Dutoronomi 21:8 - Ạḍinya Iigbia

⁸ Ọmoogh-we, nmạ Ịzirel awe phọ ạna ighirigiir, bụphe nạ ạtagharan bọ, ụ́sighe ghan elegheri ịḅaal phọ ịphen phọ ạḅam rụmhu Ịzirel awe phọ ạna. Bịlenaan bịdi apum ịḅaal phọ.’

Dutoronomi 21:8 Iomraidhean Croise

2 Sạmuel 3:28

Mem dị aDevid ạnaghan bọ ịphen phọ emite bọ, ọdi ạḅem mọ, “Ọmoogh-we phọ alegheri ni mọ awe phọ ạmi rꞌạmi úḍighan aani oghiigh Ạbner.

1 Ạbudaam 2:31

Kụ ọdaam mọ ạḅeni nyọdi mọ, “Ḍighi nyọdi ịpe ọdi rạwa bọ. Kiigh nyọdi aḍi sịphe phọ, ẹrol dị nạ ạmophoronaan elegheri ịḅaal phọ ịpe aJoab azu bọ, esi ạmi rꞌọto ọde phọ ạmi.

2 Ạbudaam 24:4

rꞌaloor ẹmhu awe phọ ạbuphe mạar ụ́piom bọ kụ dị ạze bọ; ịḅaal awe dị mạar ụ́piom kụ ịdi dị azuughi amuzeḍi ẹpe Jeruselem, kụ Ọmoogh-we phọ nyọdi kạ́bilenaan.

Ạsuor 19:12

Oye ólho dị kạmiin sịpioghom ọdi. Ọmoogh-we, ụphel ịmi ạsighe esi ạsipioman dị ạaghian.

Jerimaya 26:15

Kụ ọlo ilegheri ekuphom owol mọ: eḍighi ịyaar dị nyina ighiigh ịmi, pọ erugh miphum inyina rꞌawe ẹmha phọ ẹphen esi oghiigh oye dị mạar ụ́piom, loor esi dị Ọmoogh-we phọ ni kụ urom ịmi ọghaaph ọphurom anyina rụru.”

Izikiel 23:3

Mem mọ bịdi oḍighi bọ risina kụ orugh sịphe Ijipt, bịdi uroph ni ẹnighe ạbidi kụ oḍighi bulhiom ẹmha.

Lịvitikos 17:4

dị ụ́sighe útu sịphe ọnhu-aḍibuo Ogbogo Ạdol Ọmoogh-we phọ oḍighinom ịyaar aghuḍum ọngo Ọmoogh-we phọ, pọ kọsighe ni apum ozu ịḅaal ọḅam ẹmhu oye phọ ọpo, pọ awe phọ ọdi oroph nyọdi ogbeph omutonaan nyọdi.

Jona 1:14

Kụ bịdi ọlho ọḅeni Ọmoogh-we phọ mọ, “Ọmoogh-we, yoor rọoḅereghi ni, iyoor kụ́ghelhom ghẹlhe aḍuugh, loor esi ophiemi aghuḍum oye phọ ọphon! Nạ Ọmoogh-we kụ raḍighi bọ ni oomo phọ ịphen phọ.”

Matiu 23:35

Ịduon kụ iḍighi kụ kọsighe ghẹlhe ọzeeghi awe dị mạar ụ́piom, ọḅam rụmhu anyina, emiigh kꞌEbel ogey oye phọ, kụ ẹteeny Zẹkaraya ọony phọ aBarakaya, ọpo nyina eghiigh bọ sịphe ogbo Ạdol Iigbia Otu Ịiḅereghi phọ rꞌenmeny ịyaar aghuḍum mọ.

Dutoronomi 21:7

kụ bịdi ọphagharanaan ọlhel ịphalaḅaal kụ ọḅem mọ, ‘Yoor kụ úkiigh bọ oye phọ ọphon; ḅịle kẹn, yoor ụ́miin aani mem mọ rokiigh bọ oye phọ ọphon.