Dutoronomi 21:22 - Ạḍinya Iigbia

²² “Eru mạar dị oye aḍighi ịkaraph dị ẹkpianaan omugh, dị kokiigh nyọdi, kụ nyina ẹsighe nyọdi esin loor oreeny,

Dutoronomi 21:22 Iomraidhean Croise

Emiighom 40:19

Esi ịraar aḍughul-otu ọdaam eelhe phọ Ijipt katu ạsighe nyịna sịen phọ ạpam akeel, kụ ạsighe nyịna asinemi loor oreeny, kụ ịnun etu pạ phọ eekpophi ghan nyịna.”

2 Sạmuel 21:10

Pọ kụ amem dị ọyooyo phọ ạsol Rizpa, ọnyani phọ Aya, ạsighe rukpe-ọto kụ ạzaam ạgalaga ọdi sịphe ạnyu aḍighiigh sịphe osereghi bọ ruzu ạnmuny phọ, kụ ọdi ạrol sịphe phọ kꞌemiighom amem ibugha tụtu ẹteeny unu. Mem ootaany ọdi aphorogh ghan ịnun mọ kị́ba ḍizu ạnmuny phọ, ḅịle mem aḍughul ọdi aphorogh ghan ịnam lọ rẹki ạanyi aḍizu phọ.

2 Sạmuel 21:6

Kụ iḍighi kụ sịghe oḍual alephiri ạnmuny sịphe oḍigh phọ ọdi ụngo iyoor, yoor kosin bịdi sịphe risigh Ọmoogh-we phọ ẹpe Gibia, ẹpe ẹmha phọ ạSol, ọdaam dị Ọmoogh-we phọ ạsaḅar.” “Mị kạḅogh ni bịdi ịngo inyina,” ọdaam mọ ạphagharanaan.

2 Sạmuel 21:9

ADevid ạḅogh bịdi ạngo weye phọ ạGibion, kụ bịdi ọghi osinogh bịdi sịphe eegbolom mọ sịphe risigh Ọmoogh-we phọ — kụ oomo oḍual phọ ạbidi umugh eniin phọ esi phọ. Amem mọ ọze bọ bịdi iḍighi mem dị aghozogh ramuneen, ḍio dị bịdi omiigh oogbo ịbiakpa abali.

2 Sạmuel 4:12

ADevid ạto ni ạngo kụ awe ẹgham mọ ọdi oghiigh Rekab rꞌaBaana kụ oogbo rạghaagh rꞌaruwol phọ ạbidi, kụ ọsighe ọkereri esi otumeniom ọodu phọ ạHebron. Kụ bịdi ọsighe ẹmhu phọ Isboset oḍi sịphe oḍi phọ Ạbner ẹpe Hẹbron.

Igbiighi 25:4

Kụ Ọmoogh-we phọ ạḅeni Mozis mọ, “Sịghe oomo ạbuo ạrumhu phọ Ịzirel asinogh bịdi egbodo ạmi, sịphe ogogo phọ, bịn mị kạ́mooghom mun ophin ologhi we phọ.”

Matiu 26:66

Edi aani ika iloghi anyina?” Kụ bịdi ọphagharanaan mọ, “Ọdi ạmoogh apum aḍuugh.”

Elegh ạMak 14:64

Nyina rẹnaghan bọ ni ọopu phọ ọphon. Edi aani ika iloghi anyina?” Kụ oomo phọ ạbidi ọḅoph iniin ịiruen, mọ erugh aḍuugh epum ni nyọdi.

Elegh aLuk 23:33

Bịdi rọghi rosi esi dị oghol mọ ạkpaḍi ịkeeghi ạrumhu, kụ ọkan nyọdi loor oreeny phọ kụ ogim, kụ ụḅaram aani ni ịyal phọ ạbueri phọ awe phọ, oniin ekeeny, oniin elhiom.

