Dutoronomi 23:6 - Ạḍinya Iigbia

⁶ Ị́wa ghan ẹphomoghian esi ạbidi mꞌẹelha ạbidi oomo asiḍughul-otu aghuḍum mọ anyina kꞌagee-pọ.

Dutoronomi 23:6 Iomraidhean Croise

2 Sạmuel 12:31

kụ ọdi ạsighe weye ẹmha phọ ạngooghi ịfokofoko rꞌạrusua rꞌasikubu kụ ạkpaariom bịdi oogbo ghan sighiigh odoghoḍiom aruutu. Iniin phọ kẹn kụ ịdi ọdi aḍighi oomo awe ạramha phọ Amon. Kụ ọdi rꞌawe phọ ọdi ogbi nụun ogheel aJeruselem.

2 Sạmuel 16:12

Iini Ọmoogh-we phọ kạmiin ni ịminimiin phọ ạmi kụ ụngo ịmi ḍịseph dị kẹsighe esi itonyonaan phọ ọdi.”

2 Sạmuel 8:2

Kụ ọdi kẹn ạkpar apu weye ạMoab. Ọdi aḍighi ịdi awe phọ ạbuphe ọdi asiphi bọ ọmina yogh ude kụ tọrotoro ịraar awe ọdi ạze ghan ịyal awe.

Ẹzra 9:12

Bịdi ụḅeni iyoor mọ rꞌamem yoor kúuphinighan rꞌawe phọ ạbuphe ḅịle rꞌamem kụ́loghonaan ḍịghaagh bịdi ọghi aghisigh mꞌọkpar opu eru mạar dị yoor ọwa ni olhe ịma ade phọ kụ otene ọngo oghiil atum oghiil ayoor kꞌagee-pọ.

Dạniel 4:27

Kụ iḍighi kụ nạ ogbogh ọdaam, dạph oroma phọ ạmi. Bịle oḍighi yogh ịkaraph. Ḍighi ghan ịlo ẹnighe kụ ạnma ighirigiir rukulom, bịn nạ agbi nụun ọmoogh edughom ọghiom ghisigh.”

Maika 6:5

Weye ạmi, ịitughian ịpe ạBelak ọdaam mọ ạMoab ạnya bọ oḍighi anyina rꞌịpe ạBelam ọony phọ aBior ạphagharanaan bọ nyọdi. Ịitughian ịpe emite bọ ẹpe eten phọ emiigh sịphe arugbogo phọ ẹpe Akasia kụ esi Gịlgal. Ịitughian rạraar phọ ịphen bịn nyina kelegheri ni mọ mị uḍighi ịlo ọphelom anyina.”

Igbiighi 24:10

ẠBelak aḅugh ḍịghaagh rꞌophin ologhi kụ ạḅeni Bẹlam mọ, “Mị ụmagh nyịna mọ tue asu ọkaraph ọnhu bụmulogh-ḍien phọ ạmi, kụ sịen ịraar amem nạ ạḅile ghụn ạngo bịdi ḍịseph.

Dutoronomi 7:8

Ịdi eḍighi bọ Ọmoogh-we phọ ịphomoghian inyina kụ ạtu bọ raako ghan ịyo phọ ịpe ạburude phọ anyina rꞌọdi oghiran bọ, kụ Ọmoogh-we phọ ạtu bọ ạsighe ḍịghaagh iphelegbe phọ ọdi ịsighenom inyina ạḍuanam, ịtagharan inyina ạsighe esi ạdol ạrebene phọ ḍịghaagh ọdaam eelhe phọ Ijipt.