Dutoronomi 21:19 - Ạḍinya Iigbia

¹⁹ pọ ọde phọ ọdi rꞌonhiin phọ ọdi osiph nyọdi ọsighe ọghiomonaan ikumoor awe ịsiphe ẹmha phọ ạbidi ọmeremi sịphe esomanan amarugh phọ ạbidi,

Dutoronomi 21:19 Iomraidhean Croise

Jerimaya 38:7

Tọrobo ịlo eḍighi, Ebed Mẹlek ọnyo Ẹtiopia, ophooneen oye dị odi ghan oḍighi ogiga ọdaam mọ, ạnaghan mọ bịdi musumeeny ịmi aghuḍia. Mem mọ ọpo phọ ọdaam mọ raagbo ghan ịiruen sịphe Ọnhu-aḍibuo ạBenjamin.

Zẹkaraya 13:3

Kụ eḍighi ịyaar dị oye ạkananaam mọ ọno kạmiin ịmiin, pọ ọde phọ rꞌonhiin phọ ọdi kọḅeni ni nyọdi mọ kokiigh ni nyọdi, loor esi dị ọdi maghophora rạḅem ghan mọ ọno rạkaaph ghan ikpo ọnhu Ọmoogh-we phọ, kụ ạri ọdi rạgba ghan ọkpe. Mem dị ọdi ạmiin ịmiin, ọde phọ rꞌonhiin phọ ọdi kọsighe ni ọsoph otoph nyọdi okiigh.

Dutoronomi 16:18

“Ikori ẹmaaghi bụo ịiruen rꞌạbuo ịtooghi sịphe ạramha phọ anyina, ịpe Ọmoogh-we Ẹnaan phọ anyina rịngo bọ inyina, ịdaph rughunughun phọ anyina, kụ bịdi oogboonaan ghan we phọ riliom ịiruen.

Dutoronomi 21:18

“Eru mạar dị oye ạmar mọony dị ạmoogh ẹkaraph ẹzo rꞌoḅom ẹmhu kụ rạ́naghanan ghan ịlo ọde phọ ọdi rꞌonhiin phọ ọdi, kụ ọphur nyọdi rụru, kụ rạ́naghanan bịdi ịlo ọḅeni,

Dutoronomi 21:2

pọ ikumoor awe phọ rꞌabuugboom ịiruen anyina omite ọghi ẹpe eḍum mọ ọtooghi ịdi ẹman emiigh sịphe oye phọ oghiigh bọ ameel bọ ọghi osiemi rạmha phọ ịpe ekoom bọ oye phọ oghiigh bọ.

Dutoronomi 21:20

ọḅeni ikumoor awe ẹmha phọ ạbidi mọ, ‘Ọony phọ ayoor ọphon ạmoogh ẹkaraph ẹzo rꞌoḅom ẹmhu, rụ́naghanan ghan iyoor. Ọdi ophieneen ọony, ọpughol miim.’

Dutoronomi 25:7

“Eru mạar dị umor oye phọ ọpo amugh bọ úmeera olhe erua, ophin ạnir phọ, pọ ạnir phọ ạghi ạteeny ikumoor awe ịsiphe ẹmha phọ ạḅeni mọ, ‘Umor olhom mọ ạmi ómeera ophin ạmi omitiom aḍien umor phọ ọdi sịen Ịzirel. Ọdi ómeera oḍighi ịdi ẹrol dịadi dị umor olhom ạmi ni.’