Dutoronomi 24:13 - Ạḍinya Iigbia

¹³ Tọrobo ịlo ẹrol, tụtu ẹnam-aḍio remeel ighool, kori ạsighe ịyaar phọ ọphaghan bọ aḅulemi ạghiom nyọdi, ọdi akori ạminanam rukpe phọ ọdi kụ ạseph nyịna. Ịphen phọ kẹḅeeraan ni Ọmoogh-we Ẹnaan phọ ạna.

Dutoronomi 24:13 Iomraidhean Croise

Emiighom 15:6

Ebram ameeraam ni Ọmoogh-we phọ, kụ loor esi omeeraam mọ ọdi kụ Ọmoogh-we phọ ạsighenom nyọdi mọ ọdi oye aruukuan ni.

Ạsuor 112:9

Ọdi ranmo ghan inmo kạngo tọrobo oye lọ ị́nighenom, kụ ọnma ighirigiir ọdi rámuneen ghan; ọdi kạmoogh ịikpo kụ okueni ghan nyọdi.

Ẹḍua 22:25

“Eru mạar dị nạ ạale ikpoki tọro oye ạmi lọ ụ́moogh, káḍighi mụdi oye-ịboole bịn ạḅeni mọ ạlogh ọḅar.

Azaya 58:8

“Kụ ịiseeny ạmi egbi ọmu aloor ạna ịdipho erumuḍio ạḍiroor, ḅịle ariisi lọ nạ aḍighima yogh rạraar ekeleghu ni. Mị kạtolan oomo amem rꞌạna ọphel ạna; okpekian phọ ạmi kaako ni nyịna akoom.

Izikiel 18:12

Ọdi raagbegheḍiom ghan rukulom mọ, ọdi rami ghan, ọdi rámitiom ghan ịpe oliom ọmugh ạngo bọ nyọdi ịlo oseere. Ọdi rạki ghan rạphan ạbuo aruru, raaseeny ghan ịkaaghineen ạrumugh isa,

Izikiel 18:16

mꞌọkpiloghom ạtorobo oye mꞌomi ịyaar oye. Ọdi aḅulemi ni ịpe oliom ọmugh ạngo bọ nyọdi ịlo oseere. Ọdi rạngo ghan eḍien bụo ọkoony kụ kạngo iinmenan bụo ẹdaḅa.

Izikiel 18:7

Ọdi ránoma ghan mꞌomi ịyaar oye. Ọdi raḅulemi ghan ịpe oliom ọmugh ạngo bọ nyọdi ịlo oseenaan. Ọdi rạngo ghan eḍien bụlo ọkoony rasiph kụ kạngo iinmenan bụo ẹdaḅa phọ.

Izikiel 33:15

esi ọtomaam, eḍighi ịyaar dị ọdi aḅulemi tọrobo ịyaar lọ ọphaghan nyọdi kụ oliom ọmugh, ḅịle kẹn aḅulemi ịyaar lọ ọdi ami — eḍighi ịyaar lọ ọdi ạwile oḍighi ịkaraph kụ ạdaph iilogh dị ẹngo ghuḍum, ọdi kámugh, kụ ọlo kạtol li.

Dạniel 4:27

Kụ iḍighi kụ nạ ogbogh ọdaam, dạph oroma phọ ạmi. Bịle oḍighi yogh ịkaraph. Ḍighi ghan ịlo ẹnighe kụ ạnma ighirigiir rukulom, bịn nạ agbi nụun ọmoogh edughom ọghiom ghisigh.”

Ẹmos 2:8

Tọrobo esi ịiḅereghi awe phọ rọminanam ghan rukpe dị bịdi ạanyi rukulom awe dị útue ụ́kpe ọmugh phọ kụ ọsighe rukpe phọ kụ ọkpiom. Sịphe obughotu Ẹnaan phọ ạbidi kụ ẹdi rọpughol ghan rimiim dị bịdi ạanyi we dị olhe ọmugh ạbidi.

Bụo ạEfesos 4:26

Kụ ịyaar ẹghagh iloghi anyina, kẹ́tuan ghan ịghagh iloghi phọ ẹpioghom sịpioghom. Ịghagh iloghi phọ anyina kị́tol ghan oomo ẹmhu aḍio.

Dutoronomi 24:12

Eru mạar dị oye phọ aru uwekulom, pọ ụ́minanam ghan ịyaar phọ ọphaghan bọ.

Dutoronomi 24:15

Remunughan ḍio phọ ạḍiphe rọkpe ghan bọ nyọdi ikpoki phọ, bịn ạkpe nyọdi ikpoki phọ ọdi; kákori tụtu ẹnam-aḍio emeel ighool, loor esi dị ọdi uwekulom dị aseere ologhi ọdi sịphe, ọbo ọdi kaghol ghan bọ nyịna amoghi asueniom Ọmoogh-we phọ; bịn eḍighi nyịna ịkaraph.

Dutoronomi 6:25

Eḍighi ruukuan esi ayira, yira ọmaar ọpham ooko ghan iilogh phọ egbodo Ọmoogh-we Ẹnaan phọ ayira, ịdipho dị ạlogh bọ ụngo iyira.’

Jems 1:27

Oye lọ aakonom ghan bụnyigo ạnmuny, aphogh ghan rukpukele ạnmariir esi ịminimiin phọ ạbidi, kụ úmeera mọ ịitughian aḅirini phọ ẹphue nyịno, kụ ọdi Ẹnaan Ọde phọ ạsighe mọ omeeraam mọ ọdi ọ́phuph, ḅịle kẹn ịyaar ị́biph.