Dutoronomi 26:10 - Ạḍinya Iigbia

¹⁰ Kụ iḍighi kụ mị mạsighe ịḅel iimuma ịsiphe ade phọ nạ Ọmoogh-we phọ ụngo bọ ịmi atumom.’ “Sịghe ọkpa phọ aseere ude esomanan Ọmoogh-we Ẹnaan phọ ạna, kụ ạaḅereghi sịphe egbodo Ọmoogh-we Ẹnaan phọ ạna,

Dutoronomi 26:10 Iomraidhean Croise

1 Krọnikuls 29:14

“Ghạlamo rꞌịduon phọ, awe ạmi rꞌạmi kótue ọkaraghi ọngo nyịna ịyaar loor esi dị oomo ạraraar aruunmo kꞌạna, yoor moḅulemi ịpe eḍighi bọ ni ịlo ạna.

Ạsuor 22:27

Oomo areelhe phọ kọotughian ni Ọmoogh-we phọ, kụ oḅula oḍighom nyọdi, ḅịle oomo arughunughun phọ kọoḅereghi ghan nyọdi.

Ạsuor 22:29

Oomo abu-iḅo igbogh phọ kokpuḍian ni ọoḅereghi nyọdi; oomo awe dị kọḅor ri kokpuḍian risigh ọdi.

Ạsuor 86:9

Oomo areelhe phọ ịpe nạ mạlhem bọ kotu okpuḍughian risigh ạna; bịdi koboom igbogh phọ ạna.

Ạsuor 95:6

Itu okpuḍian ọoḅereghi nyọdi, okpuḍian egbodo Ọmoogh-we phọ ọpo ụlhem bọ iyira.

Ẹḍua 22:29

“Káakpukian ọngo ạmi ịḅel iimuma sịphe ịbiakpa phọ ạna, rꞌamiim mọ ạna, rꞌạmunum mọ ạna. “Ụngo ịmi ịkpana ạnmuny phọ ạna.

Ẹḍua 23:19

“Tọrotoro ạlha ịsighe ghan ọḅel ọbiakpa lọ nyina ẹku eru sịphe otu Ọmoogh-we Ẹnaan phọ anyina. “Kémiim ghan mạmaam onhiin ọga phọ kụ ẹsaam mọony oyool-ọga mꞌạtu-ọga phọ.

Asidogh 10:22

Ạḍiseph Ọmoogh-we phọ kụ ẹdi rẹngo ghan oye ẹelha; iboom arukumuan kéḍume nyịna iboom.

Asidogh 3:9

Ngọ Ọmoogh-we phọ ịkar igeny ibugha ịsiphe ozo phọ ạna aghueniom nyọdi.

Azaya 66:23

Tọrobo ẹyaal omoom ụnwanyu rꞌạtorobo aḍio ophooghian, awe areelhe kịrokiro kotu uuseeny ịmi sịen Jeruselem,” Ọmoogh-we phọ kụ ạḅem.

Bụo aRom 2:1

Ọyaghiri, nạ rạḍagha ghan ni bụnon awe ḍụghum? Tọrobo oye lọ nạ aru, ịyaar oghol kụ ọsar ọwilenaan ạna ílho. Kemeel li ephum nyịna lọ nạ ụ́bile oḍighi aani ghan ekpo phọ ẹpe nạ aghol bọ kụ rạḍagha bọ bụnon awe.

1 Bụo ạKorint 10:31

Kụ mị ạpagharanaan ạḅeni we mọ, “Tọrobo ịlo nyina eḍighi, mꞌamale ḅịle mꞌịpughol, iḍighi ghan oomo phọ ịne eghueniom Ẹnaan.

Dutoronomi 18:4

ịḅel iimuma ịbiakpa phọ, rꞌamiim avain phọ, rꞌạmunum mọ anyina, rꞌozu oyool-ọga phọ anyina kụ ịdi nyina kẹngo bịdi,

Dutoronomi 26:17

Rodon nyina meghunya bọ ẹngo Ọmoogh-we phọ, ẹḅem mọ ọdi kụ Ẹnaan anyina, mọ nyina kẹdaph ni reten phọ ọdi etelhe ghan, eeko ghan ịtooghi phọ ọdi rꞌiilogh phọ ọdi rꞌịiruen phọ ọdi, ẹnaghanan ghan ẹḍogh phọ ọdi.

Dutoronomi 26:2

ịsighe ghan iniin sịphe oomo ịḅel iimuma phọ anyina, ịpe nyina ebugha bọ sịphe ade phọ Ọmoogh-we Ẹnaan phọ anyina rịngo bọ inyina, ịsighe ghan ẹlhogh ọkpa ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 26:4

“Kụ oyil ạrikia phọ kiseere ni inyina ọkpa phọ sịphe ẹmha phọ ạna, kụ ạsighe ạḅam ạnyu enmeny ạrikia phọ Ọmoogh-we Ẹnaan phọ ạna.

Dutoronomi 8:18

Ịitughian ghan Ọmoogh-we Ẹnaan phọ anyina. Ọdi kụ ịngo bọ inyina ịikpo kụ nyina ẹmoogh bọ ẹelha phọ. Ọdi ạtuan ogananami ịyo phọ ọdi, ịpe ọdi aghunya bọ esi ạburude phọ anyina, ịdipho edi bọ kꞌarodon.

Ogonanami Phọ 22:9

Kụ ọdi ụḅeni ịmi mọ, “Káḍighi ịduon. Sịphe oḍighi phọ, mị kụ ọḅarama ạna rꞌạbuo asiya phọ ạna oḍighi bọ riil phọ rꞌoomo ạbuphe ọnaghanan bọ ikpo ọnhu ạḍinya phọ ạḍien. Seeseeny ghụn Ẹnaan.”