Dutoronomi 26:13 - Ạḍinya Iigbia

¹³ Kụ ạghi egbodo Ọmoogh-we Ẹnaan phọ ạna ạḅeni mọ, ‘Mị mạsighe bin iigbia phọ sịphe kꞌạmi ạsighe ạngo kꞌạbuo aLivait phọ rꞌaruuruen phọ rꞌịnyigo ạnmuny phọ rꞌarukpekele ạnmariir phọ. Mị ạdaph ni oomo iilogh phọ ịpe nạ ạlogh bọ ụngo iyoor. Mị ụ́ka rꞌoniin ologh sịphe iilogh phọ, ḅịle kẹn mị úbula iilogh phọ.

Dutoronomi 26:13 Iomraidhean Croise

Ạsuor 119:139

Ophin ologhi raamor ghan sịen aloor phọ ạmi ịdipho ạnian, loor esi dị ạbumulogh-ḍien ạmi ụ́maghami ịyaar ịtooghi phọ ạna.

Ạsuor 119:141

Mị oghiil oye dị mọḅitonaan, kụ ọlo, mị úkel ịtughemi phọ ạna.

Ạsuor 119:153

Mịin ịminimiin phọ ạmi kụ ụphel aani ịmi, loor esi dị mị kősoor ghan ologh phọ ạna.

Ạsuor 119:176

Mị rayeela ịdipho oyool-ọga dị aphe. Esi ịduon phọ tue ụwa ịmi oye arukumuan phọ ạna, loor esi dị mị kősoor iilogh phọ ạna.

Ạsuor 119:93

Mị kákel ịtooghi phọ ạna, loor esi dị ụtuan bịdi kụ ẹdi nạ ruseere bọ ịmi eye phọ.

Ạsuor 26:6

Ọmoogh-we, mị maatola rạghaagh ạmi aḍeenaan nyịna mọ mị úlegheri aani mị ạḅile ratelhe ghan kakitonom enmeny ịyaar aghuḍum mọ ạna.

Asidogh 3:1

Mọony ạmi, kábula ịlo mị ạtughemi nyịna. Oomo amem tụutughian oḍighi ịlo mị ạḅeni nyịna oḍighi.

Iiḍighi 24:16

Ịduon kụ iḍighi kụ oomo phọ amem mọ mị rạwa ghan bọ oḍighi ghan igey ghisigh Ẹnaan rꞌaweye.

2 Bụo ạKorint 1:12

Ẹphen kụ ịyaar phọ yoor robomaam bọ: ịitughian phọ ayoor ịḅeni ni iyoor ekuphom owol mọ ophooph ologhi dị iguegue ụ́ḅaram rꞌọnma ighirigiir phọ Ẹnaan, kólegheri ịyaar awe, kụ rẹtooghiom bọ eḍighinom ịyaar phọ ayoor sịen aḅirini phọ ḅịle rꞌọkaraghi asiya phọ yira osian bọ.

2 Bụo ạKorint 11:31

Ẹnaan rꞌỌde phọ ạJizos Ọmoogh-we phọ, ẹpe ạḍiseph edianaan bọ ḍien phọ ọdi kꞌagee-pọ, elegheri ni mọ mị ọkpe rạ́gba.

Dutoronomi 14:29

Kụ bụo aLivait phọ, loor esi dị bịdi úpin aani bin ḅịle kẹn ụ́moogh aani bin ẹmoogh phọ ịdipho anyina, rꞌaruuruen phọ, rꞌịnyigo ạnmuny phọ rꞌarukpekele ạnmariir phọ, bụphe odi bọ sịphe ạramha phọ anyina, bịdi oru ọsighe olhe aani ẹpher bịdi, ọbo Ọmoogh-we Ẹnaan phọ anyina ạseph oomo arukumuan phọ anyina ịpe nyina ẹsighe bọ rạghaagh phọ anyina kụ ekumuanam.

Dutoronomi 26:12

“Mem lọ nạ mạkpeeghi ạmadan muniin abin esi aḍioph asibin phọ; esi oomo ịpe ariḍien phọ ạna esoor bọ esi ịraar ạsia, (ḍịphe kụ ạlha phọ nyina kẹkpe ghan bọ muniin abin sịphe aḍioph asibin phọ), sịghe ghan ạngo bụo aLivait phọ rꞌaruuruen phọ rꞌịnyigo ạnmuny phọ rꞌarukpukele ạnmariir phọ, bịdi ọrol ghan sịphe ạramha phọ anyina olhe ghan ẹpher.

Dutoronomi 26:14

Mị kọ̋ḅaram ghan muniin abin mọ ạmuphe esi aḍioph asibin phọ óliom, mem lọ mị odi esi ọto. Mị kọ̋sighe ghan kẹn muniin abin mem lọ mị ụ́ḅaal, mị kọ̋sighe ghan kẹn muniin abin ạphighoronaan ạngo bụlo úlho. Mị ạnaghanan ni ẹḍogh Ọmoogh-we Ẹnaan phọ ayoor, kụ mị ạdaph ni oomo iilogh phọ ịpe ọdi ạlogh bọ ụngo iyoor kụ raḍighi ghan.

1 Bụo ạTesalonika 2:10

Nyina rꞌẸnaan elegheri ni, ịdi ạroozo phọ yoor ịzoom bọ inyina ạbuphe memeeraam bọ eeleeny ni, ọpioman ụ́tol, ḅịle ịyaar ị́biph.