Dutoronomi 24:15 - Ạḍinya Iigbia

¹⁵ Remunughan ḍio phọ ạḍiphe rọkpe ghan bọ nyọdi ikpoki phọ, bịn ạkpe nyọdi ikpoki phọ ọdi; kákori tụtu ẹnam-aḍio emeel ighool, loor esi dị ọdi uwekulom dị aseere ologhi ọdi sịphe, ọbo ọdi kaghol ghan bọ nyịna amoghi asueniom Ọmoogh-we phọ; bịn eḍighi nyịna ịkaraph.

Dutoronomi 24:15 Iomraidhean Croise

Job 31:13

Mem lọ oniin otelhedom ạmi kụ ạghaaph ịlo ạmi, mị ụnaghanan ghan ni ạḅile aḍighi nyọdi ịlo ẹnighe.

Job 31:38

Eḍighi ịyaar dị mị ami de phọ ạḍiphe mị raḅeph ghan bọ ozo phọ, ạḅile aziton ḍịghaagh ọpo ạkaraghi bọ ạmoogh —

Job 34:28

Bịdi ọkpaariom rukulom mọ omoghi ọmagh Ẹnaan, kụ ọdi ạnaghan ni ḍịmagh ọloghonaan ạḍighaagh phọ ạbidi.

Job 35:9

Mem dị rọgbiphoghom weye, bịdi rọkuph ghan ni bịdi romoghi ghan ni ọwa oye lọ kạpel bịdi.

Job 7:2

ạkigh ẹbene dị ramoghi ghan esi uba oḍigh aani; ạkigh oye oḍighi dị rakori ghan ruunmo ọdi.

Ạsuor 24:4

Ọlo ạraghaagh ọdi ẹḅaal kụ ạmoogh ogeny ologhi; ọlo rápoophe ghan uwaloor ọdi kạngo oopho ạraraar, ḅịle rákunya ghan iikunya iigbegheḍiom.

Ạsuor 25:1

Ọmoogh-we, nạ kụ ọdi mị rạaḅereghi.

Ạsuor 86:4

Ḅạalami ologhi otelhedom mọ ạna, Ọmoogh-we, loor esi dị ịiḅereghi phọ ạmi ẹki ni ạnyu ẹteeny nyịna.

Azaya 5:7

Ịzirel kụ ozo iimuma avain Ọmoogh-we oomo ịikpo phọ; awe phọ aJuda kụ iimuma avain phọ ọdi ạzuph bọ. Ọdi ạwa mọ bịdi oḍighi ịpe ẹnighe bọ, kụ ọḅile ghụn bịn ọko enu. Ọdi ạwa bịdi oḍighi ịpe eḍighi bọ elhiom, kụ bụphe bịdi rọmiine bọ ọwaam ghan igey ịiruen.

Jerimaya 22:13

Oogulaan kụ odianaan oye dị ạsighe iigbegheḍiom kụ ạloghom otu ọdi, ạḅile ạmaar ạbughe otu phọ rꞌareekeleghian; oye dị ạsighe weye ẹmha ọdi aḍighinom oḍighi kụ úmeera ụ́kpe ịpe omerenyan bọ.

Lịvitikos 19:13

“Ụ́gbiphoghom ghan matuman ạna, úmi ghan nyọdi. Ụ́pam ghan ikpoki oye lọ nạ aphir oḍighinaan ạna oḍighi ẹmina ẹḅaal.

Lịvitikos 25:35

“Eru mạar dị umor ạna ameel ekulom dị kátue ạpama loor ọdi, pọ nạ sịghe nyọdi arughom, ịdipho ooruen.

Malakai 3:5

Ọmoogh-we Oomo Ịikpo phọ rạḅem ghan mọ, “Mị kamite ni sịphe ogbo phọ anyina oogbo ịiruen; ḅịle kẹn mị kạgba ni amitiom mem mem mọ bụphe ọta bọ rọogho phọ, rꞌabulhiom ẹmha phọ, rꞌạbuphe rọgba ghan bọ ịlo bịdi ụ́miin, rꞌạbuphe roogbegheḍiom ghan bọ weye lọ bịdi ophir oḍighinom oḍighi mem lọ mẹteeny ọkpe ịpe omerenyan bọ, rꞌạbuphe rọgbiphoghom ghan bọ rukpukele ạnmariir rꞌạbunyigo ạnmuny rꞌaruuruen loor esi dị oye ọ́moogh bịdi, ḅịle rꞌoomo ạbuphe ịmi ụ́logh bọ eegu.

Matiu 20:8

“Rekpereghian, kụ uwozo phọ ạghi ẹpe ozo phọ ạḅeni nyọpo rapogh bọ ozo phọ mọ, ‘Mạgh we oḍighi phọ aakpomoghi ạkpe ịpe omerenyan bọ. Miigh bụen osugha bọ ọman phọ kụ ạkpe ạteenye bụḅel phọ.’

Elegh ạMak 10:19

Nạ alegheri ni iilogh mọ: ‘Enu kạ́ko, ẹmha kále, imi kámi, ịkaraph ạsiagba kạ́gbaanaan oye, káagbegheḍiom oye, ọde rꞌonhiin lọgh eegu.’”

Dutoronomi 15:9

Igona siloor anyina. Kẹ́moogh ẹḍim ologhi, ị́ḅem ghan mọ oḍual phọ ạsia phọ ạlha ọsar ọwilenaan phọ rẹebeeph, bịn ạwiliom riḍien uwekulom umor phọ ạna, bịn nyọdi ịyaar nạ ọ́ngo mun, kụ ọdi ạmagh Ọmoogh-we phọ asueniom nyịna, kụ eḍighi ịkaraph esi ạna.

1 Timoti 5:18

Ịyaar phọ eḍighi bọ ạḍinya iigbia phọ rẹḅem ghan mọ, “Ọnhu ạnam dị rạponyon ịbiakpa ụ́kasaghi ghan,” ḅịle kẹn mọ, “Oye arukumuan rákeel ghan oopho.”

Jems 5:4

Nyina kẹ̋kpeeghi ikpoki ạbuo iiḍighi iizo phọ anyina. Ịnun phọ ạbidi, nyina kẹ̋naghanan. Kụ emoghi ạbuo ibugha phọ meḍigh reḅeri Ẹnaan oomo ịikpo, Ọmoogh-we phọ.