Dutoronomi 26:11 - Ạḍinya Iigbia

¹¹ kụ ạmoogh ọḅaal ologhi, aboom oomo igey ạraraar phọ ịpe Ọmoogh-we Ẹnaan phọ ạna ạngo bọ nyịna, nạ rꞌọto kꞌạna rꞌaLivait phọ, rꞌaruuruen phọ rꞌạna erughan bọ.

Dutoronomi 26:11 Iomraidhean Croise

Nehemaya 8:10

Nyịidipho, ikeel ologhi otu ẹmoogh malhe, edi ẹngo aani bụlo ịyaar ụ́moogh. Arodon aḍio iigbia Ọmoogh-we phọ ayira, kụ oye kúkururu. Iboh phọ ịpe Ọmoogh-we phọ rịngo ghan bọ inyina kịkparami ni inyina.”

Ọtughemia Phọ 3:12

Esi ịduon phọ mị ạmiin mọ oomo ịdi yira koḍighi, ọmoogh ghan ọḅaal ologhi rꞌoḍighi ghan ịlo yira kotue sịen yira odi bọ eye phọ.

Ọtughemia Phọ 3:13

Ẹkpe ni dị oomo ayira kole ghan, ọpughol, ọmoogh ọḍe esi ịpe yira mokumuan bọ ọmoogh. Eḍighi ni inmo kꞌẸnaan.

Ọtughemia Phọ 5:18

Ịphen ịdi mị mạwa amitiom: ọkar egey ịyaar dị oye kaḍighi, olhe rꞌọphughol kụ ọghelom aruphua phọ ịpe ọdi makumuan bọ ạmoogh esi ekulha amem mọ Ẹnaan mẹngo bọ nyọdi: ọphon kụ amaazuan phọ oye.

Ọtughemia Phọ 7:14

Mem dị rẹnighenaan nyịna, ḅạal ologhi, kụ mem dị ịiḅaghami eru, kịom ologhi bịn: Ẹnaan ẹḅar ri ọḅaal ologhi rꞌịiḅaghami kụ rẹngo ghan. Nạ ólhegheri ịlo kẹḅile emite.

Azaya 65:14

Bịdi kọmoor sụor iboh, kụ ọlo nyina kemoghiom rꞌokururu.

Zẹkaraya 9:17

Ẹpe eeghia ẹnighe dị ade phọ kẹnighe! Ugheel ạnmuny phọ kọmoogh ni ịikpo esi olhe ghan ịbiakpa ade phọ rꞌọphughol amiim ade phọ.

1 Bụo ạKorint 9:11

Yoor mọzuph ịizupha aruwaloor sịphe iloghi phọ anyina. Ẹpughan ni dị yoor kole aani ịyaar anyina ḍụghum?

Dutoronomi 12:12

Nyina ebo ghan egbodo Ọmoogh-we phọ Ẹnaan phọ anyina, nmụny anyina rꞌạnmanyaan anyina, nmụny-otu anyina rꞌạnmanyaan-otu anyina, rꞌạbuo aLivait phọ ituman bọ inyina, loor ịdipho bịdi ụ́moogh aani bọ ẹku mꞌabin kẹn.

Dutoronomi 12:18

Ịtol ghan egbodo Ọmoogh-we Ẹnaan phọ anyina kụ ele, esi phọ ẹpe Ọmoogh-we Ẹnaan phọ anyina azua bọ, nyina rꞌạnmuny anyina rꞌạnmanyaan anyina, ạnmuny-otu anyina rꞌạnmanyaan-otu anyina, rꞌạbuo aLivait phọ; kụ ẹmoogh iboh, ebo ghan sịphe egbodo Ọmoogh-we Ẹnaan phọ anyina, oomo ịpe nyina ẹsighe bọ rạghaagh anyina kụ eḍighinom.

Dutoronomi 12:7

Ịsiphe phọ kụ esi dị nyina rꞌọto anyina kẹtol ghan egbodo Ọmoogh-we Ẹnaan phọ anyina kụ ele ghan ẹmoogh iboh esi oomo ạraraar phọ ịpe ẹsighe bọ rạghaagh anyina kụ eḍighinom, ịdipho Ọmoogh-we Ẹnaan phọ anyina ịseph bọ inyina.

Dutoronomi 16:11

Kụ ẹrol ghan egbodo Ọmoogh-we Ẹnaan phọ anyina ẹmoogh iboh, nạ rꞌạnmuny ạna rꞌạnmanyaan ạna rꞌạrebene ạna, alephiri rꞌạnmariir, rꞌạbuo aLivait phọ odi bọ sịphe ạramha phọ anyina, ruuruen phọ, ịnyigo ạnmuny phọ rꞌarukpukele ạnmariir phọ, bụphe rꞌanyina edi bọ sịphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 27:7

Ịpighironaan ghan sịphe phọ ẹkia ẹboroph kụ ẹrol ghan sịphe phọ kụ ele; ẹrol ghan sịphe esomanan egbodo Ọmoogh-we Ẹnaan phọ anyina ẹmoogh ọḅaal ologhi rꞌibo,

Dutoronomi 28:47

ịdi eḍighi bọ nyina ị́sighe ọḅaal ologhi rꞌogey ologhi kụ reeseenyom ghan bọ Ọmoogh-we Ẹnaan phọ anyina loor ẹeḍiom mọ anyina emuza bọ.

Bụo aFilipai 4:4

Iboh ghan esi Ọmoogh-we phọ oomo amem. Mị ạḅile ni rạḅem mọ iboh ghan ni.