghiom ọdi mem lọ oye ẹphomoghian ọdi amugh. Oye kạ́nma ighirigiir ghạlamo rꞌoye lọ ọde phọ mꞌonhiin phọ amugh.

Izikiel 24:17

Awe kụ́naghan dị nạ raḍurogh izon ịlo emoghi. Kạ́ki esi rꞌoopho ẹmhu mꞌoopho ẹda esi oḍeenaan ọto. Kápua ghisigh ạna mꞌolhe eḍien phọ ẹpe ạbuo ọto role ghan bọ.”

Hosia 9:4

Ẹpe iiruen areelhe phọ ịpe, bịdi kótue ọsighe ruunmo amiim otuomaan Ọmoogh-we phọ, ḅịle ọpinyonaan rịkia phọ ạbidi ọngo nyọdi. Tọrobo ọlo alhe eḍien ạbidi, pọ mạapuan loor mụdi alhe eḍien esi amaḍi. Kẹpoomiom ọkoony phọ bịn, rꞌeniin kẹ́tol dị kọsighe ọkimom Otu Ịiḅereghi phọ ọngo Ọmoogh-we phọ.

Lịvitikos 21:1

Ọmoogh-we phọ ạḅeni Mozis mọ ạḅeni nmụny phọ Eeron ạbupinyon rịkia phọ mọ, “Mị úmeera mọ oyil ạrikia ạapuan ghan loor esi oḍighi ạraraar amaḍi mem dị ọnyo asiya amugh,

Lịvitikos 21:11

Mị kụ Ọmoogh-we phọ. Eghoony iigbia phọ ọsagharan bọ mụnum-ịko phọ ạmi edi ẹmhu ọdi. Ọdi kụ́ḍua ghan sịphe Ẹphan phọ. Ḅịle kẹn, kụ́ubeeph ghan esi lọ ọmuneen oḍim ạapuan loor ọdi, kụ́tuan ọde ọdi mꞌonhiin ọdi.

Lịvitikos 7:20

Tọrobo oye dị ụ́zala ụ́ḅaal kụ ale aani ịyaar aghuḍum ẹboroph phọ, pọ awe ọdi oroph ghan nyọdi ogbeph omutonaan nyọdi.

Malakai 2:13

Ẹphen ẹnon ịyaar dị nyina reḍighi ghan. Nyina mẹsighe izin anyina bịn emuzeḍiom ọgbanaghi Ọmoogh-we phọ; nyina remoghi ghan keḅeleghu loor esi dị ọdi rạ́sighe mun inmo lọ nyina ẹngo nyọdi.

Dutoronomi 13:5

Ikiigh oyil-uḍien phọ ọpo phọ mꞌọmalhaam rạmalha phọ ọpo phọ, ịdi eḍighi bọ dị rạkaaphogh ghan ịphen phọ ịlo nyina kẹbile Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt, ịtagharan inyina ạsighe esi ạdol ạrebene phọ, ịlo nyina kẹbile reten phọ ịpe Ọmoogh-we Ẹnaan phọ anyina ạlogh bọ ologh ịngo inyina mọ itelhe ghan phọ, ọbo nyina ẹwile oḍighi ghan ịkaraph sịphe ogbo phọ anyina.

Dutoronomi 15:5

Eru mạar dị nyina esereghian ni kụ rẹnaghanam ni ẹḍogh phọ Ọmoogh-we Ẹnaan phọ anyina; eru mạar dị nyina esereghian ni kụ rẹdaph ni iilogh phọ ịphen mị ạlogh bọ rịngo inyina ḍio phọ arodon;

Dutoronomi 16:11

Kụ ẹrol ghan egbodo Ọmoogh-we Ẹnaan phọ anyina ẹmoogh iboh, nạ rꞌạnmuny ạna rꞌạnmanyaan ạna rꞌạrebene ạna, alephiri rꞌạnmariir, rꞌạbuo aLivait phọ odi bọ sịphe ạramha phọ anyina, ruuruen phọ, ịnyigo ạnmuny phọ rꞌarukpukele ạnmariir phọ, bụphe rꞌanyina edi bọ sịphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 26:13

Kụ ạghi egbodo Ọmoogh-we Ẹnaan phọ ạna ạḅeni mọ, ‘Mị mạsighe bin iigbia phọ sịphe kꞌạmi ạsighe ạngo kꞌạbuo aLivait phọ rꞌaruuruen phọ rꞌịnyigo ạnmuny phọ rꞌarukpekele ạnmariir phọ. Mị ạdaph ni oomo iilogh phọ ịpe nạ ạlogh bọ ụngo iyoor. Mị ụ́ka rꞌoniin ologh sịphe iilogh phọ, ḅịle kẹn mị úbula iilogh phọ.

Dutoronomi 26:15

Tọl sịphe ạdol iigbia phọ ạna ẹpe kꞌạke aphogh ude, ạseph we phọ ạna Ịzirel rꞌade phọ ạḍiphe nạ ụngo bọ iyoor, ḍịphe nạ aghunya bọ ạngo bụrude phọ ayoor, de ẹetool rꞌọninom.’