Dutoronomi 24:7 - Ạḍinya Iigbia

⁷ “Eru mạar dị nyina esiph oye dị ami oniin umor ọdi sịphe awe phọ Ịzirel kụ rạkpiloghom dịadi ẹbene, mụghumo ạsighe kụ aal, pọ ikiigh ọḅa phọ ọpo.

Dutoronomi 24:7 Iomraidhean Croise

Job 24:3

Bịdi rọsighiogh ghan ịnam adool ạbunyigo, kọḅile ọpham nạm oḍighi ekpukele ạnir tụtu ạnir phọ ạkpe ịikpia ọdi.

Job 24:9

Ịkaraph awe rọsighe ghan bụnyigo ạnmuny koḍighi rẹbene, kọḅile ọsighe nmụny uwekulom mọ kọkpiom ọmugh.

Ẹḍua 21:16

“Oye lọ asiph ọnon oye mꞌaal mꞌoseere ẹbene, pọ kokiigh ni.

Izikiel 27:13

Nạ umuul ḍighi ẹpe Gris, Tubal rꞌạMesek kụ aanmenenom rạraar ạna rẹbene rꞌạraraar enaba.

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Dutoronomi 17:7

Kụ awe phọ ạbuphe ọmiin bọ kụ ọgba bọ kụ ọphur ọsighe rạghaagh ạbidi ọsighe ikpo oroph oye phọ ọpo kokiigh bọ, kụ aḍita ạbueri phọ awe phọ ogbi ozuom oroḅol aani ikpo. Ịphen kụ keḍighi ịdi ạsipioghom kekunughian ogbo anyina.

Dutoronomi 19:19

Pọ ịtuugh ịpe ọdi agbiighiom bọ mọ oḍighi umor phọ ọdi, eḍighi nyọdi. Iḍighi ghan ịduon ọbo ịkaraph ekunughian sịphe ogbo phọ anyina.

Dutoronomi 24:6

“Oye kụ́sighe ghan odo phọ ọpo rokumom ghan bọ eḍien mụghumo etubuo phọ ụ́pagh; ịdipho phọ, pọ ọdi ạsighe ghuḍum oye kụ ạpagh.

1 Timoti 1:10

rꞌạbuo ipesi, rꞌạbuminian rịiniom, rꞌạbuo isiphian awe, rꞌạbugbaam ọkpe, rꞌạbulo ọpiom ọphuo, rꞌoomo ạbulo roḍighi ghan ịlo ẹgbatanaan igey ịtughemi phọ

Ogonanami Phọ 18:13

ọoza, sẹnt, ịnsens, maa, frạnkinsens; miim rꞌạmunum; ogey aflaur rꞌịbiakpa; sịnam rꞌiyool-ịga; rụsu rꞌạsigada ariigida; rẹbene ḅịle rꞌaruwaloor awe, oye ráko mun.