Dutoronomi 23:11 - Ạḍinya Iigbia

¹¹ Kụ rẹteeny dulhe ọdi ạghi awura mụum, kụ ẹnam-aḍio remeel ighool kụ ọdi arigheel sịphe arugbogo phọ.

Dutoronomi 23:11 Iomraidhean Croise

Ạsuor 51:2

Tootol ạsighe oomo ịkaraph ạmi kụ aḍighi ịdi mị kạḅaal esi ạsipioghom mọ ạmi.

Ạsuor 51:7

Sịghiogh ịkaraph phọ ạmi bịn mị kạḅaal li; uutol ịmi bịn mị kạḅaal apu ibikpo.

Izikiel 36:25

Mị kịsaraghiom ni inyina mụserereeny ạmuum kụ aḍighi ịdi nyina kẹserere esi ịkaaghineen ạrumugh phọ anyina rꞌạtorobo ịnon ạraraar phọ ịpe mịphue bọ inyina.

Lịvitikos 11:25

Tọrobo oye lọ arool ẹnam lọ mamugh, pọ mạapuan loor ọdi, oye phọ ọpo phọ aatologh rukpe ọdi ạrol ḍịo ọdi gem tụtu ẹteeny dulhe.

Lịvitikos 14:9

Kụ rẹman oḍual aḍughul-otu, ọdi ạḅile aghula ẹmhu ọdi, ọleem ọdi, iidum ariḍien ọdi rꞌoomo ạburu aloor ọdi, kụ aatologh rukpe ọdi, ạlogh mụum awura, pụruku ọdi mạḅaal ạkua.

Lịvitikos 15:11

Tọrobo oye dị oye dị ụ́ḅaal kụ ạsighe rạghaagh ọdi lọ úutola kụ ạḅoghom, pọ oye phọ ọpo ọdi ạḅogh bọ aatologh rukpe ọdi, ạghi asoor ologhi ạmuum awura, ạrol ḍịo ọdi gem dị ọ́ḅaal tụtu ẹteeny dulhe.

Lịvitikos 15:13

Mem dị oye dị ụ́ḅaal maḍum ạkua, pọ ọdi agbi amuneni oḍual aḍughul-otu ịlo oselemian aloor, ọdi aatologh rukpe ọdi, ạghi esi lọ ạmuum rakiil, asoor awura mụum, bịn ọdi mạkua.

Lịvitikos 15:16

Eru mạar dị osiim apu bịn ramiteghu, pọ ọdi ạghi aatola loor phọ ọdi ologhi ạmuum, pọ ọdi ọ́ḅaal ạrol ḍịo ọdi gem tụtu ẹteeny dulhe.

Lịvitikos 15:5

Tọrobo oye lọ ạḅogh ẹmina phọ ẹpe, pọ ọdi aatologh rukpe ọdi, ạghi asoor ologhi ạmuum awura, ạrol ḍịo ọdi gem dị ọ́ḅaal tụtu ẹteeny dulhe.

Lịvitikos 22:6

tọrobo oye lọ ạḅogh ọdo ạraraar phọ ịphen, pọ ọdi mạphuph. Ọdi ạtol ẹ́ḅaal ḍịo ọdi gem tụtu ẹteeny dulhe. Kẹn ọdi kụ́ba rꞌeniin ịyaar iigbia phọ, tụtu ọdi awura mụum.

Matiu 3:11

Mị iwur inyina mụum mọ ịlo oḍeenaan mọ nyina mekiton esi ịkaraph phọ anyina, kụ ọpo ratu bọ upu ni ịmi. Mị ụ́man ọpham arokoro ọdi. Ọdi kạsighe Uwaloor Iigbia phọ rꞌạnian kụ iwurom inyina.

Dutoronomi 23:10

Eru mạar dị oye dị ụ́ḅaal, loor ịdi emiteghunaan nyọdi ḍughul, odi sịphe ogbo phọ anyina, pọ ọdi ạḍua agheel ẹpe ọman arugbogo phọ, kúḅula ụ́ubeeph sịphe arugbogo phọ.

Dutoronomi 23:12

“Ikori ẹmoogh esi dị oye lọ ạḍua sịphe arugbogo phọ anyina kạki ghan ạni rịir.

Bụo aHibru 10:22

Kụ ọtuan ịduon phọ oḍuraan ghan oru otuman Ẹnaan! Ọpham igey iloghi rꞌọokpara omeeraam rꞌiloghi dị mogbuurogh ọḅaalami esi ịitughian apum rꞌasiloor dị owur mụserereeny ạmuum kụ orumom!

1 Pita 3:21

Ạmuum mọ ạmuen phọ ạkighom mụphe robur ghan bọ ọphelom anyina. Owur ạmuum mọ kọ́ogbirinaan ẹenir aloor bịn, ọgba ghan omitiom rꞌophooph ologhi mọ omeeraam ni Ẹnaan. Owur ạmuum mọ rạtuan ghan ịdipho ạJizos Kraist aḅetenu bọ sịphe aḍuugh phọ kụ kịphel inyina.