Dutoronomi 23:9 - Ạḍinya Iigbia

⁹ “Mem lọ bụo ẹgham mọ ọghi ee ẹgham rꞌạbumulogh-ḍien phọ anyina, kụ bịdi mọḍua sịphe arugbogo phọ, pọ ịmaar ghan ẹphama siloor anyina, ọbo ẹḍua esi ịkaraph.

Dutoronomi 23:9 Iomraidhean Croise

2 Krọnikuls 19:4

Ghạlamo ịduon ạJehosafat ọdaam mọ ạrol bọ sịphe Jeruselem, ẹgba mem ọdi ạghi ghan erelhe ogbo awe, ạḍua Beersheba ẹpe esoorom mọ kụ asi zin aroogbolom sịphe eelhe Ifraim ẹpe ephunom mọ, ịlo ọmagh awe phọ oḅulemi oruom Ọmoogh-we Ẹnaan ạburude ạburude phọ ạbidi.

2 Krọnikuls 31:20

Oomo eelhe phọ aJuda, ạHezekaya ọdaam mọ aḍighi ghan ịdi ẹnighe kụ ẹḅeeraan Ọmoogh-we Ẹnaan phọ ọdi.

Azaya 56:3

Ooruen lọ mạḅophan we Ọmoogh-we phọ kụ́ḅem mọ, “Ọmoogh-we phọ kámeera mọ mị rꞌawe phọ ooseeny nyịno.” Ophoony oye kụ́utughian ghan mọ loor esi dị ọno kátue bọ ạmoogh nmụny, pọ ọno kóniin ọlo kꞌẸnaan.

Elegh aLuk 3:14

Buniin ạbuo ẹgham opuru aani kẹn nyọdi mọ, “Yoor oḍighi aani ika?” Kụ ọdi ạḅeni bịdi mọ, “Kẹ́kpaariom ghan oye ẹboor ikpoki, ḅịle kẹn képu ọkpe ẹgba ẹboorom oye ikpoki. Ịpe rịkpe bọ inyina ịgbaanyan inyina!”

Dutoronomi 23:10

Eru mạar dị oye dị ụ́ḅaal, loor ịdi emiteghunaan nyọdi ḍughul, odi sịphe ogbo phọ anyina, pọ ọdi ạḍua agheel ẹpe ọman arugbogo phọ, kúḅula ụ́ubeeph sịphe arugbogo phọ.

Dutoronomi 23:8

Ịraar oghiil esi ạnmuny phọ ạbuphe ọmaranaan bọ bịdi, ọghi aani ghan ni ookpomoghan awe Ọmoogh-we phọ.

Josua 6:18

Ọnyo anyina kụ́ḅogh rạraar phọ ịpe oruule bọ osu ọkaraph ọghor amuphe phọ, loor esi dị mem lọ nyina ẹsighe tọrobo ịyaar phọ ẹpe moruule bọ, pọ nyina meḍighi ịdi moruule rugbogo phọ Ịzirel ẹngo ịiḅaghami.

Bụo Ịiruen 20:26

Kụ oomo awe phọ Ịzirel rꞌoomo awe ẹgham mọ ọghi Bẹtel kụ ọrol rꞌọto risigh Ọmoogh-we phọ kụ ọkaagh rọḍogh ạbidi ḍio phọ ạḍiphe tụtu kꞌadulhe. Bịdi ụphinyon ni rịkia oguom ạnian rꞌạrikia ẹboroph sịphe risigh Ọmoogh-we phọ.