Dutoronomi 20:6 - Ạḍinya Iigbia

⁶ Ạnhian oye kụ odi sịen dị aḅeph ozo avain kụ kőlhe ebusi phọ? Pọ ọdi aḅula agheel kꞌọdi, ọbo ọdi kamugh ghan bọ ẹpe ẹgham mọ, bịn ọnon oye ale ozo phọ ọdi.

Dutoronomi 20:6 Iomraidhean Croise

Jerimaya 31:5

Amem kẹtol li dị nyina kẹḅile ẹzuphogh ireeny avain sịphe aroogbolom mọ aSameria, kụ bụphe ọzuph bọ kole ịlo ẹḍua sịphe phọ emite.

Zẹfanaya 1:13

Ẹelha ạbidi kobum ni ọsighiogh kụ ruutu ạbidi kolereghi ni. Bịdi kọ́tol iloghi aruutu phọ bịdi rodoghoḍi bọ ḅịle kọ́pughol miim mọ ạḍua bọ sịphe ireeny avain phọ bịdi rọzuphogh bọ.”

1 Bụo ạKorint 9:7

Ọnyo ẹgham ḍịen ikpoki rále ghan? Oḅephom ozo ireeny amiim ḍịen rạ́ku ghan iimuma phọ? Opoghom iyool-ịga ḍịen rạ́moophi ghan mạmaam ịga phọ?

Dutoronomi 20:5

“Kụ bụo ạrumhu ẹgham mọ ọghaaph opuru we phọ mọ, ‘Ạnhian oye kụ odi sịen dị ạlogh omoom otu kụ kọ̋ḅogh ọngo Ẹnaan? Pọ ọdi aḅula agheel kꞌọdi, ọbo ọdi kamugh ghan bọ ẹpe ẹgham mọ, bịn ọnon oye ạsighe otu phọ ọdi ạḅogh ạngo Ẹnaan.

Dutoronomi 20:7

Ạnhian oye kụ odi sịen dị matebeeny ḍịkala ạnir, kụ kọ̋sighe ạnir phọ osiom otu? Pọ ọdi aḅula agheel kꞌọdi, ọbo ọdi kamugh ghan bọ ẹpe ẹgham mọ, bịn ọnon oye ạsighe ọnyani phọ.’