Dutoronomi 23:8 - Ạḍinya Iigbia

⁸ Ịraar oghiil esi ạnmuny phọ ạbuphe ọmaranaan bọ bịdi, ọghi aani ghan ni ookpomoghan awe Ọmoogh-we phọ.

Dutoronomi 23:8 Iomraidhean Croise

Emiighom 25:25

Ọḅel ọony phọ aru amite kụ rạtogh, oomo phọ ọdi ạburu ạburu. Pọ kụ ẹdi oghol bọ nyọdi mọ Ịso.

Emiighom 25:26

Kụ umor phọ ọdi aru amite, ạpam eeghim Ịso; pọ kụ ẹdi oghol bọ nyọdi mọ ạJekob. Ạizik mạman odiinydi ạsia kụ ạmar nmụny.

1 Ạbudaam 3:1

ẠSolomon rꞌọdaam eelhe phọ Ijipt ọḅoph ọnhu: ạSolomon ạsighe ọnyani ọdaam eelhe phọ aphin, ạpham agheelom ẹpe ẹmha phọ aDevid, tụtu ọdi ạloghoḍi otu ọlo ọdi rꞌOtu Ịiḅereghi phọ ạmadan, ạḅiir iikpe aghoonyom Jeruselem.

Ẹzra 9:1

Mem dị moḍighi oomo phọ ịphen, abuniin abuḍiemiom awe phọ Ịzirel oru kụ ụḅeni ịmi mọ awe phọ, ariil ạrikia phọ rꞌạbuo aLivai phọ úseere siloor ạbidi ọgbatanaan esi awe areelhe phọ etuman bọ: bụphe Amon rꞌạMoab rꞌIjipt, Kenan, Hịtait, Pẹrezait, Jebusait rꞌẠmorait. Bịdi uḍighi ghan igina phọ ịkaraph ạraraar phọ ịpe awe phọ ạbuphe phọ oḍighi bọ.

Ẹḍua 22:20

“Oye lọ ạphighironaan ẹkia kụ ạngo ẹnon emugh dị ítu Ọmoogh-we phọ, itoph oye phọ ọpo ogbeph emutonaan nyọdi.

Lịvitikos 19:34

Ịloghoma ghan ooruen lọ arugh sịphe ẹmha phọ anyina, ẹloghomaam nyọdi ịdipho oniin ọnyo anyina, ịdi eḍighi bọ nyina ịrol li iiruen ẹpe Ijipt. Mị kụ Ọmoogh-we Ẹnaan phọ anyina.

Obadaya 1:10

“Ụtuan dị nyina ẹkaaghi ruutu, ẹze bumor phọ anyina oḍighi bọ ẹemara ẹemara phọ ạJekob, kiphiemi ni inyina osiphiom umugholoor kꞌagee-pọ.

Dutoronomi 10:19

Kụ iḍighi, ịpomoghian ghan ruuruen, ịdi eḍighi bọ nyina ịrol li dọl aruuruen ẹpe Ijipt.

Dutoronomi 23:7

“Ímutonaan ghan ọlo Idomait, ịdi eḍighi bọ bịdi abumor anyina; ímutonaan ghan ọlo Ijipt, ịdi eḍighi bọ nyina ịrol li iiruen ẹpe ade phọ ạbidi.

Dutoronomi 23:9

“Mem lọ bụo ẹgham mọ ọghi ee ẹgham rꞌạbumulogh-ḍien phọ anyina, kụ bịdi mọḍua sịphe arugbogo phọ, pọ ịmaar ghan ẹphama siloor anyina, ọbo ẹḍua esi ịkaraph.

1 Sạmuel 30:11

Awe phọ ạbuphe rꞌaDevid ọrol bọ ụghi ni bịn ọmiin oniin oye ọlo Ijipt ẹpe elegheḍum mọ, kụ bịdi ọsighe nyọdi oruom Devid. Bịdi ọsighe eḍien rꞌạmuum ọngo oye phọ;