Dutoronomi 21:16 - Ạḍinya Iigbia

¹⁶ kụ ọdi radiemi ruphua phọ ọdi nmụny phọ ọdi, pọ ọdi kụ́sighe ọḅel olephiri ọony oophineen phọ kụ aḍighi ọkpana ọdi, ạwile ọḅel ọony epin phọ ạmaranaan bọ nyọdi aru bọ ọkpana ọdi.

Dutoronomi 21:16 Iomraidhean Croise

Emiighom 25:31

ẠJekob ạḅeni Ịso mọ, “Mị kạngo ni nyịna eru mạar dị nạ aalha ịmi ịkpana phọ ạna rodon.”

1 Krọnikuls 26:10

Sịphe ọto phọ aMerari, aHosa ạrol li dị ạmoogh inya alephiri: Simri (ọde ọdi aḍighi nyọdi oḍiemiom, ghạlamo ịdipho ọdi úḍighi bọ okumoor),

1 Krọnikuls 5:2

Kụ ọlo eghun aJuda kụ ịkaraghi ẹmoogh ịikpo kụ emitiom oye dị ạda oomo arughunughun phọ.)

2 Krọnikuls 21:3

Ọde ạbidi ạngo ni bịdi gol dị ạmanam, silva rꞌịnon ạraraar dị ẹman ikpoki, kụ aseere oniin ọnyo ạbidi tọrobo ẹmha dị okpeki sịphe Juda. Kụ loor esi dị ạJehoram kụ ọkpana, ạJehosafat ạḅogh ọmar phọ ạngo nyọdi.

Bụo aRom 8:29

Bụphe Ẹnaan melhegheri ghan bọ igbaany, ọdi ạsaḅar ri aseere mọ ọrol aani ịdipho Ọony phọ ọno, ọbo Ọony phọ kụ aḍighi oḍiemiom sịphe aḍita asiya phọ.

Dutoronomi 21:15

“Eru mạar dị oye aphin ịyal ạnmariir kụ ạsighe nyoniin aḍighi oophineen, ạsighe nyoniin aḍighi epin; kụ eru mạar dị epin phọ rꞌoophineen phọ mọmaraghinaan nyọdi nmụny; kụ epin phọ kụ ạmaranaan nyọdi ọkpana;

Dutoronomi 21:17

Ọdi aseenaan ni dọl ịkpana phọ ọḅel olephiri ọony phọ ọpo epin phọ ạmaranaan bọ nyọdi. Ọdi aphin ghan ịyal abin sịphe aruphua phọ ọdi ịlo ịkpana ạnmuny, ịdi eḍighi bọ ịpe phọ kụ ịḅel ịnyaam mọ ọdi, ariliom ịkpana ạnmuny phọ ịlo ọdi.

Bụo aFilipai 4:8

Ịlo okureriom mọ, bụo asiya ạmi, tọrobo egey, tọrobo ịlo eghuan, tọrobo ịlo eelenyan, tọrobo ịlo eseleman, tọrobo ịlo ẹnighe, tọrobo eeḅi, tọrobo ịlo eḍighi ịma, tọrobo ịlo ẹkpianaan oboom, iseere ni ologhi ịlo ịphen phọ.