Dutoronomi 24:1 - Ạḍinya Iigbia

¹ “Eru mạar dị oye aphin ạnir kụ ạmiin mọ ạnir phọ ọ́nighe ẹzo ọmaar dọl, kụ ạḅamanaan ạnir phọ ikpoki, kụ ạngo ạnir phọ ḍịnya ọgbaranaan ạḅam ikpoki kụ ạḅeni ạnir phọ mọ ạḍua kꞌọno;

Dutoronomi 24:1 Iomraidhean Croise

Ẹḍua 21:10

Eḍighi lọ oye aphin ọnon ạnir, pọ erughotu phọ ọdi kínmia. Oye phọ kạngo ghan ni ọḅel ạnir phọ eḍien rꞌarukpe rꞌoomo ariliom ịpe ạdol olhom rꞌạnir.

Azaya 50:1

Ọmoogh-we phọ rạḅem ghan mọ, “Nyina egbi mọ mị ụsighe ni we ạmi ạḍuanam ịdipho oye dị aseere ạnir ọdi ḍụghum? Ạrinya ọgbaranaan phọ edi ẹghen nụun? Nyina regbi mọ mị kụ aal inyina mọ ịtol ikoli ẹgham, ịdipho oye dị aal nmụny ọdi mụdi ạrebene ḍụghum? Eeye, nyina kụ irelhe ni eḍigh ikoli ẹgham loor ịkaraph phọ anyina; ịsighe inyina ọḍuanam loor iilogh dị nyina esoroghu.

Jerimaya 3:1

Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 3:8

AJuda ạmiin kẹn ni mọ mị maseere Ịzirel aporogh nyọdi loor esi dị ọdi mạḍua ḍịghaagh ạmi bịn aḍighi ọnyo oliom ẹmha. Kụ ọlo aJuda, umarani phọ Ịzirel ologhi róḍuom ghan bọ, ọ́moogh oghiilaan. Ọdi phọ kẹn aḍighi kẹn ọnyo oliom ẹmha,

Malakai 2:16

“Mị akel li oseere ạnir,” Ọmoogh-we Ẹnaan phọ Ịzirel ạḅem. “Mị akel li mem dị ọnyo anyina aḍighi ịphen phọ ạnir ọdi. Ịmiin mọ oye kúugbonyon ịpe ọdi aguanaan bọ mọ ọno kábi ạnir phọ ọdi.”

Igbiighi 5:28

Eru mạar dị ạraghaagh ạnir phọ ẹḅaal li, pọ erugh megheel nyọdi, pọ ạnir phọ katue ni ạmaraghi nmụny.

Matiu 1:19

ẠJosef phọ ogey oye kụ kpạripe rꞌoofolomi aMeri kụ ạwa oḍighi lẹeph bịn ọwile ọdi.

Elegh aLuk 16:18

“Tọrobo oye lọ aseere ạnir ọdi kụ aphin ọnon, pọ malhe ẹmha, kụ oye lọ aphin ạnir lọ oseere, pọ alhe aani ni ẹmha.”

Dutoronomi 21:15

“Eru mạar dị oye aphin ịyal ạnmariir kụ ạsighe nyoniin aḍighi oophineen, ạsighe nyoniin aḍighi epin; kụ eru mạar dị epin phọ rꞌoophineen phọ mọmaraghinaan nyọdi nmụny; kụ epin phọ kụ ạmaranaan nyọdi ọkpana;

Dutoronomi 22:13

“Eru mạar dị oye ạsighe ạnir arughom, kụ ịyal phọ ạbidi mọrolan esi, kụ ạlogh ạnir phọ ḍien,

Dutoronomi 22:19

Bịdi ọfani nyọdi ạpue ḍien oniin okuron ipoḍi asilva. Bịdi ọsighe fạni phọ ọngo ọde phọ, ịdi eḍighi bọ oye phọ ạpue ḍien esina ọnyani Ịzirel. Ọnyani phọ ạnir ọdi ni. Ọdi kúporogh ọnyani phọ oomo asuḍughul-otu aghuḍum ọnyani phọ.

Dutoronomi 22:29

pọ oye phọ ọpo abiighi bọ ọnyani phọ ạkpe ọde ọnyani phọ ooghdi ipoḍi asilva, ạsighe ọnyani phọ aḍighi ạnir ọdi, ịdi eḍighi bọ dị maafolomi ọnyani phọ. Ọdi kúporogh ọnyani phọ oomo asiḍughul-otu phọ ọdi.

Dutoronomi 24:2

kụ eru mạar dị ạnir phọ ạghi ạal ịnon ilom,

Dutoronomi 24:3

kụ ạnir phọ olhom mọ ọdi ọphon kẹn ụḅeeraan kụ ạḅamanaan ạnir phọ ikpoki, aporogh ạnir phọ mọ ạḍua kꞌọno; kụ eru mạar dị olhom mọ ọdi ọphon phọ amugh,