Dutoronomi 21:23 - Ạḍinya Iigbia

²³ pọ ị́bile ghan ḍizu phọ ọdi sịphe oreeny phọ ẹmina ẹḅaal. Tọrobo ịlo ẹrol, ịsighe ni nyọdi ḍio ḍio phọ eḍi, ịdi eḍighi bọ Ẹnaan esu ni oye lọ asina ọkaraph ọnhu. Ị́ipue ghan de phọ anyina, ḍịphe Ọmoogh-we Ẹnaan phọ anyina ịngo bọ inyina ọmoogh phọ.

Dutoronomi 21:23 Iomraidhean Croise

2 Sạmuel 21:10

Pọ kụ amem dị ọyooyo phọ ạsol Rizpa, ọnyani phọ Aya, ạsighe rukpe-ọto kụ ạzaam ạgalaga ọdi sịphe ạnyu aḍighiigh sịphe osereghi bọ ruzu ạnmuny phọ, kụ ọdi ạrol sịphe phọ kꞌemiighom amem ibugha tụtu ẹteeny unu. Mem ootaany ọdi aphorogh ghan ịnun mọ kị́ba ḍizu ạnmuny phọ, ḅịle mem aḍughul ọdi aphorogh ghan ịnam lọ rẹki ạanyi aḍizu phọ.

2 Sạmuel 21:6

Kụ iḍighi kụ sịghe oḍual alephiri ạnmuny sịphe oḍigh phọ ọdi ụngo iyoor, yoor kosin bịdi sịphe risigh Ọmoogh-we phọ ẹpe Gibia, ẹpe ẹmha phọ ạSol, ọdaam dị Ọmoogh-we phọ ạsaḅar.” “Mị kạḅogh ni bịdi ịngo inyina,” ọdaam mọ ạphagharanaan.

2 Ạbudaam 10:8

Kụ ọokpaany ạghi ạḅeni Jehu mọ, “Bịdi mọsighe rụmhu ạnmuny ọdaam mọ ọsighe otu.” Kụ ọdi ạḅeni mọ, “Ịsighe ekpol ịyal arugu sịphe eḍighom ẹmha phọ tụtu ẹḅaal ḍịroor.”

Izikiel 39:12

Kẹsighe weye Ịzirel oḍual ụnwanyu oḍiighi iḍim mọ kụ oselemi ịdi ade phọ kẹḅile ẹnighe.

Lịvitikos 18:25

Ade phọ kẹn mẹphuph aani, kụ mị ạtu bọ ạsighe ịkaraph phọ ạḅam ẹmhu ạbidi, kụ ade phọ rꞌaloor mekuḅa bụphe orugh bọ ezuughi.

Igbiighi 25:4

Kụ Ọmoogh-we phọ ạḅeni Mozis mọ, “Sịghe oomo ạbuo ạrumhu phọ Ịzirel asinogh bịdi egbodo ạmi, sịphe ogogo phọ, bịn mị kạ́mooghom mun ophin ologhi we phọ.”

Elegh ạJon 19:31

Kụ ạbuo aJu phọ ọghi ọoḅereghian Pailet mọ owunughi ruwol ạbuphe mọkan bọ ọsighe ruzu phọ osoore ude. Bịdi uḍighi ni ịduon phọ ịdi eḍighi bọ ḍịphe phọ aḍio ookolobian phọ reghul kẹḅaal ḍigbogh aḍio ophooghian phọ, kụ bịdi ụ́wa mọ aruzu phọ ạbidi ẹrol ạnyu ireeny phọ ẹteeny ḍio ophooghian phọ.

Bụo aRom 9:3

Kpạripe ghụn mịnighe dị Ẹnaan mikol ọloghonaan ạbidi ḍịghaagh ironyon ịmi mị ạgbatanaan Kraist.

1 Bụo ạKorint 16:22

Moruule oye lọ Ọmoogh-we phọ ụ́pomoghian. Mạrana tạ — ịduon phọ pọ Ọmoogh-we phọ ayira, tue.

2 Bụo ạKorint 5:21

AKraist ịkaraph ólhegheri; Ẹnaan ịtuan iyira kụ ẹsighe bọ nyọdi eḍighi ọrim-onu phọ, ọbo yira ọḅophoghan nyọdi ọmoogh aani ruukuan phọ Ẹnaan.

Bụo aGaletia 3:13

Ịdipho aKraist aghol bọ ẹmhu ayira aḍigh dọl itulughian phọ, ọdi mụtagharan iyira ḍịghaagh itulughian phọ ịpe rẹdaph ghan bọ bụlo osoroghu Ologh phọ. Ịdipho ạḍinya iigbia rẹḅem ghan bọ mọ, “Tọrobo oye lọ osin loor oreeny kụ oghiigh odi dọl itulughian.”

Dutoronomi 25:19

Kụ ẹteeny mem dị Ọmoogh-we Ẹnaan phọ anyina keḍighi ịdi nyina kekpetenaan bụmulogh-ḍien phọ anyina iko bọ inyina ekitonom, ịngo inyina ophooghian ẹpe ade phọ Ọmoogh-we Ẹnaan phọ anyina ịngo bọ inyina ọmoogh phọ, nyina kegbuurogh ni ẹsighe sịphe iloghi phọ anyina ọotughian ghan Ạmalek. Kébula ghan.

Dutoronomi 4:21

Ọmoogh-we phọ ạtuan rụmhu anyina kụ ụghagham ịmi ologhi, kụ aghunya ạḅem mọ mị kạ́ḅeeny Ọphiiny ạJodan apun ạki asi aani ẹpe aḍiiḅi ade phọ ạḍiphe Ọmoogh-we Ẹnaan phọ anyina rịngo bọ inyina mọ ịmoogh phọ.

Dutoronomi 7:26

Kẹ́pam ghan ḅạphanya erighelom kꞌanyina, ọbo nyina kẹghigh ịyaar dị moruule. Ikel ḅạphanya, ẹmaghami ịyaar dị mẹphuph, ịyaar dị moruule.

Josua 7:12

Kụ iḍighi kụ awe phọ Ịzirel kótue bọ ọmerenyan rꞌạbumulogh-ḍien phọ ạbidi. Bịdi kọgumom ni ọman bụmulogh-ḍien phọ ạbidi, ịdi eḍighi bọ bịdi rꞌaloor moruule loor ạbidi ọngo muphe. Mị nyịna kạ́rolonaan mun, omuton dị nạ maphiemi bụphe moruule bọ sịphe ogbo phọ anyina.

Josua 8:29

Kụ ọdi ạsighe ọdaam ẹmha phọ aEai asin loor oreeny bịn ạwile sịphe kꞌadulhe. Erumuḍio remeel ighool, kụ aJosua ạḅeni bịdi mọ ịsighe ḍizu phọ ọdi sịphe oreeny phọ eseere ude. Kụ ọsighe ḍizu phọ otebeeny sịphe ọnhu-aḍibuo eḍighom ẹmha phọ kụ okpol egu dị edi ghan sịphe phọ kꞌarodon.