Dutoronomi 23:21 - Ạḍinya Iigbia

²¹ “Tọro amem lọ nạ aguanaan Ọmoogh-we Ẹnaan phọ ạna ịyaar, kạ́bile ghan ọkpe ịpe nạ aguanaan bọ, ịdi eḍighi bọ Ọmoogh-we Ẹnaan phọ ạna kapuru ni nyịna ịpe nạ aguanaan bọ nyọdi.

Dutoronomi 23:21 Iomraidhean Croise

Emiighom 28:20

ẠJekob aghunyian kụ ạḅem mọ, “Eru mạar dị Ẹnaan ịrolonaan ni ịmi, kụ uuko ịmi erelhe phọ mị rạki bọ, kụ ụngo ịmi eḍien olhe rꞌarukpe omuuna,

Job 22:27

Mem lọ nạ ạaḅereghi, ọdi kạnaghanan ni nyịna, ḅịle ịlo nạ aguanaan, nạ kạtuugh ghan ni aḍighi.

Ạsuor 116:18

Sịphe ogbo ookpomoghan oomo awe phọ ạna, ẹpe Jeruselem sịphe ạdol iigbia Otu Ịiḅereghi phọ ạna, mị kạngo nyịna ịpe mị aguanaan bọ. Iboom Ọmoogh-we phọ!

Ạsuor 15:5

Ọpo rạbologhi ghan bọ ikpoki kụ ọḅar ụ́logh, rále ghan ịgara kạgba aphume oye dị ụ́piom. Ọlo raḍighi ghan ịphen phọ kógboton nyọdi dọl.

Ạsuor 50:14

Oboom ghan Ẹnaan phọ bịn kụ eru rịkia dị nyina kẹpinyon ghan. Ẹḅile ẹngo ghan Egbogh Ẹnaan oomo phọ ịpe nyina eguanaan bọ.

Ạsuor 56:12

Ẹnaan, mị kạngo nyịna ịpe mị maguanaan bọ; mị kạngo nyịna ruunmo ạḍiseph ạmi,

Ạsuor 61:8

Mị kạmoor ghan sụor oomo amem aboom nyịna, ịdipho mị kạngo ghan bọ nyịna ḍio ḍio ḍio ịpe mị aguanaan bọ.

Ạsuor 76:11

Ịngo Ọmoogh-we Ẹnaan phọ anyina ịlo nyina eguanaan nyọdi; ituomaan nyọdi ruunmo, oomo anyina areelhe phọ etuman bọ. Ẹnaan eḍighi ịdi aweye kokiilaan ghan nyọdi.

Ẹḍua 22:24

Kẹkagh ni ologhi ạmi eteneghi, kụ mị ạsighe elhool ẹgham akiighom oye phọ ọpo. Ạnir phọ ọdi aḍighi aani ekpukele ạnir, ạnmuny phọ ọdi oḍighi aani bụnyigo ạnmuny.

Izikiel 18:8

Ọdi rátene ghan ọmugh ịlo ạsuo. Ọdi akel oḍighi ịkaraph kụ rạngo ghan ogey ọotughian esi ạtorobo ịgbaragbara.

Jona 1:16

Ịphen phọ iḍighi ni ruugu esi ạbuzoghiom mọ loor oghiilaan Ọmoogh-we phọ, kụ bịdi ọphighiron ẹkia kụ oguanaan okumu ọngo ọdi.

Jona 2:9

Kụ ọlo mị kaboom ni nyịna; mị kạpighiron ni ẹkia ạngo nyịna kụ aḍighi ịpe mị maguanaan bọ. Ạpeleeny rạḍua ghan esi Ọmoogh-we phọ kụ karu!”

Nẹhum 1:15

Ipogh, otelhedom ạḍua ni ạnyu ạraaḅaraph phọ ratu rꞌooḅi ọghaaph! Ọdi odi eten dị ratu ọghaaph oleenye ọkpar opu! Weye aJuda, ile rạyaal phọ anyina kụ ẹngo Ẹnaan ịpe nyina eghiran bọ nyọdi. Ạbukaraph awe kóḍigh mun de anyina rꞌẹekpara ekpeḍien. Moogulemi bịdi kpel kpel kpel.

Matiu 5:33

“Nyina mẹnaghan ghan kẹn ni mọ gediidi ụḅeni ni bụrude phọ anyina mọ kékunya iikunya dị nyina íiko. Ịtuugh ịpe nyina meghunya bọ ẹngo Ọmoogh-we phọ eeko.

Dutoronomi 14:29

Kụ bụo aLivait phọ, loor esi dị bịdi úpin aani bin ḅịle kẹn ụ́moogh aani bin ẹmoogh phọ ịdipho anyina, rꞌaruuruen phọ, rꞌịnyigo ạnmuny phọ rꞌarukpekele ạnmariir phọ, bụphe odi bọ sịphe ạramha phọ anyina, bịdi oru ọsighe olhe aani ẹpher bịdi, ọbo Ọmoogh-we Ẹnaan phọ anyina ạseph oomo arukumuan phọ anyina ịpe nyina ẹsighe bọ rạghaagh phọ anyina kụ ekumuanam.

Dutoronomi 15:3

Kụ eru ooruen, pọ gun ni, kụ tọrobo ịlo umor ạna kụ ale ọmugh ḍịghaagh ạna, pọ sạr ạwilenaan.

Dutoronomi 23:18

Kẹ́sighe ghan ikpoki dị ọkpe ọnyo akunakuna, mꞌikpoki lọ oghoom ghoogh, eḍighom sịphe otu iigbia Ọmoogh-we Ẹnaan phọ anyina, ọkpiom ịlo nyina eguanaan. Ịyal phọ ikpoki phọ ịphen ạḅaphanya ni esi Ọmoogh-we Ẹnaan phọ anyina.

Dutoronomi 23:22

Kụ eru mạar dị nạ úguanaan, pọ kị́karaph esi ạna, íbeeph.

1 Sạmuel 20:16

ịphen nạ rꞌạmi moguan bọ ẹmeera ni. Eḍighi ịyaar dị onme, Ọmoogh-we phọ ạliom ni nyịna.”