Dutoronomi 24:19 - Ạḍinya Iigbia

¹⁹ “Mem lọ nyina reegbo ịbiakpa sịphe iizo phọ anyina kụ nạ awula ḍịgba ịbiakpa sịphe ozo phọ ạna úḅula ghan ụsighe, bịle dị ẹrolonaan ruuruen phọ, ịnyigo ạnmuny phọ rꞌarukpekele ạnmariir phọ, ọbo Ọmoogh-we Ẹnaan phọ anyina ạseph oomo arukumuan ạraghaagh phọ anyina.

Dutoronomi 24:19 Iomraidhean Croise

Job 42:12

Kụ Ọmoogh-we phọ ạseph ruukuna phọ aJob apuemi ịpe ọdi ạseph bọ emiighom mọ. AJob ạmoogh ḍioph rꞌinya ọonir iyool-ịga, odiiny ọonir ạsikamel, ịyal ọonir ạsinam, ḅịle rꞌoniin ọonir ịnam adool.

Ạsuor 112:9

Ọdi ranmo ghan inmo kạngo tọrobo oye lọ ị́nighenom, kụ ọnma ighirigiir ọdi rámuneen ghan; ọdi kạmoogh ịikpo kụ okueni ghan nyọdi.

Asidogh 14:21

Nạ ạwa ọmoogh ọḅaal ologhi, pọ ḍighi ghan iiḅi we lọ ẹkparam; eḍighi ni ọpioman ọḅitonaan ọnyo ạbidi.

Asidogh 19:17

Mem dị nạ ạngo rukulom mọ, ẹtol mụdi nạ atene ọmugh Ọmoogh-we phọ, kụ Ọmoogh-we phọ kụ kạkpe nyịna.

Azaya 32:8

Kụ oye eghuan raḍighi ghan ịdi eru igey kụ kạphamanam ịpe eḍighi bọ elhiom mọ.

Lịvitikos 23:22

“Mem lọ nyina rebugha riiḍien sịphe ade phọ, íbugha ghan ẹekpanion oomo ịiku iizo phọ anyina; ḅịle kẹn, kéḅula ẹekpanion ịkereku phọ, ịbilenaan rukulom mọ rꞌaruuruen phọ. Mị kụ Ọmoogh-we phọ Ẹnaan phọ anyina.”

Elegh aLuk 6:35

Ịpomoghian ghụn bụmulogh-ḍien anyina eḍighi ghan bịdi iiḅi. Iteneghi ghan ịimugh bịn képuru ghan mọ ọḅile ịkpeeghi inyina. Ịduon kụ ẹdi nyina kẹmoogh iboom aruunmo. Nyina kụ keḍighi nmụny Egbogh Ẹnaan phọ. Ọdi ạnighe ni esi ạbuphe rólegheri ghan bọ iiḅi lọ oḍighi bịdi rꞌabuḍighinom ịkaraph.

Elegh aLuk 6:38

Ịngaani ghan bụnon, Ẹnaan kịngaani ghan ni inyina, kụ kọto ghan ni, oviil, opighemi, kụ ẹmaar emuza ẹbeleghian ẹtoom mọ nyina kẹboor bọ. Ịpe nyina edi bọ ẹngo bụnon kụ ịdi Ẹnaan kedi ni ịngo aani inyina.”

Dutoronomi 14:29

Kụ bụo aLivait phọ, loor esi dị bịdi úpin aani bin ḅịle kẹn ụ́moogh aani bin ẹmoogh phọ ịdipho anyina, rꞌaruuruen phọ, rꞌịnyigo ạnmuny phọ rꞌarukpekele ạnmariir phọ, bụphe odi bọ sịphe ạramha phọ anyina, bịdi oru ọsighe olhe aani ẹpher bịdi, ọbo Ọmoogh-we Ẹnaan phọ anyina ạseph oomo arukumuan phọ anyina ịpe nyina ẹsighe bọ rạghaagh phọ anyina kụ ekumuanam.

Dutoronomi 15:10

Ngọom ghan nyọdi rꞌophooph ologhi, úgum ghan sịphe ologhi phọ ạna mem lọ nạ rạngo nyọdi; ịdi eḍighi bọ Ọmoogh-we Ẹnaan phọ anyina kạtuan ni ịphen nạ aḍighi bọ kụ ạseph oomo arukumuan phọ ạna rꞌoomo ịpe nạ ạpham bọ raḍighi.

Dutoronomi 24:18

Ịitughian ghan mọ nyina iḍighi ni rẹbene ẹpe Ijipt, kụ Ọmoogh-we Ẹnaan phọ anyina ịtagharan inyina ẹsighe. Kụ iḍighi kụ mị ạtu bọ rịḅeni ghan inyina mọ íḍighi ghan ịphen phọ.

Dutoronomi 26:13

Kụ ạghi egbodo Ọmoogh-we Ẹnaan phọ ạna ạḅeni mọ, ‘Mị mạsighe bin iigbia phọ sịphe kꞌạmi ạsighe ạngo kꞌạbuo aLivait phọ rꞌaruuruen phọ rꞌịnyigo ạnmuny phọ rꞌarukpekele ạnmariir phọ. Mị ạdaph ni oomo iilogh phọ ịpe nạ ạlogh bọ ụngo iyoor. Mị ụ́ka rꞌoniin ologh sịphe iilogh phọ, ḅịle kẹn mị úbula iilogh phọ.

Rut 2:2

Eniin aḍio aRut ạḅeni Naomi mọ, “Mị kạki ạson aani ịbiakpa lọ ạbuo ibugha phọ oteneghom. Iini sịen mị kạmiin ni oye dị kameera lọ mị kaḍighi rꞌọdi.” Kụ aNaomi ạphagharanaan mọ, “Kịa ạa, nyạni ạmi.”