Dutoronomi 23:5 - Ạḍinya Iigbia

⁵ Rꞌamem rꞌamem dị Ọmoogh-we Ẹnaan phọ anyina kẹnaghanan ịlo ạBelam ílho. Ọmoogh-we Ẹnaan phọ anyina kakiton ghụn itulughian phọ ọdi atene ḍịseph ịngo inyina, ịdi eḍighi bọ Ọmoogh-we Ẹnaan phọ anyina ịphomoghian inyina.

Dutoronomi 23:5 Iomraidhean Croise

2 Sạmuel 16:12

Iini Ọmoogh-we phọ kạmiin ni ịminimiin phọ ạmi kụ ụngo ịmi ḍịseph dị kẹsighe esi itonyonaan phọ ọdi.”

Nehemaya 13:2

Ịyaar phọ eḍighi bọ, Amonait rꞌạMoabait phọ úmeera ụ́ngo eḍien rꞌạmuum we phọ Ịzirel mem mọ bịdi ọḍua bọ Ijipt romite. Ụḅile ghụn bịn ọkpe ikpoki Bẹlam mọ arulughi we phọ Ịzirel, kụ Ẹnaan phọ ayoor ịsighe itulughian phọ etene ḍịseph.

Ạsuor 73:1

Ẹnaan ẹkar ẹnighenaan we phọ Ịzirel, bụphe iloghi phọ ạbidi ẹserere bọ.

Asidogh 26:2

Igurughian nyịna mạar kéḍighi, emuton lọ nạ ạkpe ogurughi. Ẹkigh ịnun dị ẹpheeph kụ esi ị́lel.

Jerimaya 31:3

mị ugananami ni loor ạmi esi ạbidi kꞌekpisi dị ẹkel. Weye Ịzirel, mị rịphomoghian ghan ni inyina. Ịduon kụ ẹdi mị riḍeenaan ghan ni inyina ẹphomoghian dị rébi ghan.

Izikiel 16:8

“Ịdipho mị ạḅile bọ aten, mị ạmiin mọ meru esi ạna omeel esi ẹphomoghian. Mị aakpereghi ẹdaḅa aloor phọ ạna rꞌạsuoma ạmi dị ạay ekpologhi kụ mị aguanaan ọphomoghian ạna. Agey ni, mị ughiran ịyo apinien rꞌạna, kụ nạ aḍighi ọlo ạmi.” Ịphen kụ ịdi Ọmoogh-we dị ạmoogh oomo ịikpo ạḅem.

Maika 6:5

Weye ạmi, ịitughian ịpe ạBelak ọdaam mọ ạMoab ạnya bọ oḍighi anyina rꞌịpe ạBelam ọony phọ aBior ạphagharanaan bọ nyọdi. Ịitughian ịpe emite bọ ẹpe eten phọ emiigh sịphe arugbogo phọ ẹpe Akasia kụ esi Gịlgal. Ịitughian rạraar phọ ịphen bịn nyina kelegheri ni mọ mị uḍighi ịlo ọphelom anyina.”

Malakai 1:2

Ọmoogh-we phọ rạḅeni ghan weye phọ ọdi mọ, “Mị ịphomoghian ni inyina.” Kụ ọlo bịdi ọpagharanaan mọ, “Ika kụ ẹdi nạ maḍeenaan ẹphomoghian phọ ạna esi ayoor?” Ọmoogh-we phọ ạpagharanaan mọ, “Ịso rꞌạJekob uḍighi ni bumor, kụ ọlo mị mạphomoghian Jẹkob rꞌẹemara ẹemara phọ ọdi,

Igbiighi 22:35

Kụ ọokpaany kꞌỌmoogh-we phọ ạḅeni Bẹlam mọ, “Pạm ni we phọ ạbuen ạghimom; kụ ạghaaph ịlo mị ạḅem bịn.” Kụ ạBelam rꞌạbidi ọghi.

Igbiighi 22:5

Kụ ạBelak arom butelhedom ạghiom Bẹlam ọony phọ aBior ẹpe Petor etuman bọ ẹpe Ọphiiny aYufratis ẹpe ade phọ awe phọ ọdi orugh bọ, mọ ọmagh ọḅeni mọ, “Mị rạwa dị nạ kalegheri mọ aḍigbogh aḍita awe ọḍua ni ẹpe Ijipt otu kụ ọḅiraan sịen ade phọ kụ otugh esomanan ạmi.

Igbiighi 24:9

Eelhe phọ Ịzirel ẹkigh ịdipho ạnam-dịka; Ẹmina eḅoorian ịdipho ẹya ạnam-dịka. Ạnhian kụ katue ạpam nyọdi apoophe? Ạḍiseph ẹrolonaan tọrobo oye lọ ạseph nyịna. Itulughian ẹrolonaan oye lọ arulughi nyịna.”

Bụo aRom 11:28

Ịdipho bụo aJu phọ oghel bọ ooḅi ọghaaph phọ, Ẹnaan mẹlhogh bịdi ḍien, ọbo eepoogh imitenaan inyina aruuruen phọ. Kụ ọtuan ịdipho Ẹnaan ẹsaḅar bọ bụo aJu phọ ẹsighe, ọdi akol li ẹmhu abugbogh ạburude phọ ạbidi ạloghoma aani bịdi.

Bụo aRom 8:31

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Bụo aRom 9:13

Ịdipho ọge bọ pạ ạḍinya iigbia phọ mọ, “Mị ụphomoghian Jẹkob kụ ạlogh ḍien Ịso.”

2 Bụo ạKorint 4:17

Kụ ọony ịminimiin phọ yoor rọmiinom bọ ekulha amem mọ ạmuen phọ kiruom ni iyoor ẹbalabala eegu kꞌagee-pọ dị epeleghiom ni ịminimiin phọ iboom.

Dutoronomi 2:29

tụtu yoor osi Ọphiiny Jọdan oḍigh de phọ Ọmoogh-we Ẹnaan phọ ayoor ịngo bọ iyoor. Ạnmuny ạnmuny phọ Ịso, bụphe orugh bọ ẹpe Idom, rꞌawe ạMoab, bụphe orugh bọ ẹpe Ar, umeera ni yoor ọḅeeny oten eelhe phọ ạbidi.’

Dutoronomi 33:3

Ọmoogh-we phọ ạpomoghian ni we phọ ọdi, kụ rạmaar kạpham bụphe oḍighi bọ bụo ọdi. Kụ yoor okpuḍian sịphe aruwol phọ ạna, kụ ọdaphan ịtooghi phọ ạna,

Dutoronomi 4:37

Ịdi eḍighi bọ dị ạphomoghian bụrude phọ anyina, ạtuan ịdipho kụ ạsaḅar bọ nmụny phọ ạbidi, kụ ịsighe bọ inyina amitiom egbodo ọdi, kụ ạsighe igbogh ịikpo phọ ọdi ịsighenom bọ inyina ẹpe Ijipt.

Josua 24:10

Kụ mị ụ́naghanan Bẹlam, kụ ọdi ạbile bịn ịseph inyina kụ mị ịtagharan inyina ạsighe ḍịghaagh ọdi.