Dutoronomi 21:18 - Ạḍinya Iigbia

¹⁸ “Eru mạar dị oye ạmar mọony dị ạmoogh ẹkaraph ẹzo rꞌoḅom ẹmhu kụ rạ́naghanan ghan ịlo ọde phọ ọdi rꞌonhiin phọ ọdi, kụ ọphur nyọdi rụru, kụ rạ́naghanan bịdi ịlo ọḅeni,

Dutoronomi 21:18 Iomraidhean Croise

2 Sạmuel 7:14

Mị kaḍighi ọde ọdi kụ ọdi aḍighi mọony ạmi. Mem lọ ọdi ạpioman, mị kạliom ni nyọdi ịdipho ọde rạliom ghan bọ mọony ọdi.

Ẹḍua 20:12

“Lọgh eegu ọde ạna rꞌonhiin ạna, ịdipho Ọmoogh-we Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we phọ Ẹnaan phọ ạna rạngo bọ nyịna.

Ẹḍua 21:15

“Oye lọ ạgiph ọde mꞌonhiin ọdi, pọ kokiigh ni.

Ẹḍua 21:17

“Oye lọ alhomaan ọde mꞌonhiin ọdi, pọ kokiigh ni.

Asidogh 1:8

Mọony ạmi, ler rụru ạnaghan ịlo ọde ạna rꞌonhiin ạna ọḅeni nyịna.

Asidogh 13:24

Nạ mọony ạna kạ́liom, pọ nạ nyọdi ọ́phomoghian. Nạ ạphomoghian, nạ kạliom ni nyọdi.

Asidogh 15:5

Eḍighi ni elologhi ọḅitonaan ịdi ọde ạna ạtughemi nyịna; eḍeenaan olegheri ịyaar ọnaghanam mem lọ oromoghiom nyịna.

Asidogh 19:18

Lịom nmụny ạna mem dị bịdi oghom dị kotue ọtuugha; nạ ịdipho óḍighi, pọ nạ rạloghonaan bịdi ḍịghaagh ophiemi asiloor ạbidi.

Asidogh 20:20

Nạ aronyon ọde rꞌonhiin ạna, aghuḍum ạna kakureri ịdipho ọtozi dị aḍim ufiri.

Asidogh 22:15

Ịbam ạnmuny ọmoogh eghiil eḍighinom ịyaar, rạraar dị ị́kpe dị koḍighi, kụ ọkuami ophum esin ạbidi kẹtughemi ịlo ọmaar ọrol.

Asidogh 28:24

Oye lọ agbi mọ íbeeph omi ịyaar ọde rꞌonhiin ọ́nighe ópu ọkaraghi ọḅa.

Asidogh 29:17

Lịom mọony phọ ạna bịn nạ kaabagaam ni nyọdi oomo amem. Ọdi káḍighi ghan ịdi nạ kạmoogh umugholoor.

Asidogh 30:11

Awe odi ni dị oronyon bụrude ạbidi kụ ụ́ḅeni onhiin ạbidi mọ maḍighi.

Asidogh 30:17

Tọrobo oye lọ ạmaarom ịmaar ọnhu ọde ọdi mꞌọḅitonaan onhiin ọdi mem ạḍikpo ạkpe dị ạredelhe kụ keekpophi, ḅịle mꞌạreghiligho kụ kẹponyon riḍien ọdi.

Azaya 1:2

Ọmoogh-we phọ ạḅem mọ, “De rꞌạke, iler rụru ẹnaghan ịphen mị rạḅem bọ! Ạnmuny phọ mị aakonom bọ mọgbagharan esi ạmi.

Azaya 1:5

Iḍighi ika kụ nyina ẹḅile bọ ni rẹgbagharan ghan? Nyina rẹwa ghan dị kịlhiom inyina opu sịen ḍụghum? Ịzirel, ẹmhu ạna mookpereghiom rꞌạreeḅephenu, kụ ekpom ạna rꞌologhi ạna ímoonogh.

Jerimaya 31:18

“Mị ạnaghan ịdi aweye phọ Ịzirel ọḅem esi ọto, ‘Ọmoogh-we, yoor ụghigh ẹnam dị úukonom kụ nạ ụtughemi iyoor ọnaghanan. Uḅulemi iyoor; yoor ọnya origheel esi ạna, Ẹnaan phọ ayoor Ọmoogh-we phọ.

Jerimaya 5:23

Kụ ọlo nyina awe phọ ạbuen! Nyina ịgbagara awe oḅom ẹmhu; nyina mẹḅitonaan ẹḅile ịwile ịmi.

Jerimaya 5:3

Ọkaraghi agey Ọmoogh-we phọ rạwa ghan weye dị ọphamanam omeeraam mọ ọdi. Ọdi ịgur inyina, kụ ọlo nyina ị́naghanan; ọdi iigbighiḍi inyina, kụ nyina ímeera kẹn ni ị́naghan. Nyina ịḅaar ẹmhu kụ ímeera íkiton esi ịkaraph phọ anyina.

Izikiel 22:7

Rꞌoniin sịphe ẹmha phọ óghueni ọde rꞌonhiin ọdi. Nyina eegbegheḍiom ruuruen kụ ẹmiine rukpukele ạnmariir rꞌạbunyigo ạnmuny.

Izikiel 24:13

Jeruselem, iiḍighi olhe ẹmha ạna mẹepu nyịna. Ghạlamo ịduon mị ạkparagha bọ ịlo ọosa ạna, nạ ụrolanaan ni esi ẹ́ḅaal. Nạ kạ́ḅaal mun tụtu nạ aloghoma ịdi ẹmanam ịikpo ọghagh ologhi phọ ạmi.

Lịvitikos 19:3

Tọrobo ọnyo anyina aghueni ghan onhiin ọdi rꞌọde ọdi; aako ghan ḍio ophooghian phọ. Mị kụ Ọmoogh-we Ẹnaan phọ anyina.

Lịvitikos 21:9

Ọnyani oyil ạrikia lọ aafolomian loor ọdi, pọ maafolomi ọde phọ ọdi. Ịsighe nyọdi eguom nịan.

Dutoronomi 21:19

pọ ọde phọ ọdi rꞌonhiin phọ ọdi osiph nyọdi ọsighe ọghiomonaan ikumoor awe ịsiphe ẹmha phọ ạbidi ọmeremi sịphe esomanan amarugh phọ ạbidi,

Dutoronomi 27:16

“‘Itulughian ẹrolonaan oye lọ ọde ọdi rꞌonhiin ọdi rákueni ghan.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Dutoronomi 8:5

Ilegheri sịphe iloghi phọ anyina mọ, ịdipho oye ratomoghiom ghan bọ nmụny ọdi kụ ịdi Ọmoogh-we Ẹnaan phọ anyina riromoghiom ghan inyina.

1 Sạmuel 3:13

Mị mạḅeni ni nyọdi mọ mị kạliom ni ọto kꞌọdi kꞌagee-pọ loor esi dị ạnmuny phọ ọdi mụgilaam ịmi ọpughan. Ọdi alegheri ni ịphen phọ bịdi roḍighi bọ kụ ọdi ọ́ḅaam bịdi.