Iiḍighi 23:29

Kụ mị ạwa bọ ạmiin ọdi ósoor ologh dị ẹkpe oghiigh ọdi mụghumo ọlogh ikoli. Ịpe bịdi ọgbaam bọ nyọdi iḍighi ịlo iilogh phọ ạbidi bịn.

Iiḍighi 25:11

Eru dị mị ạka ologh dị ẹkpianaan oghiigh ạmi, pọ mị úkel omugh; kụ eru dị ịpe bịdi rụgbaanaan bọ ịmi ítu igey, pọ oye ólho dị kụsighe ịmi ạngo bịdi. Mị mạsighe ḍighiton phọ ạmi rạkiomaan Siza uwo eelhe phọ aRom.”

Iiḍighi 25:25

Kụ mị ạwa bọ mị ụ́miin ịyaar lọ ọdi aḍighi dị ẹkpe oghiigh ọdi. Kụ ịdipho ọdi mạsighe bọ ḍighiton phọ ọdi ạghiom Siza, mị mameeraam ọsighe ọdi ọghiom ẹpe phọ.

Iiḍighi 26:31

Bịdi okughaan rọḍuaghu, kụ oniin ạḅeni ghan nyoniin mọ, “Oye phọ ọphon óḍighi ịyaar dị ẹkpianaan oghiigh mꞌọlogh ikoli.”

Dutoronomi 19:6

ọbo ọpo rẹkagh bọ ologhi kụ rạwa bọ oghiigh aani ọdi oḅulemian kaporogh ghan bọ ọokom-enu phọ ạteeny loor esi dị eten phọ ẹdoony bọ bịn akiigh nyọdi. Kụ ạri dị ọ́kpianaan omugh, loor esi ịdipho bịdi ụ́moogh bọ ịikonoghian, ḅịle kạ́mulogh ḍien ọdi.

Dutoronomi 22:26

Íḍighi ghan ọnyani phọ ịyaar, ịdi eḍighi bọ ọnyani phọ óḍighi ịyaar dị ẹkpianaan oghiigh. Ịphen phọ ẹkigh ịdipho oye aḅetenu bọ bịn ạghi aghiigh matuman ọdi,

Josua 10:26

Kụ aJosua ạgurogh bụdaam mọ ạze, ạsighe bịdi asinogh loor oogh ireeny, bịdi ọrol sịphe ireeny phọ ẹteeny kꞌadulhe.

Josua 10:27

Kụ rẹteeny dulhe mem dị erumuḍio remeel ighool, kụ aJosua ạto ạḅeni we mọ, “Ịki ẹsighe iḍim mọ ẹghi esumughi sịphe epogh eegum mọ bịdi ạaghian bọ.” Kụ bịdi ọsighe iboom asighiigh okpol sịphe ọnhu epogh eegum mọ, kụ edi ghan sịphe phọ kꞌarodon.

Josua 8:29

Kụ ọdi ạsighe ọdaam ẹmha phọ aEai asin loor oreeny bịn ạwile sịphe kꞌadulhe. Erumuḍio remeel ighool, kụ aJosua ạḅeni bịdi mọ ịsighe ḍizu phọ ọdi sịphe oreeny phọ eseere ude. Kụ ọsighe ḍizu phọ otebeeny sịphe ọnhu-aḍibuo eḍighom ẹmha phọ kụ okpol egu dị edi ghan sịphe phọ kꞌarodon.

1 Sạmuel 26:16

Nạ mạwile oḍighi phọ ạna, Ạbner. Mị akunya rꞌaḍien Ọmoogh-we phọ ọpo odi ghan bịn phọ mọ oomo anyina ọkpe ọze, ịdi eḍighi bọ nyina ị́maar ikori ọde-otu phọ ạna ọpo Ọmoogh-we phọ kụ azu bọ eghoony aḍighi ọdaam mọ. Ịmiin. Ọsoph ọdaam mọ odi ẹghen? Izoki ạmuum mọ oseere bọ otumeniom ẹmhu phọ ọdi edi ẹghen?”