Dutoronomi 21:21 - Ạḍinya Iigbia

²¹ Oomo awe ẹmha phọ ạbidi ọsighe ikpo oroḅol nyọdi oghiigh, ọbo ẹkaraph ẹghelegheel ekunughian sịphe ogbo phọ anyina, oomo awe phọ Ịzirel ọnaghan kụ oghiilaan.

Dutoronomi 21:21 Iomraidhean Croise

2 Sạmuel 18:17

Kụ bịdi ọsighe ḍizu phọ Ạbsalom oroph osumeeny ooni dị ạkel ude agey ẹpe ẹekpua phọ kụ ọsighe rạna ookpereghiom nyọdi. Oomo awe phọ Ịzirel osumughu uwo kꞌọdi agheel kꞌọdi.

Ẹḍua 21:17

“Oye lọ alhomaan ọde mꞌonhiin ọdi, pọ kokiigh ni.

Asidogh 30:17

Tọrobo oye lọ ạmaarom ịmaar ọnhu ọde ọdi mꞌọḅitonaan onhiin ọdi mem ạḍikpo ạkpe dị ạredelhe kụ keekpophi, ḅịle mꞌạreghiligho kụ kẹponyon riḍien ọdi.

Lịvitikos 20:2

mọ ạḅeni we phọ Ịzirel mọ, “Tọrobo oye mꞌọlo ịsiphe ẹmha phọ mꞌooruen lọ rꞌanyina erughan kụ ạsighe oniin ọony ọdi ạḅogh ạngo Mọlek, pọ ikiigh ghan oye phọ ọpo. Nyina aḍita ạbuo ookpomoghan phọ itoḅol nyọdi ikpo.

Lịvitikos 20:27

Kꞌạnir, kꞌolephiri dị aru uwaloor ịmiin mụghumo ọḅaghama, pọ itoḅol nyọdi ikpo dị amugh; ịḅaal ọdi edi ẹmhu ọdi.

Lịvitikos 24:14

“Sịghe nyọdi sịphe ologhi arugbogo phọ amitiom, kụ oomo ạbuphe ọnaghan bọ ịpe oye phọ arunyon bọ ọsighe rạghaagh ạbidi ọḅamaghi ẹmhu ọdi ịlo ọgba omitiom mọ epum ni nyọdi, kụ reten oomo aḍita ookpomoghan phọ kotoḅol nyọdi ikpo.

Lịvitikos 24:16

Tọrobo oye lọ aafolomi ḍien phọ Ẹnaan, pọ ikiigh ghan oye phọ ọpo. Oomo phọ anyina, itoḅol ghan nyọdi ikpo. Mꞌooruen mꞌọlo ịpa ẹmha phọ dị aafolomi ḍien phọ Ọmoogh-we phọ, pọ ikiigh ghan.

Igbiighi 15:25

Kụ oyil ạrikia phọ awoph oomo aḍita awe phọ Ịzirel, kụ ọsar ịkaraph phọ ạbidi ọbilenaan bịdi, ịdi eḍighi bọ bịdi úlegheri kụ ọpioman. Bịdi ọsighe ịyaar aghuḍum mọ ạbidi koḍighinom bọ nịan ọngo Ọmoogh-we phọ, rꞌịyaar aghuḍum ịkaraph phọ ạbidi ọngo Ọmoogh-we phọ loor élegheri phọ ạbidi.

Igbiighi 15:35

Kụ Ọmoogh-we phọ ạḅeni Mozis mọ, “Ikiigh oye phọ ọpo phọ. Ịsighe nyọdi ẹḍuanam sịphe arugbogo phọ.”

Igbiighi 15:36

Kụ oomo aḍita awe phọ ọsighe oye phọ ọḍuanam sịphe arugbogo phọ kụ oroḅol nyọdi ikpo kụ amugh, ịdipho Ọmoogh-we phọ ạto bọ ạḅeni Mozis.

1 Bụo ạKorint 5:13

Ẹnaan kụ kesophonaan ọoruen bụeri phọ. Ịdipho ạḍinya iigbia phọ ẹḅem bọ mọ, “Iporogh oḍighinom ịkaraph phọ emitiom sịphe ogbo phọ anyina.”

Dutoronomi 13:12

“Mem mọ nyina erugh bọ sịphe ade phọ Ọmoogh-we Ẹnaan phọ anyina rịngo bọ inyina mọ itugh, eru mạar dị nyina ẹnaghan ịdi buniin ọdorodo ighiil awe mọḍua ịgbatanaan inyina, oporogh bụo ẹmha phọ ạbidi kụ rọḅem ghan mọ itu ọghi ooseeny ghan ịnon ạrumugh dị nyina ílegheri,

Dutoronomi 13:5

Ikiigh oyil-uḍien phọ ọpo phọ mꞌọmalhaam rạmalha phọ ọpo phọ, ịdi eḍighi bọ dị rạkaaphogh ghan ịphen phọ ịlo nyina kẹbile Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt, ịtagharan inyina ạsighe esi ạdol ạrebene phọ, ịlo nyina kẹbile reten phọ ịpe Ọmoogh-we Ẹnaan phọ anyina ạlogh bọ ologh ịngo inyina mọ itelhe ghan phọ, ọbo nyina ẹwile oḍighi ghan ịkaraph sịphe ogbo phọ anyina.

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Dutoronomi 17:5

pọ ịsighe oye phọ ọpo mꞌolephiri mꞌạnir phọ ạpioghom bọ sịpioghom mọ ịphen emitiom sịphe eḍighom ẹmha phọ, ẹsighe ikpo eroḅol nyọdi tụtu dị amugh.

Dutoronomi 17:7

Kụ awe phọ ạbuphe ọmiin bọ kụ ọgba bọ kụ ọphur ọsighe rạghaagh ạbidi ọsighe ikpo oroph oye phọ ọpo kokiigh bọ, kụ aḍita ạbueri phọ awe phọ ogbi ozuom oroḅol aani ikpo. Ịphen kụ keḍighi ịdi ạsipioghom kekunughian ogbo anyina.

Dutoronomi 21:20

ọḅeni ikumoor awe ẹmha phọ ạbidi mọ, ‘Ọony phọ ayoor ọphon ạmoogh ẹkaraph ẹzo rꞌoḅom ẹmhu, rụ́naghanan ghan iyoor. Ọdi ophieneen ọony, ọpughol miim.’

Dutoronomi 22:21

pọ bịdi ọsighe ọnyani phọ omitiom, ọsighe ọghi sịphe esomanan otu ọde ọnyani phọ awe ẹmha phọ oroḅol nyọdi ikpo oghiigh, ịdi eḍighi bọ ọdi mạphue Ịzirel, ạtol kꞌọde ọdi ale ẹmha. Iḍighi ghan ịduon ọbo ịkaraph ekunughian sịphe ogbo phọ anyina.

Dutoronomi 22:24

pọ isiph ịyal phọ ạbidi ẹpham ẹsighe ẹghi ẹpe eḍighom ẹmha phọ eroḅol bịdi ikpo eghiigh, loor esi dị ọnyani phọ ọ́lhooghi pạ ẹmha phọ, oye phọ maafolomi ạnir amatuman ọdi, ọbo nyina ekori ekunughi ịkaraph sịphe ogbo anyina.